Lerik Rayon Məhkəməsi Qərar — İş №3(048)-86/2025

Azərbaycan Respublikası adından QƏRAR Lerik rayonu İş № 3(048)-86/2025 05.03.2025 LERİK RAYON MƏHKƏMƏSİ Lerik Rayon Məhkəməsinin hakimi Zeynalov Yusif Səmədağa oğlunun sədrliyi, Məhkəmə iclas katibi Muradov Nurlan Əlyar oğlunun katibliyi, inzibati xəta haqqında protokol tərtib etmiş şəxs Lerik RPŞ-nin sahə inspektoru polis leytenantı - X1, barəsində inzibati xəta haqqında icraat aparılan şəxs – Şəxs iştirakları ilə, xx.xx.1993-cü il tarixdə Lənkəran rayonu, Şürük kəndində anadan olmuş, Azərbaycan Respublikasının vətəndaşı, orta təhsilli, evli, işləməyən, Lerik rayonu, Mastail kəndində qeydiyyatda olan və yaşayan Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulan inzibati xətanı törətməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi Lerik Rayon Polis şöbəsi tərəfindən Azərbaycan Respublikası İnzibati Xətalar Məcəlləsinin 535.1-ci maddəsinə əsasən Şəxs barəsində tərtib olunmuş inzibati material baxılması üçün Lerik Rayon Məhkəməsinə göndərilmişdir. İş materiallarında olan xx.xx.2025-ci il tarixdə tərtib edilmiş MN seriyalı, ******* saylı inzibati xəta haqqında protokoldan görünür ki, Şəxs xx.xx.2025-ci il tarixdə Lerik RPŞ-nin inzibati binasında polis əməkdaşlarının qanuni tələblərinə qəsdən tabe olmayaraq normal iş rejimini pozmuşdur. İş materiallarında olan inzibati qaydada tutma haqqında 03 mart 2025-ci il tarixli, protokoldan görünür ki, Şəxs xx.xx.2025-ci il tarixdə, saat 16:20-də inzibati qaydada tutulmuşdur. Məhkəmə iclasında iştirak edən inzibati xəta haqqında protokolu tərtib etmiş şəxs Lerik RPŞ-nin sahə inspektoru, polis leytenantı X2 izahatında göstərmişdir ki, raporta əsasən Lerik RPŞ-nin TQ-nin təhqiqatçısı, polis mayoru Salman Əhmədovun icraatına xx.xx.2025-ci il tarixdə, saat 00:44 və 02:50 radələrində HK-1/132 və HK-1/133 saylı materiallar daxil olmuşdur. Həmin materialların icrası ilə əlaqədar Lerik rayonu, Mastail kənd sakinləri Şəxs və X3 Lerik RPŞ-yə dəvət etmişdir. Şəxs və X5 ilə sorğu-sual və izahat işləri aparan zaman “döymüşük yaxşı etmişik”, “bizə heç kim mane ola bilməz”, “əcəb etmişik”, "bizi heç kim burda saxlaya bilməz” kimi ifadələr işlətmişlər. Daha sonra onlar dəhlizə çıxaraq öz hərəkətlərini davam etdirmişlər. Təhqiqatçı S.Əhmədov onları nizam-intizama dəvət etsə də, həmin şəxslər polisin qanuni tələblərinə məhəl qoymayaraq öz əməllərini davam etdirmişlər. Göstərilənləri nəzərə alaraq, Şəxs Azərbaycan Respublikası İnzibati Xətalar Məcəlləsinin 535.1-ci maddəsinə uyğun olaraq inzibati məsuliyyətə cəlb edilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında Lerik RPŞ-də olan zaman polis əməkdaşlarının ona təhqiredici sözlər dediyini və bu səbəbdən aralarında mübahisə yarandığını bildirmişdir. Məhkəmə iclasında şahid qismində dindirilmiş Lerik RPŞ-nin TQ-nin təhqiqatçısı, polis mayoru X4 izahatında göstərmişdir ki, icraatına xx.xx.2025-ci il tarixdə, saat 00:44 və 02:50 radələrində HK-1/132 və HK-1/133 saylı materiallar daxil olmuşdur. Həmin materialların icrası ilə əlaqədar Lerik rayonu, Mastail kənd sakinləri Şəxs və X3 Lerik RPŞyə dəvət etmişdir. Şəxs və X5 ilə sorğu-sual və izahat işləri aparan zaman “döymüşük yaxşı etmişik”, “bizə heç kim mane ola bilməz”, “əcəb etmişik”, "bizi heç kim burda saxlaya bilməz” kimi ifadələr işlətmişlər. Daha sonra onlar dəhlizə çıxaraq öz hərəkətlərini davam etdirmişlər. O, həmin şəxsləri nizam-intizama dəvət etsə də, həmin şəxslər onun qanuni tələblərinə məhəl qoymayaraq öz əməllərini davam etdirmişlər. Məhkəmə, Şəxs ifadəsinə tənqidi yanaşaraq hesab edir ki, o məsuliyyətini yüngülləşdirmək üçün belə ifadə verir. Onun göstərdikləri işin faktiki hallarına uyğun gəlmir və inandırıcı deyildir. Onun əməli protokolu tərtib etmiş orqanın nümayəndəsinin, şahidin izahatları və iş materialları ilə tam sübuta yetirilir. Belə ki, iş materiallarına əlavə edilmiş Lerik RPŞ-nin TQ-nin təhqiqatçısı, polis mayoru X4 tərəfindən tərtib edilmiş xx.xx.2025-ci il tarixli raportdan görünür ki, icraatına xx.xx.2025-ci il tarixdə, saat 00:44 və 02:50 radələrində HK-1/132 və HK-1/133 saylı materiallar daxil olmuşdur. Həmin materialların icrası ilə əlaqədar Lerik rayonu, Mastail kənd sakinləri Şəxs və X3 Lerik RPŞ-yə dəvət etmişdir. Şəxs və X5 ilə sorğu-sual və izahat işləri aparan zaman “döymüşük yaxşı etmişik”, “bizə heç kim mane ola bilməz”, “əcəb etmişik”, "bizi heç kim burda saxlaya bilməz” kimi ifadələr işlətmişlər. Daha sonra onlar dəhlizə çıxaraq öz hərəkətlərini davam etdirmişlər. Təhqiqatçı S.Əhmədov onları nizam-intizama dəvət etsə də, həmin şəxslər polisin qanuni tələblərinə məhəl qoymayaraq öz əməllərini davam etdirmişlər. Beləliklə, araşdırma zamanı müəyyən edilmişdir ki, Şəxs xx.xx.2025-ci il tarixdə Lerik RPŞ-də olan zaman polis əməkdaşlarının qanuni tələblərinə qəsdən tabe olmayaraq Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Məhkəmə qeyd edir ki, Azərbaycan Respublikasının İnzibati Xətalar Məcəlləsinin 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən, Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə, Şəxs barəsində inzibati tənbeh tətbiq edərkən işin hallarını, törətdiyi inzibati xətanın xarakterini, təqsirinin dərəcəsini, o cümlədən məsuliyyəti yüngülləşdirən və ağırlaşdıran halların olmamasını nəzərə alaraq, Şəxs cəmiyyətdən təcrid edilmədən islah edilməsini mümkün hesab etmir və onun barəsində təqsirli bilindiyi maddənin sanksiyasında nəzərdə tutulmuş inzibati həbs tənbeh tədbirinin tətbiq edilməsinin qanuni və əsaslı olması ilə yanaşı, həm də inzibati tənbehin məqsədinə uyğun olması nəticəsinə gəlir. Beləliklə, qeyd edilənləri nəzərə alaraq məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməkdə təqsirli bilinməli, barəsində 08 (səkkiz) gün müddətinə inzibati həbs tətbiq edilməli və inzibati həbs müddətinin əvvəli 03 mart 2025-ci il tarixdən, saat 16:20dən hesablanmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinsin və barəsində 08 (səkkiz) gün müddətinə inzibati həbs tətbiq edilsin. İnzibati həbs müddətinin əvvəli 03 mart 2025-ci il tarixdən, saat 16:20-dən hesablansın. Qərarın icrası Lerik rayon Polis şöbəsinə həvalə edilsin. Qərar dərhal icra olunsun. Qərarın surəti rəsmi qaydada verildiyi gündən 10 (on) gün müddətində qərardan Lerik rayon Məhkəməsi vasitəsi ilə və ya birbaşa Şirvan Apellyasiya Məhkəməsinə apellyasiya şikayəti verilə bilər. Hakim: Yusif Zeynalov