Lerik Rayon Məhkəməsi Qərar — İş №3(048)-9/2024

Azərbaycan Respublikası adından QƏRAR Lerik rayonu İş № 3(048)-9/2024 12.01.2024 LERİK RAYON MƏHKƏMƏSİ Hakim Kiçibəyov Atabəy Qələbəy oğlunun sədrliyi, Məsləhətçi (iclas katibi) Mirzəyev Faiq Fizuli oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1956-cı ildə Lerik rayonu, Zövnə kəndində anadan olmuş, Azərbaycan Respublikası vətəndaşı, orta təhsilli, ailəli, Lerik TKQ-nın mühafizə rəisi işləyən, Lerik şəhəri H.Aslanov küçəsində qeydiyyatda olmaqla yaşayan, Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə Lerik Rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs xx.xx.2024-cü il tarixdə saat 15:30 radələrində Lerik Rayon Mərkəzi Poçtun inzibati binasının həyətində polis əməkdaşlarının qanuni tələblərinə qəsdən tabe olmayaraq Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclası zamanı yuxarıda göstərilən inzibati xətanı törətməkdə özünü təqsirli bilməyərək ifadəsində göstərdi ki, Lerik TKQ-ın mühafizə rəisi işləyir. xx.xx.2024-cü il tarixdə idarənin sürücüsü Novruz Novruzov idarənin həyətinə daxil olandan sonra YPX maşınıda onun ardıyca idarənin həyətinə daxil oldu. Bu zaman səs küy olduğundan onları sakitəşdirmək istəsə də lakin onu da PPX maşınına oturdub şöbəyə apardılar. Ancaq polis əməkdaşlarının ünvanına söyüş söyməmiş və onlara qarşı kobudluq etməmişdir. Həmçinin onların qanuni tələblərinə tabe olmuşdur.Odur ki, ədalətli qərar qəbul edilməsini xahiş etdi. Məhkəmə barəsində inzibati xəta haqqında iş üzrə icraat aparılan şəxs Şəxs yuxarıda göstərilən inzibati xətanı törətməməsi barədə vermiş olduğu izahatını inandırıcı hesab etmir, özünü müdafiə məqsədi daşıyan və törətmiş olduğu əməldən yaxa qurtarmağa yönəlmiş izahat kimi qəbul edir. Belə ki, barəsində inzibati xəta haqqında iş üzrə icraat aparılan şəxs Şəxs göstərilən inzibati xətanı törətməsi, iş üzrə dindirilmiş şahidlərin ifadələri, məhkəmə iclası zamanı tədqiq edilmiş digər sübutlarla ona aşağıdakı qaydada sübuta yetirilir. Məhkəmə iclası zamanı Lerik RPŞ-nin DYPB-in rəisi polis mayoru X3 izahatında göstərdi ki, xx.xx.2024-cü il tarixdə, təxminən saat 15:30 radələrində Lerik şəhəri N.Nərimanov küçəsində YPX inspektorları polis serjantı Şərif Şərifov və Amil Qurbanovla birlikdə xidmətdə olarkən UAZ 3303 markalı, ** AC *** dövlət qeydiyyat nişanlı avtomobilin arxa bort nömrəsi yazılmadığından və yük hissəsində əlavə avadanlıq quraşdırlıdığından tərəflərindən saxlanılmış və sürücü onların qanuni tələblərinə tabe olmadan hadisə yerindən uzaqlaşmış və X4 həyətinə gəlmişdir. Bu səbəbdən onlar ona poçtun həyətində yaxınlaşdıqda səs-küy salmış və bu zaman sonrdan adını bildiyi Şəxs adlı vətəndaş onlara yaxınlaşmış və o da onların qanuni tələblərinə tabe olmadığından, ona görə də raportla Lerik RPŞ-nə müraciət etmişdir. Məhkəmə iclası zamanı şahid qismində dindirlmiş Lerik RPŞ-nin DYPX-i əməkdaşları polis serjantı X1 və X2 şahid qismində dindirlmiş zamanı Lerik RPŞ-nin DYPB-in rəisi polis mayoru X3 ilə eyni məzmunlu izahat verdi. Məhkəmə inzibati icraatda iştirak edən şəxslərin izahatını dinləyib, inzibati xəta haqqında xx.xx.2024 -cü il tarixli, MN № ******* saylı protokolu və əlavə edilmiş sənədləri araşdıraraq hesab edir ki, Şəxs əməlində Azərbaycan Respublikası İXM-nin 535.1-ci maddəsinin tərkibi vardır və o, həmin maddə ilə təqsirli bilinərək barəsində inzibati tənbeh tətbiq edilməlidir. İnzibati xəta törətmiş Şəxs ilk dəfə inzibati xəta törətməsi inzibati xətaya görə məsuliyyəti yüngülləşdirən hallardır. Onun əməlində inzibati xətaya görə məsuliyyəti ağırlaşdıran hallar yoxdur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta törətmiş Şəxs inzibati tənbeh tətbiq edərkən onun törətdiyi xətanın xarakterini, şəxsiyyətini, təqsirinin dərəcəsini, iş üzrə məsuliyyəti yüngülləşdirən halın olmasını və məsuliyyəti ağırlaşdıran halların olmamasını nəzərə alaraq, onun barəsində cərimə növündə inzibati tənbeh tətbiq edilməsi məqsədə müvafiqdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 07, 53, 114, 115, 128-130-cu maddələrinə rəhbər tutub, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib 200 (iki yüz) manat miqdarında cərimə edilsin. Qərardan rəsmi qaydada verildiyi vaxtdan 10 gün müddətinə Lerik Rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər. Hakim: Atabəy Kiçibəyov