Lənkəran Rayon Məhkəməsi Qərar — İş №3(049)-1459/2023

Azərbaycan Respublikası adından QƏRAR Lənkəran şəhəri İş № 3(049)-1459/2023 30.08.2023 LƏNKƏRAN RAYON MƏHKƏMƏSİ Hakim Məmmədov Rəşad Azad oğlunun sədrliyi, məhkəmə iclasının katibi Məmmədov Tural Məhərrəm oğlunun katibliyi, Lənkəran rayon İcra və Probasiya Şöbəsinin icra məmuru X2 və barəsində inzibati xəta haqqında iş üzrə icraat aparılan Şəxs iştirakı ilə, xx.xx.1973-cü il tarixdə Lənkəran rayonu Kərgəlan kəndində doğulmuş, Azərbaycan Respublikası vətəndaşı, evli, orta təhsilli, işləməyən, Lənkəran rayonu Kərgəlan kəndində qeydiyyatda olmaqla həmin ünvanda yaşayan Şəxs barəsində Azərbaycan Respublikasının İnzibati Xətalar Məcəlləsinin (bundan sonra mətndə İXM-nin) 529.2-ci maddəsi ilə tərtib edilmiş inzibati xəta haqqında protokol və ona əlavə edilmiş inzibati xəta haqqında iş üzrə icraat materiallarına materiala Lənkəran rayon məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Abasova X1 Rayon Məhkəməsinin 3(049)-17/2023 №-li, 11 yanvar 2023-cü il tarixli icra sənədinin tələbinə əsasən borcludan 1500 manat inzibati cərimə pulu alınaraq dövlət büdcəsinə ödənilmədiyinə görə barəsində barəsində Lənkəran rayon İcra və Probasiya Şöbəsinin icra məmuru Tural İsmayılov tərəfindən İXM-nin 529.2-ci maddəsi ilə 30 avqust 2023-cü il tarixli MN ******* №-li inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Məhkəmə iclasında barəsində inzibati iş üzrə icraat aparılan Şəxs izahat verərək bildirmişdir ki, o barəsində tətbiq edilmiş inzibati cərimə tənbeh tədbirini maddi imkanı olmadığı üçün icra edə bilmir. Əvvəllər sahibkarlıqla məşğul olduğu halda hazırda sahibkarlıqla məşğul olmur. Buna görə də inzibati cərimənin başqa tənbeh növü ilə əvəz edilməsi barədə qərar qəbul edilməsini xahiş edir. Məhkəmə iclasında Lənkəran Rayon İcra və Probasiya Şöbəsinin icra məmuru X2 bildirmişdir ki, Lənkəran Rayon Məhkəməsinin 3(049)-17/2023 №-li, 11 yanvar 2023-cü il tarixli qərarına əsasən barəsində tətbiq edilmiş 1500 manat məbləğində inzibati cərimə tutularaq dövlət hesabına köçürülməlidir. Həmin icra sənədlərinin icrası üzrə icraata başlamaq haqqında qərar qəbul edilmiş, borcluya icra sənədinin könüllü icrası ilə bağlı bildiriş göndərilmişdir. İcra sənədinin icrası ilə əlaqədar aparılmış bütün məcburi icra hərəkətlərinə və xəbərdarlıqlara baxmayaraq o, qərarının icrasından yayınmaqla müəyyən edilmiş cərimə məbləğini ödəməmişdir. Baxmayaraq borclu Şəxs şöbəyə gətirilməsi mümkün olmamışdır. İnzibati xəta haqqında iş üzrə icraat materiallarında olan və məhkəmə iclasında elan edilməklə tədqiq olunmuş: Lənkəran Rayon Məhkəməsinin 3(049)-17/2023 №-li, 11 yanvar 2023-cü il tarixli icra vərəqəsindən görünür ki, Şəxs Azərbaycan Respublikası İXM-nin 428.7.1-ci maddəsində nəzərdə tutulmuş inzibati xətanı törətməkdə təqsirli bilinib barəsində 1500 manat inzibati cərimə tənbeh tədbiri tətbiq edilmişdir. İcraata başlamaq haqqında qərardan və tələbin könüllü icrası barədə bildirişdən görünür ki, Lənkəran Rayon Məhkəməsinin 3(049)-17/2023 №-li, 11 yanvar 2023-cü il tarixli icra vərəqəsi Lənkəran rayon İcra və Probasiya Şöbəsinin icraatına daxil olmuş və tələbin könüllü icrası barədə Şəxs bildiriş göndərilmişdir. Lənkəran ŞİHB-nın Kərgəlan kənd İƏD nümayəndəliyi tərəfindən verilmiş xx.xx.2023-cü il tarixli Arayışdan görünür ki, Abasova X1 rayonu, Kərgəlan kəndində yaşayır və təsərrüfatında iri və xırda buynuzlu heyvan yoxdur. Evə baxış keçirilməsi barədə xx.xx.2023-cü il tarixli Aktdan görünür ki, Lənkəran rayon İcra və Probasiya Şöbəsi tərəfindən Şəxs yaşadığı Lənkəran rayonu, Kərgəlan kəndində yerləşən fərdi yaşayış evinə baxış keçirilmiş, cərimənin ödənilməsi üçün yönəldilə biləcək hər hansı əmlak aşkar edilməmişdir. EMİS-dən görünür ki, Şəxs tətbiq edilmiş cərimənin ödənilməsi üçün yönəldilə bilməsi mümkün olan hər hansı əmlakı yoxdur. İXM-nin 529.2-ci maddəsinin dispozisiyasına görə yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında məhkəmə qərarının qanuni qüvvəyə mindiyi gündən 25 gün müddətində qanunla müəyyən edilmiş əsaslar olmadan icra edilməməsi inzibati məsuliyyətə səbəb olur. Hazırki işin hallarından görünür ki, Şəxs barəsində tətbiq edilmiş inzibati cərimə növündə tənbeh tədbirini 9 ay müddət keçməsinə baxmayaraq icra etməmişdir. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətaları törətməsində təqsiri özünün etirafedici izahatı ilə yanaşı, inzibati xəta haqqında protokolla və işdə olan sənədlərlə tam təsdiq olunur. İXM-nin 529.2-ci maddəsinin sanksiyasına görə həmin maddənin dispozisiyasında göstərilən əmələ görə yüz altmış saatdan iki yüz qırx saatadək ictimai işlər, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq olunur. Həmin Məcəllənin 32 və 33-cü maddələrinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. İnzibati xətaya gör.ə məsuliyyəti yüngülləşdirən və ağırlaşdıran hallar müəyyən olunmadı. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə məhkəmə, inzibati tənbeh tətbiq edərkən xətanın xarakterini, inzibati xəta törədən Asiman Baxşiyev şəxsiyyətini, xəta törədənin təqsirinin dərəcəsini nəzərə alaraq inzibati xəta törətmiş şəxs Şəxs barəsində ictimai işlər növündə inzibati tənbehin tədbiri tətbiq edilməsini mümkün hesab edir. İXM-nin 28.3-1-ci maddəsinə əsasən məhkəmə tərəfindən ictimai işlər növündə inzibati tənbeh tətbiq olunmuş şəxslərin üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulur. Qeyd olunanlara əsasən İXM-nin 40, 43, 53, 115 və 128-130-cu maddələrini rəhbər tutub, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 529.2-ci maddəsində nəzərdə tutulan inzibati xətanı törətməkdə təqsirli bilinərək, barəsində 200(iki yüz) saat müddət ictimai işlər inzibati tənbeh tədbiri tətbiq edilsin. Şəxs üzərinə ictimai işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrası Lənkəran rayon İcra və Probasiya Şöbəsinə həvalə edilsin. Qərarın surəti rəsmi qaydada verildiyi vaxtdan on gün müddətində Şirvan Apellyasiya Məhkəməsinə şikayət və ya protest verilə bilər. Hakim: Rəşad Məmmədov