Lənkəran Rayon Məhkəməsi Qərar — İş №3(049)-170/2025

Azərbaycan Respublikası adından QƏRAR Lənkəran şəhəri İş № 3(049)-170/2025 12.02.2025 LƏNKƏRAN RAYON MƏHKƏMƏSİ Hakim Ələsgərov Elvin Əvəz oğlu, məhkəmə iclasının katibi Məmmədzadə Məhəmməd Valeh oğlunun katibliyi, barəsində inzibati xəta haqqında iş üzrə icraat aparılan şəxs Şəxs, zərərçəkmiş şəxs AccesBank QSC-nin nümayəndəsi X1 və inzibati xəta haqqında protokol tərtib etmiş səlahiyyətli orqan - Lənkəran Rayon İcra və Probasiya Şöbəsinin icra məmuru Nümayəndə iştirakı ilə, xx.xx.1993-cü il tarixdə Lənkəran rayonu, Marso kəndində doğulmuş, Azərbaycan Respublikası vətəndaşı, evli, 2 azyaşlı uşağı olan, orta təhsilli, Lənkəran rayonu, Ürgə kəndində, qeydiyyatda olmaqla deməsinə görə ünvan 1 ünvanında yaşayan Şəxs barəsində Lənkəran Rayon İcra və Probasiya Şöbəsin tərəfindən Azərbaycan Respublikasının İnzibati Xətalar Məcəlləsinin (bundan sonra mətndə İXM-nin) 528.1-ci maddəsi ilə tərtib edilmiş inzibati xəta haqqında protokola Lənkəran Məhkəməsinin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Şəxs Lənkəran Rayon Məhkəməsinin 2(049)-1619/2018 saylı, 09 mart 2018-ci il tarixli və dgiər qətnamələrinin icrası ilə əlaqədar icra məmurunun qanuni tələblərini yerinə yetirmədiyinə görə Nümayəndə tərəfindən Şəxs barəsində İXM-nin 528.1-ci maddəsi ilə 12 fevral 2025-ci il tarixli MN ******* saylı inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Məhkəmə iclasında dindirilmiş Lənkəran Rayon İcra Şöbəsinin icra məmuru Nümayəndə bildirmişdir ki, Şəxs Lənkəran Rayon Məhkəməsinin 2(049)-1619/2018 saylı, 09 mart 2018-ci il, 2(049)-2930/2020 saylı, 28 noyabr 2020-ci il, 2(049)-2476/2021 saylı, 24 avqust 2021-ci, 2(049)-266/2022 saylı, 18 yanvar 2022-ci tarixli icra sənədlərini icra etməkdən yayınır. İcra sənədinin icrası ilə əlaqədar borclu Şəxs dəfələrlə xəbərdarlıq edilsə də, o müxtəlif bəhanələr gətirməklə məhkəmə qərarının icrası ilə əlaqədar icra məmurunun qanuni tələblərini yerinə yetirməmiş və icra sənədini üzürsüz səbəbdən icra etməmişdir. Hal hazırda Şəxs ümumilikdə 5520.85 manat ödənilməmiş borcu vardır. Dəfələrlə borclu Şəxs telefon əlaqəsi yaradaraq, yığılmış borcunu ödəməli olduğunu ona bildirmişdir. Barəsində inzibati xəta haqqında iş üzrə icraat aparılan Şəxs məhkəmə iclasında bildirmişdir ki, o borcu ödəməkdən imtina etmir. Lakin maddi durumu borcu tam şəkildə icra etməyə imkan vermir. Bir daha belə əməllərə yol verməyəcəkdir. Əlilliyi yoxdur. Borcunun ödənilməsi üçün yönəldilə biləcək hər hansı əmlakı yoxdur. Övladının xəstəliyi ilə əlaqədar maddi sıxıntıları vardır. Məsələnin ciddi olduğunu başa düşməmişdir. 2025-ci ilin mart ayından başlayaraq icra sənədləri üzrə borclarını hissə-hissə ödəyəcəkdir. Məhkəmə iclasında dindirilmiş zərərçəkmiş şəxs AccesBank QSC-nin nümayəndəsi X2 bildirmişdir ki, Şəxs şikayətçidir, məhkəmə qətnaməsi və əmrləri ilə təyin edilmiş borc məbləğini ödəməkdən qərəzli olaraq yayınır. Şəxs ona olan borcundan heç bir ödəniş etməyib. Buna görə də onun barəsində qanunauyğun cəza verilməsini xahiş edir. Şəxs kifayət qədər güzəşt edilmiş, bank borcun yarısını ödəmək şərti ilə borcun qalan hissəsini bağışlayır. Bu barədə borcluya da məlumat verilmişdir. Lakin o bu təklifi də qiymətləndirmir. İnzibati xəta haqqında iş üzrə icraat materiallarından görünür ki: Lənkəran Rayon Məhkəməsinin 2(049)-1619/2018 saylı, 09 mart 2018-ci il tarixli icra sənədindən görünür ki, cəmi 2397 manat cavabdeh Şəxs tutularaq iddiaçı "xxxx" MMC-yə ödənilməsi qət edilmişdir. Lənkəran Rayon Məhkəməsinin 2(049)-2930/2020 saylı, 28 noyabr 2020-ci il tarixli icra sənədindən görünür ki, 618.80 manat və iddianın verilməsi üçün dövlət rüsumu kimi ödənilmiş 20 manat cavabdeh Şəxs tutularaq iddiaçı Aqrolayn Qrup MMC-yə ödənilməsi qət edilmişdir. Lənkəran Rayon Məhkəməsinin 2(049)-2476/2021 saylı, 24 avqust 2021-ci il tarixli icra sənədindən görünür ki, cəmi 910 manat və iddianın verilməsi üçün dövlət rüsumu kimi ödənilmiş 30 manat cavabdeh Şəxs tutularaq iddiaçı Tab MMC-yə ödənilməsi qət edilmişdir. Lənkəran Rayon Məhkəməsinin 2(049)-266/2022 saylı, 18 yanvar 2022-ci il tarixli icra sənədindən görünür ki, cəmi 1509.95 manat və iddianın verilməsi üçün dövlət rüsumu kimi ödənilmiş 35.10 manat cavabdeh Şəxs tutularaq iddiaçı AccesBank QSC-yə ödənilməsi qət edilmişdir. İcraata başlamaq haqqında qərardan görünür ki, Lənkəran Rayon Məhkəməsinin 2(049)-1619/2018 saylı, 09 mart 2018-ci il tarixli tərəfindən verilmiş icra sənədi üzrə icraata başlanılmışdır. İcraata başlamaq haqqında qərardan görünür ki, Lənkəran Rayon Məhkəməsinin 2(049)-2930/2020 saylı, 28 noyabr 2020-ci il tarixli tərəfindən verilmiş icra sənədi üzrə icraata başlanılmışdır. İcraata başlamaq haqqında qərardan görünür ki, Lənkəran Rayon Məhkəməsinin 2(049)-2476/2021 saylı, 24 avqust 2021-ci il tarixli tərəfindən verilmiş icra sənədi üzrə icraata başlanılmışdır. İcraata başlamaq haqqında qərardan görünür ki, Lənkəran Rayon Məhkəməsinin 2(049)-266/2022 saylı, 18 yanvar 2022-ci il tarixli tərəfindən verilmiş icra sənədi üzrə icraata başlanılmışdır. Tələbin könüllü icrası haqqında bildirişdən görünür ki, icraata başlamaq haqqında qərarın surəti Şəxs göndərilmiş, ona məhkəmə əmrlərinin icra edilməməsinə görə məsuliyyəti izah olunmuşdur. Borclunun barəsində axtarış edilməsi haqqında xx.xx.2024-ci il tarixli qərardan görünür ki, Şəxs Lənkəran Rayon İcra və Probasiya Şöbəsi tərəfindən axtarış elan edilmişdir. Mərkəzləşdirilmiş informasiya sistemindən Çıxarışdan və izahatından görünür ki, Şəxs heç bir növ əmək pensiyası və sosial müavinət almır. Məhkəmə hesab edir ki, Şəxs tərəfindən inzibati xətanın törədilməsi onun izahatı, icra məmurunun ifadəsi, «inzibati xəta haqqında» protokolla və işdə olan digər sənədlərlə tam təsdiq olunur. Məhkəmə iclası zamanı müəyyən olunmuşdur ki, inzibati xəta törətmiş Şəxs məhkəmə qərarlarının icrası ilə əlaqədar icra məmurunun tələblərini yerinə yetirməmiş, məhkəmə qətnaməsini üzrsüz səbəbdən icra etməmiş və bununla da o, İXM-nin 528.1-ci maddəsində nəzərdə tutulmuş inzibati xətanı törətmişdir. Ona görə də onun barəsində həmin maddənin sanksiyası həddində inzibati tənbeh tədbiri tətbiq edilməlidir. Belə ki, İXM-in 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə -fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikasının Mülki Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. İXM-nin 32.2-ci maddəsinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə hesab edir ki, Şəxs məsuliyyətini yüngülləşdirən və ağırlaşdıran hallar müəyyən olunmamışdır. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə məhkəmə, inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini, təqsirinin dərəcəsini, əmlak vəziyyətini nəzərə alaraq inzibati xəta törətmiş şəxs Şəxs barəsində inzibati həbs növündə inzibati tənbehin tətbiq edilməsini mümkün hesab edir. Qeyd olunanlara əsasən İXM-nin 40, 43, 53, 115 və 198-130-cu maddələrini rəhbər tutub, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 8 (səkkiz) gün müddətinə inzibati həbs tənbeh tədbiri tətbiq edilsin. Həbsetmənin əvvəli «12» fevral 2025-ci il tarixdən saat 16:40-dan hesablansın. Qərar dərhal icra olunsun. Qərarın icrası Lənkəran Şəhər-Rayon Polis Şöbəsinə həvalə olunsun. Qərarın surəti rəsmi qaydada verildiyi vaxtdan on gün müddətində Şirvan Apelyasiya Məhkəməsinə şikayət və ya protest verilə bilər. Hakim: Elvin Ələsgərov