Lənkəran Rayon Məhkəməsi Qərar — İş №3(049)-190/2025

Azərbaycan Respublikası adından QƏRAR Lənkəran şəhəri İş № 3(049)-190/2025 19.03.2025 LƏNKƏRAN RAYON MƏHKƏMƏSİ Hakim Ağabəyov Nicat Rauf oğlunun sədrliyi, məhkəmə iclasının katibi Qənbərov Mirnamiq Nazim oğlunun katibliyi, inzibati xəta haqqında protokol tərtib etmiş orqan – Azərbaycan Respublikası Dövlət X5 Regional Reklam İdarəsinin nümayəndəsi Nümayəndə və barəsində inzibati xəta haqqında iş üzrə icraat aparılan şəxs X2 iştirakı ilə, X4 barəsində Azərbaycan Respublikası İnzibati Xətalar Məcəlləsinin (bundan sonra İXMnin) 428.7.3-cü maddəsi ilə tərtib olunmuş inzibati xəta haqqında protokol və ona əlavə edilmiş inzibati xəta haqqında iş üzrə icraat materiallarına Lənkəran Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: X4 vəzifəli şəxs – fərdi sahibkar kimi Lənkəran rayonu, Hirkan qəsəbəsində yerləşən “Xan Saray” adlı obyektin reklam yayıcısı kimi açıq məkanda reklam sahəsində nəzarətin keçirilməsi çərçivəsində verilən yazılı göstərişi tam və vaxtında yerinə yetirmədiyinə görə X10 İdarəsi tərəfindən onun barəsində İXM-nin 428.7.3-cü maddəsi ilə 17 fevral 2025-ci il tarixli, MN ******* nömrəli inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Azərbaycan Respublikası Dövlət X5 Regional Reklam İdarəsinin nümayəndəsi Nümayəndə işin məhkəmə baxışı zamanı protokolun məzmununa uyğun izahat verərək vəzifəli şəxs X2 Azərbaycan Respublikası İXM-nin 428.7.3-cü maddəsi ilə təqsirli bilinərək barəsində inzibati tənbeh tətbiq edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs X4 izahatında “Xan Saray” adlı obyekti (şadlıq sarayı) icarəyə verən X7 ilə onun arasında bağlanılmış xx.xx.2022-ci il tarixli icarə müqaviləsinə əsasən icarəyə götürdüyünü, icarə müqaviləsi müddətinin iki il təşkil etdiyini, tərəflər imtina etmədiyi üçün müqavilənin müddətinin müqavilədə nəzərdə tutulmuş müddətə uzadıldığını, sonuncu dəfə xx.xx.2025ci il tarixdə tərəfindən X8 yayım haqqı olaraq 186 manat ödəniş edildiyini, ərizəsinə əsasən xx.xx.2024-cü il tarixdən etibarən vergi ödəyicisi kimi fəaliyyətinin dayandırıldığını bildirdi. Barəsində inzibati xəta haqqında iş üzrə icraat aparılan şəxs Möhübbət Quliyev özünü təqsirli bilsə də, vergi orqanında fəaliyyətinin dayandırıldığını nəzərə alaraq, vəzifəli şəxs kimi deyil, fiziki şəxs olaraq barəsində cərimə tənbehi tətbiq edilməsini xahiş etdi. İnzibati xəta haqqında iş üzrə icraat materiallarında olan: 02 №-li xx.xx.2025-ci il tarixli Akt və xx.xx.2025-ci il tarixli, 11-3-6/2-052/2025 Yazılı Göstərişdən görünür ki, müvafiq icazə sənədləri olmadan Lənkəran rayonu, Hirkan qəsəbəsində yerləşən “Xan Saray” adlı obyektin açıq məkanda qanunsuz reklam yayımı həyata keçirildiyi aşkar edilmiş və yayımın 5 gün ərzində dayandırılması barədə vəzifəli şəxs X3 göstəriş göndərilmişdir. Əks təqdirdə İXM-nin 428.7.3-cü maddəsində nəzərdə tutulmuş məsuliyyət tədbirləri tətbiq olunacağı izah olunmuşdur. xx.xx.2025-ci il tarixdə X12 Filialı tərəfindən X11 PHŞ-yə ünvanlanmış teleqramdan görünür ki, X3 xx.xx.2025-ci il tarixdə ünvanlanmış qeyd olunan göstəriş xx.xx.2025-ci il tarixdə sonuncuya təqdim edilmişdir. Azərbaycan Respublikası Dövlət X5 Regional Reklam İdarəsi tərəfindən X3 ünvanlanmış xx.xx.2025-ci il tarixli bildirişdən görünür ki, xx.xx.2025-ci il tarixdə, saat 12:15-də Lənkəran rayonu, Hirkan qəsəbəsində yerləşən “Xan Saray” adlı obyektdə olması xahiş edilmişdir. xx.xx.2025-ci il tarixdə X12 Filialı tərəfindən X11 PHŞ-yə ünvanlanmış teleqramdan görünür ki, X3 xx.xx.2025-ci il tarixdə ünvanlanmış bildiriş xx.xx.2025-ci il tarixdə sonuncuya təqdim edilmişdir. 17 fevral 2025-ci il tarixli 01 saylı Baxış aktından görünür ki, X10 İdarəsinin əməkdaşları tərəfindən xx.xx.2025-ci il tarixli Akt və xx.xx.2025-ci il tarixli, 11-3-6/2- 052/2025 Yazılı Göstərişin yerinə yetirilib-yetirilməməsini yoxlamaq məqsədilə baxış keçirilmiş və baxış zamanı göstərişin icra olunmadığı qanunsuz reklam yayımının dayandırılmadığı müəyyən olunmuşdur. 17 fevral 2025-ci il tarixli imtina aktından görünür ki, X4 baxış aktını, hüquq və vəzifələr barədə bildirişi və inzibati xəta haqqında protokolu imzalamaqdan imtina etmişdir. İnternet vergi idarəsinin portalından çıxarışdan görünür ki, X1 kimi İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində ********** nömrləli VÖEN-lə qeydiyyatdadır. X10 İdarəsi tərəfindən İXM-nin 428.7.3-cü maddəsi ilə tərtib olunmuş 17 fevral 2025-ci il tarixli, MN ******* nömrəli inzibati xəta haqqında protokoldan görünür ki, 17 fevral 2025-ci il tarixdə, saat 12:18-də Lənkəran rayonu, Hirkan qəsəbəsində yerləşən “Xan Saray” adlı obyektin reklam yayıcısı X4 tərəfindən açıq məkanda reklam sahəsində nəzarətin keçirilməsi çərçivəsində verilən yazılı göstərişi tam və vaxtında yerinə yetirməmişdir. “ASAN ödəniş” sistemindən çıxarışdan görünür ki, X4 tərəfindən açıq məkanda reklam yerləşdirilməsinə icazənin verilməsi üçün X6 hesabına xx.xx.2024-cü il tarixdə 26.4 AZN vəsait köçürülmüşdür. “ASAN ödəniş” sistemindən çıxarışdan görünür ki, X4 tərəfindən yayım üçün X6 hesabına xx.xx.2025-ci il tarixdə 186.91 AZN vəsait köçürülmüşdür. X4 tərəfindən təqdim edilmiş: 6 saylı Ərazi Vergilər Baş İdarəsi tərəfindən “Vergi ödəyicisi fəaliyyətinin dayandırılması barədə” məktubdan görünür ki, X2 ərizəsinə əsasən onun fəaliyyəti xx.xx.2024-cü il tarixdən xx.xx.2054-cü il tarixinədək dayandırılması vergi orqanı tərəfindən təmin edilmişdir. xx.xx.2022-ci il tarixli, 01 №-li icarə müqaviləsindən görünür ki, “Xan Saray” adlı obyekti (şadlıq sarayı) icarəyə verən X7 ilə X4 arasında bağlanılmış müqaviləyə əsasən sözügedən obyekt sonuncu tərəfindən iki il müddətinə icarəyə götürülmüşdür. Müqavilənin qüvvədə olma müddətindən bəhs edən 6-cı bəndindən görünür ki, müqavilənin müddəti başa çatdıqdan sonra 3 gün ərzində tərəflərdən heç biri müqavilənin imtina və yaxud uzadılması barədə müraciət etmədikdə, müqavilənin müddəti müqavilədə nəzərdə tutulmuş müddətdə uzadılmış hesab edilir. Məhkəmə iş materiallarına əlavə edilmiş sənədləri mövcud qanunvericiliyin tələbləri ilə müqayisəli şəkildə araşdıraraq hesab edir ki, X2 əməlində İXM-nin 428.7.3-cü madddəsində nəzərdə tutulmuş inzibati xətanı törətməsi iş materiallarında olan sənədlərlə tam sübuta yetirilir. Belə ki, İXM-nin 3-cü maddəsinin tələbinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-nin 17-ci maddəsinin tələbinə görə vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Həmin maddənin qeyd hissəsinə görə «Dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyridövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər.» «Reklam haqqında» Azərbaycan Respublikası Qanununun 2.0.1. reklam – reklam istehlakçısının diqqətini reklam obyektinə müxtəlif vasitə və üsullardan istifadə olunmaqla istənilən formada cəlb etmək, marağını formalaşdırmaq və saxlamaq, əmtəəni bazarda tanıtmaq və satışını stimullaşdırmaq məqsədi ilə yayımlanan məlumatdır. Həmin Qanunun 26.1-ci maddəsinə əsasən açıq məkanda reklam avtomobil yollarının torpaq sahəsində, şəhər, kənd, qəsəbə və digər yaşayış məntəqələrində olan reklam daşıyıcıları üzərində yerləşdirilir. Açıq məkanda ölçülərindən asılı olmayaraq reklam qurğularının tikintisinə, quraşdırılmasına, onlara konstruktiv dəyişikliklərin edilməsinə icazəni Azərbaycan Respublikasının Şəhərsalma və Tikinti Məcəlləsində nəzərdə tutulmuş hallarda və qaydada müvafiq icra hakimiyyəti orqanının yaratdığı qurum verir. Həmin Qanunun 26.2-ci maddəsinə əsasən açıq məkanda reklam yerləşdirmək üçün reklam yayıcısı müvafiq icra hakimiyyəti orqanının yaratdığı qurumdan icazə almalıdır. İcazə reklam yayıcısının tələbatına uyğun, lakin bir ildən artıq olmayan müddətə verilir. İcazənin verilməsinə görə “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə və qaydada dövlət rüsumu tutulur. İcazə verilərkən müvafiq icra hakimiyyəti orqanının yaratdığı qurum reklama dair texniki şərtlər pasportunu hazırlayaraq reklam yayıcısına təqdim edir və reklam yayıcısı ilə icazə müqaviləsini bağlayır. İcazə müqaviləsi bağlanılmadıqda, açıq məkanda reklam yerləşdirmək üçün verilmiş icazə və texniki şərtlər pasportu hüquqi nəticələr yaratmır. Həmin Qanunun 26.2-1 və 26.2-2-ci maddələrinin tələblərinə görə Açıq məkanda reklam yerləşdirilməsinə icazənin verilməsi və bu sahədə nəzarətin keçirilməsi qaydasını, həmçinin icazənin və reklama dair texniki şərtlər pasportunun formasını, icazə müqaviləsinin formasını və bağlanılma qaydasını müvafiq icra hakimiyyəti orqanı müəyyən edir. Həmin Qanunun 26.2-2-ci maddəsinə əsasən reklam yayıcısı, həmçinin: 26.2-2.1. reklam daşıyıcısının yerləşdiriləcəyi xüsusi mülkiyyətdə olan daşınmaz əmlakın mülkiyyətçisi ilə həmin əmlakın istifadəsinə dair müqavilə bağlamalıdır; 26.2-2.2. reklam daşıyıcısının bələdiyyə mülkiyyətində olan daşınmaz əmlakda yerləşdiriləcəyi təqdirdə həmin əmlakın istifadəsinə dair bələdiyyə ilə müvafiq icra hakimiyyəti orqanının yaratdığı qurum arasında bağlanılacaq müqavilədən irəli gələn məbləği həmin quruma ödəməlidir. Azərbaycan Respublikası Prezidentinin 2017-ci il 19 dekabr tarixli Fərmanı ilə təsdiq edilmiş «Açıq məkanda reklam yerləşdirilməsinə icazə verilməsi və bu sahədə nəzarətin həyata keçirilməsi» Qaydalarının 1.2-ci maddəsinə əsasən açıq məkanda reklam yerləşdirilməsinə icazə verilməsi və bu sahədə nəzarət Azərbaycan Respublikasının X11, “İçərişəhər” Dövlət Tarix-Memarlıq və “Qala” Dövlət Tarix-Etnoqrafiya qoruqlarının ərazisinə münasibətdə isə “İçərişəhər” Dövlət Tarix-Memarlıq Qoruğu İdarəsi tərəfindən (bundan sonra – müvafiq qurum) həyata keçirilir. Həmin Qaydaların 3.5-ci maddəsinə əsasən müvafiq qurum açıq məkanda icazəsiz, həmçinin icazə müqaviləsi bağlanılmadan və ya müvafiq haqqı vaxtında ödəmədən reklam yayımı hallarını müəyyən etdikdə: 3.5.1. reklam yayıcısı məlum olduğu halda, pozuntu halı təsvir olunmaqla müvafiq akt tərtib edərək onu və bu Qaydanın 2-ci hissəsinə uyğun müvafiq hərəkətlərin 5 gün ərzində yerinə yetirilməsi üçün icrası məcburi olan yazılı göstərişi reklam yayıcısına təqdim edir (bu halda reklam yayıcısı reklamın yayımını dərhal dayandırmalıdır); 3.5.2. bu Qaydanın 3.5.1-ci yarımbəndinə uyğun olaraq, yazılı göstərişdə müəyyən edilmiş tələblər vaxtında yerinə yetirilmədikdə və ya reklamın yayımı dərhal dayandırılmadıqda, həmçinin reklam yayıcısını müəyyən etmək mümkün olmadıqda, reklamın yayılmasının dayandırılması üçün zəruri tədbirlər görür. Həmin Qaydaların 3.7-ci maddəsinə müvafiq qurum reklamvericilərin, reklam istehsalçılarının, reklam yaradıcılarının, reklam agentlərinin və reklam yayıcılarının hərəkətlərində açıq məkanda reklam üzrə inzibati xəta əlamətləri aşkar etdikdə, Azərbaycan Respublikasının İnzibati Xətalar Məcəlləsinə uyğun olaraq tədbirlər görür, cinayət əlamətləri olduqda isə aidiyyəti üzrə məlumat verir. İXM-nin 428.7.3-cü maddəsində müvafiq icra hakimiyyəti orqanının yaratdığı qurumun açıq məkanda reklam sahəsində (o cümlədən tikintisinə icazə tələb olunmayan açıq məkanda reklam qurğularının quraşdırılması və sökülməsi sahəsində) nəzarətin həyata keçirilməsi çərçivəsində verdiyi yazılı göstərişlərin və qərarların (bu Məcəllənin 394.0.7-ci maddəsində nəzərdə tutulmuş hallar istisna olmaqla) vaxtında və tam yerinə yetirilməməsinə görə inzibati məsuliyyət nəzərdə tutulmuşdur. Qeyd olunan hüquq normalarını hazırki işin faktiki halları ilə müqayisəli şəkildə təhlil etdikdə müəyyən olunur ki, xx.xx.2025-ci il tarixdə X10 İdarəsinin əməkdaşları tərəfindən Lənkəran rayonu, Hirkan qəsəbəsində yerləşən “Xan Saray” reklam yayıcısı X4 tərəfindən açıq məkanda reklam haqqında mövcud qanunvericiliyin pozulması aşkar edilmiş, buna görə də həmin tarixdə vəzifəli şəxsə açıq məkanda qanunsuz reklam yayımının aradan qaldırılması ilə əlaqədar Göstəriş göndərilmiş və o, göstərişi qəbul etmişdir. Bundan sonra sahibkar tərəfindən 5 gün ərzində həmin halların aradan qaldırılıb-qaldırılmamasının yoxlanılması üçün İdarənin əməkdaşları tərəfindən yenidən 17 fevral 2025-ci il tarixdə baxış keçirilmiş və reklam yayımının dayandırılmadığı, yəni göstərişin icra edilmədiyi müəyyən edilmişdir. Bununla da X4 İXM-nin 428.7.3-cü maddəsində nəzərdə tutulmuş inzibati xətanı törətmişdir. X2 izahatında xx.xx.2024-cü il tarixdən etibarən vergi orqanında fəaliyyətinin dayandırıldığını nəzərə alaraq, vəzifəli şəxs kimi deyil, fiziki şəxs olaraq barəsində cərimə tənbehi tətbiq edilməli olması ilə bağlı dəlillərinə qiymət verən məhkəmə aşağıdakıları qeyd etməyi zəruri hesab edir. Azərbaycan Respublikası Vergi Məcəlləsinin 16.3-cü maddəsinə əsasən «Vergi ilində vergi ödəyicisi sahibkarlıq fəaliyyətini və ya digər vergi tutulan əməliyyatlarını müvəqqəti dayandırdıqda, həmin fəaliyyətin və ya əməliyyatların dayandırılması günündən gec olmayaraq vergi orqanına müvafiq icra hakimiyyəti orqanının müəyyən etdiyi formada arayış təqdim edilməlidir. Arayışda sahibkarlıq fəaliyyətinin və ya digər vergi tutulan əməliyyatların dayandırılmasının müddəti göstərilməlidir. Vergi ödəyicisinin sahibkarlıq fəaliyyətini və ya digər vergi tutulan əməliyyatlarını müvəqqəti dayandırdığı dövrdə faktiki olaraq fəaliyyət göstərməsi müəyyən edildikdə vergi ödəyicisinə bildiriş göndərilməklə sahibkarlıq fəaliyyətini və ya digər vergi tutulan əməliyyatlarını müvəqqəti dayandırdığı dövrlər üzrə vergi orqanına hesabatlar təqdim etməsi tələb olunur». Qanunun qeyd olunan normasının məzmunundan görünür ki, vergi ödəyicisi olan fiziki şəxslər tərəfindən fəaliyyətlərinin dayandırılması onların uçotdan çıxarılmasına əsas vermir, başqa sözlə Azərbaycan Respublikası İnzibati Xətalar Məcəlləsinin 17-ci maddəsinin “Qeyd” hissəsi baxımından onun vəzifəli şəxs statusunun itirilməsinə səbəb olmur. Bununla yanaşı iş materialları ilə müəyyən edilir ki, X4 hüquqi şəxs yaratmadan sahibkarlıq fəaliyyəti ilə məşğul olmaq üçün adına olan vergi ödəyicisinin eyniləşdirmə nömrəsi üzrə fəaliyyətini və əməliyyatları de yure xx.xx.2024-cü il tarixdə dayandırsa da, həmin tarixdən sonra de fakto müvafiq fəaliyyətini davam etdirmişdir. Belə ki, X2 vergi ödəyicisi kimi fəaliyyətinin vergi orqanında xx.xx.2024-cü il tarixdən etibarən dayandırılmasına baxmayaraq onun tərəfindən “Xan Saray” adlı obyektin reklam yayıcısı kimi açıq məkanda reklam yerləşdirilməsinə icazənin verilməsi üçün xx.xx.2024-cü il tarixdə və yayım üçün xx.xx.2025-ci il tarixdə X6 hesabına müvafiq məbləğlərdə vəsaitlərin köçürülməsi onun müvafiq fəaliyyəti faktiki olaraq həyata keçirməsini deməyə əsas verir. Buna görə də, barəsində inzibati xəta haqqında iş üzrə icraat aparılan şəxs Möhübbət Quliyevin qeyd olunan dəlili əsassız hesab edilməlidir. Barəsində inzibati xəta haqqında iş üzrə icraat aparılan vəzifəli şəxs X2 barəsində tətbiq ediləcək inzibati tənbeh tədbiri ilə əlaqədar məhkəmə aşağıdakıları qeyd etməyi zəruri hesab edir. İXM-nin 428.7.3-cü maddəsinin sanksiyasına görə həmin maddənin dispozisiyasında nəzərdə tutulmuş əməlin törədilməsinə görə fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğdə cərimə edilir. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına inzibati xəta törətməkdə təqsirli bilinənin şəxsiyyətinə uyğun olmalıdır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə hesab edir ki, iş materiallarında barəsində inzibati xəta haqqında iş üzrə icraat aparılan vəzifəli şəxs X2 əməlində məsuliyyətini yüngülləşdirən və ya ağırlaşdıran halallar müəyyən edilməmişdir. Qeyd olunanları nəzərə alaraq və qanunvericiliyin göstərilən müddəalarını rəhbər tutaraq məhkəmə belə nəticəyə gəlir ki, vəzifəli şəxs X4 Azərbaycan Respublikası İXM-nin 428.7.3-cü maddəsində nəzərdə tutulmuş inzibati xətanı törətməkdə təqsirli bilinərək, barəsində inzibati tənbeh tədbiri tətbiq edilməlidir. Yuxarıda göstərilənlərə əsasən və İXM-nin 40, 43, 48-51, 53, 114-115 və 128-130-cu maddələrini rəhbər tutaraq, məhkəmə QƏRARA ALDİ: Vəzifəli şəxs X4 Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xətanı törətməkdə təqsirli bilinərək barəsində 1500 (min beş yüz) manat məbləğində inzibati cərimə tənbeh tədbiri tətbiq edilsin. Qərarın icrası Lənkəran Rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10(on) gün müddətində Lənkəran Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. Hakim Nicat Ağabəyov