Lənkəran Rayon Məhkəməsi Qərar — İş №3(049)-276/2024

Azərbaycan Respublikası adından QƏRAR Lənkəran şəhəri İş № 3(049)-276/2024 15.03.2024 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Aslanov Murad Şamxal oğlunun sədrliyi, məhkəmə iclasının katibi: X8, protokol tərtib etmiş şəxs: Lənkəran Şəhər Rayon X11 Təhlükəsizlik Bölməsinin sahə rəisi, polis leytenantı X13, zərərçəkmiş şəxs: X5, barəsində inzibati xəta haqqında iş üzrə icraat aparılan şəxs: Şəxs və onun müdafiəçisi: Lənkəran Rayon Vəkil Bürosunda fəaliyyət göstərən vəkil X6 iştirakları ilə, xx xxxx 1965-ci il tarixdə Lənkəran rayonu, Osaküçə kəndində doğulmuş, Azərbaycan Respublikasının vətəndaşı, evli, işləməyən, Lənkəran rayonu, Osaküçə kəndində qeydiyyatda olmaqla yaşayan (FİN: xxxxxxx) Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə nəzərdə tutulmuş inzibati xəta haqqında materiala baxaraq müəyyən etdi: Lənkəran Şəhər Rayon Polis Şöbəsinin təhqiqatçısı X4 27 fevral 2024-cü il tarixli qərarı ilə toplanmış material üzrə cinayət işinin başlanmasının rədd edilməsi, Şəxs barəsində Azərbaycan Respublikasının İnzibati Xətalar Məcəlləsinin (bundan sonra İXM) 157-ci maddəsi ilə məsuliyyətə cəlb olunması üçün qərarın icrasının Lənkəran Şəhər Rayon Polis Şöbəsinin X3 həvalə edilməsi qərara alınmışdır. Həmin qərar əsasında Şəxs barəsində Lənkəran Şəhər Rayon X11 Təhlükəsizlik Bölməsinin polis leytenantı sahə rəisi X13 tərəfindən MN ******* nömrəli, 15 mart 2024-cü il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. MN ******* nömrəli, 15 mart 2024-cü il tarixli inzibati xəta haqqında protokoldan görünür ki, Şəxs 16 fevral 2024-cü il tarixdə, saat 15 radələrində Lənkəran rayonu, Osaküçə kənd ərazisində X2 döyərək ona fiziki ağrı yetirmişdir. Nəticədə Şəxs İXM-in 157ci maddəsində nəzərdə tutulan inzibati xətanı törətməsi qeyd olunmuşdur. Məhkəmə iclasında inzibati xəta haqqında protokolu tərtib etmiş X13 bildirdi ki, X5 xx.xx.2024-cü il tarixdə ərizə ilə Lənkəran ŞRPŞ-yə müraciət edərək götərmişdir ki, Şəxs ona müxtəlif xəsarətlər yetirmişdir. Daxil olmuş məlumata əsasən araşdırma aparılmış, nəticədə toplanmış materiallar üzrə cinayət işinin başlanmasının rədd edilməsi barədə qərar qəbul olunmuş, barəsində İXM-in 157-ci maddəsi ilə inzibati tədbir görülməsi üçün qərarın surəti X3 göndərilmişdir. Həmin qərar əsasında Şəxs barəsində onun tərəfindən inzibati xəta haqqında protokol tərtib edilərək, baxılması üçün məhkəməyə göndərilmişdir. Göstərilənlərə əsasən barəsində inzibati xəta haqqında iş üzrə icraat aparılan şəxsə qanunla nəzərdə tutulmuş inzibati tənbeh tədbiri təyin edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirdi ki, zərərçəkmiş şəxs ikinci qrup əlildir. O,gəlini Aytac Fərzulla və oğlu Qadir Tahirovla bir yerdə yaşayırlar. Gəlini və oğlu nitq qüsurludurlar. Oğlu Qadir 2013-cü il tarixdə nitq qüsuru olan arvadı Aytac Fərzulla ilə ailə həyatı qurmuş və hazırda 2 övladları vardır. Evləndikdən sonra münasibətləri normal olsa da, sonradan ailə-məişət münasibətləri zəminində aralarında-mübahisələr olmuşdur. xx.xx.2024-cü il tarixdə evdə olan zaman yatan Aytac saat 15 radələrində yuxudan oyanmış, o da ona çox yatdığına görə irad bildirməklə qonşuya getmişdir. Təxminən 15 dəqiqədən sonra evə qayıdanda Aytacın tövlədə işlədiyini və Qadirin də evdə olduğunu görmüşdür. Həmin vaxt Aytac əri Qadirə anasının ona evdə yatdığını söylədiyini, başına kül olduğunu, yatmaqla yaxşı etdiyini demişdir. Buna görə Qadir əsəbləşdiyindən həyətə düşüb Aytacı vurmağa başlamış, bunu görüb onları ayırmağa başlamış və həmin vaxt Aytac onun saçından tutmuşdur. Qadir daha da əsəbləşdiyindən Aytacı döymüşdür. Bundan sonra o və əri onları ayırmışlar. Həmin gün o Aytacı yuxudan oyadıb başına yumruqla vurmamış və saçlarını dartmamış, ona xəsarət yetirməmişdir. Aytac onun barəsində qərəzli olaraq şikayət etmişdir. Göstərilənlərə əsasən iş üzrə icraata xitam verilməsini xahiş etdi. Məhkəmə iclasında zərərçəkmiş şəxs X5 bildirdi ki, Nitq qüsurlu olmaqla 3-cü qrup əlildir. O, 2013-cü il tarixdə nitq qüsuru olan əri X10 ilə ailə həyatı qurmuş və hazırda 2 övladları vardır. Evləndikdən sonra münasibətləri normal olsa da, sonradan ailə-məişət münasibətləri zəminində aralarında mübahisələr olmuşdur. Mübahisənin səbəbkarı da qaynanası Şəxs olmaqla evdə onun haqqında ərinə barəsində yanlış məlumat verməklə xırda bir işi mübahisəyə çevirmişdir. O da ailəsinə görə qaynanasının hərəkətlərinə dözmüş, ona əhəmiyyət verməmişdir. xx.xx.2024-cü il tarixdə, saat 15 radələrində evdə yatan zaman qaynanası Nənəvəs onu yuxudan oyatmaqla başından yumruqla vurmuş, saçlarını dartıb ona xəsarət yetirmişdir. Bundan sonra həyətin işlərininin qaldığını deməklə onu həyətə salmış, o da tövləyə girib işləri görməyə başlamışdır. Bu zaman əri Qadir Tahirov evə gəlmiş, qaynanası Şəxs ərini ona qarşı öyrətdiyindən həyətə düşən Qadir boğazından tutmaqla sifətini cırmaqlayıb ona xəsarət yelirmiş və onu yerə yıxıtmışdır. Həmin vaxt qaynatası Qabil onu ərinin əlindən almış və o da qaçıb atasının evinə getmişdir. Məhkəmə iclasında iştirak edən müdafiəçi X9 göstərdi ki, barəsində inzibati xətalar haqqında iş üzrə icraat aparılan şəxs Şəxs tərəfindən zərərçəkmiş şəxsin vurulması sübuta yeritilmir, zərərçəkmiş şəxsdə xəsarət hazırkı iş üzrə deyil, digər iş üzrə əri Qabil tərəfindən yertirilmiş xəsarətdir. Göstərilənlərə əsasən iş üzrə icraata xitam verilməsini xahiş etdi. İnzibati material üzrə araşdırılan sübutların məcmusunu hərtərəfli, tam və obyektiv qiymətləndirərək məhkəmə hesab edir ki, Şəxs İXM-in 157-ci maddəsində nəzərdə tutulan inzibati xətanı törətməsi araşdırılmış sübutlarla tam sübuta yetir. İş materiallarında olan və məhkəmədə elan edilərək araşdırılmış Azərbaycan Respublikası Səhiyyə Nazirliyi məhkəmə-tibbi ekspertizası təyin edilmiş və ekspertizanın verdiyi 139 nömrəli xx.xx.2024-cü il tarixli rəydə göstərilmişdir ki, vətəndaş X1 bədəni üzərində sağ yanaq hər iki qulaq seyvanı nahiyəsində sıyrıqlar aşkar edilmişdir. Qeyd olunan xəsarət bərk küt əşyanın təsirindən törənmişdir, müddəti müayinədən İ gün əvvələ uyğun gəlir və sağlamlığa zərər vurmayan xəsarət olduğu üçün dərəcəsi təyin edilməmişdir. İş materiallarında olan və məhkəmədə elan edilərək araşdırılmış “Cinayət işinin başlanmasının rədd edilməsi barədə” 27 fevral 2024-cü il tarixli qərarından müəyyən edilir ki, Şəxs barəsində İXM-nin 157-ci maddəsi ilə məsuliyyətə cəlb olunması üçün qərarın icrasının Lənkəran Şəhər Rayon Polis Şöbəsinin X3 həvalə edilməsi qərara alınmışdır. Elektron Məhkəmə Sistemindən çıxarışdan görünür ki, Şəxs 2-ci qrup əlildir. İXM-nin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Göründüyü kimi İXM-nin dispozisyası fiziki ağrını da əhatə edir və zərərçəkmiş şəxsin ifadəsindən də görünür ki, Şəxs qəsdən X2 vurmaqla sonuncuya fiziki ağrı yetirmişdir. Məhkəmədə İXM-in 32 və 33-cü maddələrinə əsasən barəsində inzibati xəta haqqında iş üzrə icraat aparılan şəxs Şəxs məsuliyyəti yüngülləşdirən və ağırlaşdıran hal müəyyən edilmədi. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır; Məhkəmə, işin faktiki hallarını, o cümlədən barəsində inzibati xəta haqqında iş üzrə icraat aparılan Şəxs şəxsiyyətini, İİ qrup əlil olması, zərərçəkmiş şəxslə qohumluq münaisbətində olmasını, həmçinin məsuliyyətini ağırlaşdıran halların olmamasını, eləcə də inzibati xəta hadisəsinin baş vermə səbəbini nəzərə alaraq hesab edir ki, Şəxs İXM-in 157-ci maddəsində nəzərdə tutulmuş inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulmuş cərimə növündə tənbeh tədbiri tətbiq edilməlidir. Məhkəmə qeyd edir ki, cərimə növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Qeyd olunanlara əsasən və İXM-in 40.0.1, 43, 48-51, 55, 114, 115, 128-130 və 157ci maddələrini rəhbər tutaraq, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulan inzibati xətanı törətməkdə təqsirli bilinsin və barəsində 300 (üç yüz) manat məbləğində cərimə növündə inzibati tənbeh tədbiri tətbiq edilsin. Qərarın icrası Lənkəran Rayon İcra və Probasiya Şöbəsinə həvalə edilsin. Qərarın surəti tərəfə təqdim edildiyi və ya alındığı gündən 10 (on) gün müddətində Lənkəran Rayon Məhkəməsi vasitəsilə Şirvan Apellyasiya Məhkəməsinə şikayət verilə bilər. Hakim Murad Aslanov