Lənkəran Rayon Məhkəməsi Qərardad — İş №3(049)-448/2025

Azərbaycan Respublikası adından QƏRARDAD Lənkəran şəhəri İş № 3(049)-448/2025 16.05.2025 LƏNKƏRAN RAYON MƏHKƏMƏSİ Mən, Lənkəran Rayon Məhkəməsinin hakimi X2 – Lənkəran rayonu, Girdəni kənd sakini X1 xx.xx.2025-ci il tarixli, EQ 27471754 saylı protokol üzrə DİN-nin DYPİ tərəfindən qəbul edilmiş xx.xx.2025-ci il tarixli qərarının ləğv edilməsinə dair verdiyi şikayət və ona əlavə edilmiş sənədlərə baxaraq, MÜƏYYƏN ETDİM: DİN-nin DYPİ tərəfindən qəbul edilmiş xx.xx.2025-ci il tarixli qərarına əsasən X5 Azərbaycan Respublikası İXM-nin 328.2-ci maddəsi ilə təqsirli bilinərək barəsində 200 manat məbləğində cərimə tətbiq edilmişdir. X5 həmin qərardan şikayəti vermişdir. Şikayəti və ona əlavə edilmiş sənədləri nəzərdən keçirib hesab edirəm ki, şikayət geri qaytarılmalıdır. Belə ki, Azərbaycan Respublikası İXM-in 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 130.1-ci maddəsinə əsasən Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1-57.5-ci maddələrində nəzərdə tutulmuş rəsmi qaydada verildiyi vaxtdan iyirmi gün müddətində inzibati xəta haqqında iş üzrə qərardan şikayət və ya protest verilə bilər. Qanun normasının məzmunundan göründüyü kimi bu kateqoriyadan olan işlər üzrə şikayət və ya protest verilməsi üçün qanunvericiliklə müəyyən olunmuş 20 günlük müddətin axımı qərarın rəsmi qaydada verildiyi andan başlayır. İş materiallarında olan elektron portal üzrə çıxarışdan görünür ki, xx.xx.2025-ci il tarixli EQ 27471754 saylı qərar xx.xx.2025-ci il tarixdə X1 elektron kabinetinə yerləşdirilmişdir. İş materiallarına əlavə edilmiş ərizədə şikayətçi elektron qərarın əslinin Lənkəran ŞRPŞ DYPİ tərəfindən ona xx.xx.2025-ci il tarixdə təqdim olunduğunu bildirsə də, qərarı rəsmi aldığı günü təsdiqləyən hər hansı bir sənədi şikayətə əlavə etməmişdir. Nəzərə alınsa ki, xx.xx.2025-ci il tarixli həmin qərarın qəbul edildiyi andan 24 gün keçib, hesab edirəm ki, şikayətçi qanunla müəyyən olunmuş şikayət vermə müddətini ötürmüşdür. Belə ki, “Azərbaycan Respublikası İnzibati Xətalar Məcəlləsinin 128.1-ci maddəsinin şərh edilməsinə dair” Azərbaycan Respublikası Konstitusiya Məhkəməsi Plenumunun 02 noyabr 2016-cı il tarixli qərarında inzibati xətalar qanunvericiliyinin analogiya üzrə tətbiqi ilə bağlı Konstitusiya Məhkəməsi Plenumunun hüquqi mövqeyi belə şərh olunmuşdur ki, “cinayət- prosessual qanunvericiliyin analogiya üzrə inzibati xəta haqqında iş üzrə icraat prosesində tətbiqi istisna edilmir. İnzibati Xətalar Məcəlləsinin 6.3-cü maddəsi inzibati xətalar qanunvericiliyinin analogiya üzrə tətbiqinə məhdudiyyət qoysa da, bu həmin hüquq sahəsinin maddi hüquq normalarına (məsuliyyəti müəyyən edən normalara) aiddir. Lakin qanunun analogiya üzrə tətbiqi o zaman mümkündür ki, oxşar prosessual münasibətlər inzibati xətalar qanunvericiliyində müvafiq norma ilə tənzimlənməsin. Azərbaycan Respublikası Cinayət Prossesual Məcəlləsinin 203.1-ci maddəsinə əsasən Cinayət mühakimə icraatı zamanı müddətlər keçdikdən sonra aparılan prosessual hərəkətlər müddət bərpa edilməmişsə, etibarsız sayılır. Azərbaycan Respublikası İXM-in 135.1.6-ci maddəsinə əsasən bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Azərbaycan Respublikası İXM-in 130.2-ci maddəsinə əsasən bu Məcəllənin 130.1-ci mədəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Həmin Məcəllənin 130.3-cü maddəsinə əsasən buraxılmış müddətin bərpası qeyrimümkün hesab edildikdə, bu halda vəsatəti rədd etmə haqqında qərardad qəbul edilir. Göstərilənlərə əsasən hesab edirəm ki DİN-nin DYPİ tərəfindən qəbul edilmiş xx.xx.2025-ci il tarixli qərardan şikayət vermə müddəti ötürüldüyündən şikayət geri qaytarılmalı və şikayətçiyə buraxılmış müddətin bərpası ilə bağlı vəsatət vermək huququnun olması izah olunmalıdır. Şərh edilənlərə və Azərbaycan Respublikası İXM-nin 63-65, 137.1-ci maddələrini rəhbər tutaraq, QƏRARA ALDİM: X3 tərəfindən DİN-nin DYPİ tərəfindən qəbul edilmiş xx.xx.2025-ci il tarixli qərardan verilmiş şikayət geri qaytarılsın. Ona, qərardan şikayət vermək üçün buraxılmış müddətin bərpası ilə bağlı vəsatət vermək huququnun olması izah olunsun. Qərardadın 10 gün müddətində Lənkəran Rayon Məhkəməsi vasitəsilə Şirvan Apellyasiya Məhkəməsinə şikayət və protest verilə bilər. Hakim Muradağa Qasımov