Lənkəran Rayon Məhkəməsi Qərar — İş №3(049)-733/2023

Azərbaycan Respublikası adından QƏRAR Lənkəran şəhəri İş № 3(049)-733/2023 07.03.2023 LƏNKƏRAN RAYON MƏHKƏMƏSİ X2 Əhmədağa oğlunun sədrliyi, Hadıyev İsaq Sabir oğlunun katibliyi, barəsində inzibati xəta haqqında iş üzrə icraat aparılan Şəxs iştirakı ilə, xx.xx.1996-ci il tarixdə Masallı rayonunda doğulmuş, Azərbaycan Respublikasının vətəndaşı, evli, orta təhsili, fərdi əməklə məşğul olan, dediyinə görə məhkum olunmayan Masallı rayonu, Qızılağac kəndidə qeydiyyatda olmaqla, yaşayan Şəxs Azərbaycan Respublikasının İnzibati Xətalar Məcəlləsinin (bundan sonra mətndə ismin müvafiq halında İXM) 272.3-cü və 590.2-ci maddələri ilə təqsirləndirilməsinə dair inzibati xəta haqqında protokola və ona əlavə edilmiş inzibati xəta haqqında iş üzrə icraat materiallarına Lənkəran Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Şəxs, 15 yanvar 2023-cü il tarixdə saat 12:00 da Qızılağac milli park su ərazisində qanunsuz ov ilə əlaqədar saxlanılaraq, sonuncu barəsində Lənkəran XPŞ-nin, NH-nin məsul növbətçisi, polis mayoru X1 tərəfindən İXM-nin 272.3-cü və 590.2-ci maddələri ilə 21 fevral 2023-cü il tarixli MN ******* saylı inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Məhkəmə iclasının keçirilmə vaxtı və yeri barədə barəsində inzibati xəta haqqında protokol tərtib edilmiş şəxsə məlumat verilsə də, o, məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə işə həmin şəxsin iştirakı olmadan baxılmasını mümkün hesab etmişdir. Məhkəmə tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, Şəxs İXM-nin 272.3 və 590.2-ci maddələrində nəzərdə tutulmuş xətanı törətmişdir. Belə ki, Lənkəran XPŞ-nin, NH-nin növbətçisi tərəfindən tərtib edilən xx.xx.2023-cü il tarixli, MN ******* saylı protokoldan görünür ki, Şəxs 21 fevral 2023-cü il tarixdə Qızılağac milli park su ərazisində qanunsuz ov etməklə iki ədəd çöl qabanı ovlayaraq İXM-nin 272.3 və 590.2-ci maddələrində nəzərdə tutlumuş inzibati xətanı törətmişdir. Məhkəmə Ekspertiza Mərkəzinin 07 fevral 2023-cü il tarixli, 3/115 saylı ekspert rəyindən görünür ki, tədqiqata təqdim edilmiş 01 ədəd silah-zavod üsulu ilə istehsal edilmiş, 16 kalibrli, patronluğunun uzunluğu 70 mm olan, TOZ-B modelli, lüləaltı yatağının səthinin və lüləaltı qarmağın üzərində 74735-53, qəlbinin səthinin üzərinə isə 69812-58 nömrələri həkk olunmuş, uyğun modelli müxtəlif nömrəli silahlardan komplektləşdirilimiş xarici çaxmaqlı qoşalüləli tüfəngdir-yivsiz odlu ov silahıdır, texniki cəhətdən nasaz vəziyyətdədir, təyinatı üzrə atəş açmaq üçü yararlıdır. Barəsində inzibati xəta haqqında iş üzrə icraat aparılan Şəxs qeyd olunan inzibati xətanı törətməsində təqsiri tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Odur ki, o həmin maddənin sanksiyası həddində inzibati tənbeh edilməlidir. Аzərbaycan Respublikası İXM-nin 34.3 maddəsində qeyd olunmuşdur ki, şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Həmin məcəllənin 590.2 maddəsinin sanksiyasında silah və döyüş sursatı müsadirə edilməklə səksən manatdan yüz manatadək məbləğdə cərimə nəzərdə tutulmuşdur. İXM-nin 272.3-cü maddəsinə görə ov qaydalarının kobud şəkildə pozulmasına (lazımi icazə olmadan və ya qadağan edilmiş yerlərdə, yaxud qadağan olunmuş müddətlərdə, qadağan edilmiş alətlərlə və ya üsullarla ov edilməsinə), habelə digər ov qaydalarının müntəzəm pozulmasına görə-inzibati xətanın törədilməsində alət və ya inzibati xətanın bilavasitə obyekti olmuş predmetlər müsadirə edilməklə və ya müsadirə edilməməklə, min manatdan iki min manatadək məbləğdə cərimə edilir, yaxud altı aydan iki ilədək müddətə ov hüququ məhdudlaşdırılır. Ona görə də məhkəmə Şəxs Azərbaycan Respublikası İXM-nin 272.3-cü maddəsinin saksiyası çərçivəsində tənbeh edilməsini məqsədəmüvafiq hesab edir. Azərbaycan Respublikasının İnzibati Xətalar Məcəlləsinin 32 və 33-cü maddələrinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. İş üzrə məsuliyyəti yüngülləşdirən və ağırlaşdıran hallar müəyyən olunmamışdır. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən xətanın xarakterini, törədilmə şəraitini, inzibati xəta törədən şəxsin şəxsiyyətini, onun təqsirinin dərəcəsini, həmçinin cəmiyyətin maraqlarını, habelə məsuliyyətini yüngülləşdirən halları nəzərə alaraq hesab edir ki, inzibati xəta törətmiş şəxs Şəxs Azərbaycan Respublikasının İnzibati Xətalar Məcəlləsinin 272.3-cü maddəsinin sanksiyasının hədləri daxilində inzibati xətanın törədilməsində alət olmuş tüfəng müsadirə edilməməklə altı ay müddətinə ov hüququnun məhdudlaşdırılması inzibati tənbeh tədbiri tətbiq edilməlidir. Qeyd olunanlara əsasən Azərbaycan Respublikasının İnzibati Xətalar Məcəlləsinin 40, 43, 53, 115 və 128-130-cu maddələrini rəhbər tutub, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 272.3-cü maddəsi ilə təqsirli bilinib, inzibati xətanın törədilməsində alət olmuş 01 ədəd silah, zavod üsulu ilə istehsal edilmiş, 16 kalibrli, patronluğunun uzunluğu 70 mm olan, TOZ-B modelli, lüləaltı yatağının səthinin və lüləaltı qarmağın üzərində 74735-53, qəlbinin səthinin üzərinə isə 69812-58 nömrələri həkk olunmuş, uyğun modelli müxtəlif nömrəli silahlardan komplektləşdirilimiş xarici çaxmaqlı qoşalüləli tüfəng müsadirə edilməklə barəsində altı ay müddətinə ov hüququnun məhdudlaşdırılması inzibati tənbeh tədbiri tətbiq edilsin. Qərarın icrası Lənkəran rayon İcra və Probasiya Şöbəsinə həvalə edilsin. Qərarın surəti rəsmi qaydada verildiyi vaxtdan on gün müddətində Şirvan Apelyasiya Məhkəməsinə şikayət və ya protest verilə bilər. Hakim: Muradağa Qasımov.