Lənkəran Rayon Məhkəməsi Qərar — İş №3(049)-832/2023

Azərbaycan Respublikası adından QƏRAR Lənkəran şəhəri İş № 3(049)-832/2023 10.03.2023 LƏNKƏRAN RAYON MƏHKƏMƏSİ Hakim Məmmədov Rəşad Azad oğlunun sədrliyi, məhkəmə iclasının katibi Məmmədov Tural Məhərrəm oğlunun katibliyi, barəsində inzibati xəta haqqında iş üzrə icraat aparılan şəxs Şəxs, zərərçəkmiş şəxs "xxxx" QSC-nin nümayəndəsi Nümayəndə və inzibati xəta haqqında protokol tərtib etmiş səlahiyyətli orqan – Lənkəran Rayon İcra və Probasiya Şöbəsinin icra məmuru X3 iştirakı ilə, xx.xx.1987-ci il tarixdə Lənkəran rayonu, Yuxarı-Nüvədi kəndində doğulmuş, Azərbaycan Respublikası vətəndaşı, evli, orta təhsilli, fərdi əməklə məşğul olan, Lənkəran rayonu, Yuxarı-Nüvədi kəndində qeydiyyatda olmaqla həmin ünvanda yaşayan Şəxs barəsində Lənkəran Rayon İcra və Probasiya Şöbəsin tərəfindən Azərbaycan Respublikasının İnzibati Xətalar Məcəlləsinin (bundan sonra mətndə İXM-nin) 528.1-ci maddəsi ilə tərtib edilmiş inzibati xəta haqqında protokola Lənkəran Məhkəməsinin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Əkbərov X1 Rayon Məhkəməsinin 2(049)-7817/2016 saylı, 18 avqust 2016-cı il tarixli əmrin icrası ilə əlaqədar icra məmurunun qanuni tələblərini yerinə yetirmədiyinə görə Elşad Əhmədovun tərəfindən Şəxs barəsində İXM-nin 528.1-ci maddəsi ilə 10 mart 2023cü il tarixli MN ******* saylı inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Barəsində inzibati xəta haqqında iş üzrə icraat aparılan Şəxs məhkəmə iclasında bildirmişdir ki, məhkəmə əmrindən və onun icra edilməli olmasından məlumatı vardır. O borcu ödəməkdən imtina etmir. Lakin maddi durumu borcu tam şəkildə icra etməyə imkan vermir. Törətdiyi əməldən peşimandır. İşləmədiyi üçün borcunu ödəyə bilməmişdir. Bir daha belə əməllərə yol verməyəcəkdir. Əlilliyi yoxdur. Məhkəmə iclasında dindirilmiş zərərçəkmiş şəxs "xxxx" QSC-nin nümayəndəsi Nümayəndə bildirmişdir ki, Şəxs şikayətçidir, borclu Şəxsla dəfələrlə razılığa gəlməyə çalışıblar. Şəxs Banka müraciət edərək, borcun ödənilməsi üçün anasının zaminlikdən çıxarılmasını xahiş etmiş, onlar da bu barədə rəhbərliyin razılığını aldıqdan sonra anı zaminlikdən çıxarmışlar. O da anası tərəfindən müvafiq olaraq başqa bankdan kredit götürərək borcunu ödəyəcəyini bildirmişdir. Lakin Şəxs vədnə əməl etməmiş, anası tərəfindən borcun ödənilməsi üçün kredit götürülsə də, sonuncu həmin kredit məbləğini götürüb getmişdir. Şəxs borcunu ödəməkdən qərəzli olaraq yayınır, buna görə də onun barəsində qanunauyğun cəza verilməsini xahiş edir. Məhkəmə iclasında dindirilmiş Lənkəran Rayon İcra Şöbəsinin icra X5 bildirmişdir ki, Əkbərov X1 Rayon Məhkəməsinin 2(049)-7817/2016 saylı, 18 avqust 2016-cı il tarixli əmri icra etməkdən yayınır. İcra sənədinin icrası ilə əlaqədar borclu Şəxs dəfələrlə xəbərdarlıq edilsə də, o müxtəlif bəhanələr gətirməklə məhkəmə qərarının icrası ilə əlaqədar icra məmurunun qanuni tələblərini yerinə yetirməmiş və icra sənədini üzürsüz səbəbdən icra etməmişdir. Hal hazırda Şəxs 4.518,15 manat ödənilməmiş borcu vardır. İnzibati xəta haqqında iş üzrə icraat materiallarından görünür ki: Lənkəran Rayon Məhkəməsinin 2(049)-7817/2016 saylı, 18 avqust 2016-cı il tarixli əmrdən görünür ki, xx.xx.1987-ci ildə anadan olmuş, Lənkəran rayonu Yuxarı-Nüvədi kəndində yaşayan Şəxs, Lənkəran rayonu Kosalar kəndində yaşayan X2 və xx.xx.1949-cu ildə anadan olmuş Lənkəran rayonu Yuxarı-Nüvədi kəndində yaşayanBağırov Fərzulla Msətəli ğlundan müştərək qaydada Bakı şəhəri, Yasamal rayonu, Tbilisi pr 3, məhəllə 1033 ünvanında yerləşən kreditor Zərərçəkmiş şəxs QSC-nin xeyrinə 3219.62 manat əsas borc, 1305.13 manat faiz borcu, 321.96 manat cərimə borcu, cəmi 4846.71 manat məbləğində pul və 20 manat dövlət rüsumu tutulub. İcraata başlamaq haqqında qərardan görünür ki, Lənkəran Rayon Məhkəməsinin 2(049)-7817/2016 saylı, 18 avqust 2016-cı il tarixli tərəfindən verilmiş əmr üzrə icraata başlanılmışdır. Borculunun axtarılmas barədə xx.xx.2023-cü il tarixli qərardan görünür ki, Şəxs barəsində axtarış elan edilmişdir. Tələbin könüllü icrası haqqında bildirişdən görünür ki, icraata başlamaq haqqında qərarın surəti Şəxs göndərilmiş, ona məhkəmə qətnaməsinin icra edilməməsinə görə məsuliyyəti izah olunmuşdur. Mərkəzləşdirilmiş informasiya sistemindən Çıxarışdan və izahatından görünür ki, Şəxs heç bir növ əmək pensiyası və sosial müavinət almır. Məhkəmə hesab edir ki, Şəxs tərəfindən inzibati xətanın törədilməsi onun izahatı, icra məmurunun ifadəsi, «inzibati xəta haqqında» protokolla və işdə olan digər sənədlərlə tam təsdiq olunur. Məhkəmə iclası zamanı müəyyən olunmuşdur ki, inzibati xəta törətmiş Şəxs məhkəmə qərarlarının icrası ilə əlaqədar icra məmurunun tələblərini yerinə yetirməmiş, məhkəmə qətnaməsini üzrsüz səbəbdən icra etməmiş və bununla da o, İXM-nin 528.1-ci maddəsində nəzərdə tutulmuş inzibati xətanı törətmişdir. Ona görə də onun barəsində həmin maddənin sanksiyası həddində inzibati tənbeh tədbiri tətbiq edilməlidir. Azərbaycan Respublikasının Mülki Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyası partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. İXM-nin 32.2-ci maddəsinə əsasən inzibati xəta törətmiş Şəxs qarşı inzibati tənbeh tətbiq edilərkən inzibati xətaya görə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə hesab edir ki, Şəxs məsuliyyətini yüngülləşdirən və ağırlaşdıran hallar müəyyən olunmamışdır. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə məhkəmə, inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini, təqsirinin dərəcəsini, əmlak vəziyyətini nəzərə alaraq inzibati xəta törətmiş şəxs Şəxs barəsində inzibati həbs növündə inzibati tənbehin tətbiq edilməsini mümkün hesab edir. Qeyd olunanlara əsasən İXM-nin 40, 43, 53, 115 və 198-130-cu maddələrini rəhbər tutub, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 08(səkkiz) gün müddətinə inzibati həbs tənbeh tədbiri tətbiq edilsin. Həbsetmənin əvvəli 10 mart 2023-cü il tarixdən saat 12:50-dən hesablansın. Qərar dərhal icra olunsun. Qərarın icrası Lənkəran Şəhər-Rayon Polis Şöbəsinə həvalə olunsun. Qərarın surəti rəsmi qaydada verildiyi vaxtdan on gün müddətində Lənkəran Rayon Məhkəməsi vasitəsilə və ya bilavasitə Şirvan Apellyasiya Məhkəməsinə şikayət və ya protest verilə bilər. Hakim: Rəşad Məmmədov