Lənkəran Rayon Məhkəməsi Qərar — İş №3(049)-901/2024

Azərbaycan Respublikası adından QƏRAR Lənkəran şəhəri İş № 3(049)-901/2024 21.10.2024 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Aslanov Murad Şamxal oğlunun sədrliyi, məhkəmə iclasının katibi: X1, protokol tərtib etmiş orqan nümayəndəsi X2, barəsində inzibati xəta haqqında iş üzrə icraat aparılan şəxs: Şəxs iştirakı ilə, xx xxxx 1957-ci il tarixdə Lənkəran rayonu, Avrora qəsəbəsində doğulmuş, Azərbaycan Respublikası vətəndaşı, evli, ali təhsilli, Lənkəran Rayon Xanbulan Bələdiyyəsinin sədri vəzifəsində işləyən, Lənkəran rayonu, Bürcəli kəndində qeydiyyatda olmaqla həmin ünvanda yaşayan (0xxxxxxx) Şəxs barəsində Azərbaycan Respublikasının İnzibati Xətalar Məcəlləsinin (bundan sonra mətndə İXM-nin) 549.2-ci maddəsi ilə tərtib edilmiş inzibati xəta haqqında protokol və ona əlavə edilmiş inzibati xəta haqqında iş üzrə icraat materiallarına materiala Lənkəran Rayon Məhkəməsinin inzibati binasında açıq məhkəmə iclasında baxaraq, məhkəmə müəyyən etdi: Lənkəran Rayon Xanbulan bələdiyyəsinin 09 sentyabr 2024-cü il tarixli 8 saylı iclas protokolu qanunla müəyyən edilmiş müddətdə Lənkəran Regional Ədliyyə İdarəsinə təqdim edilmədiyi üçün bələdiyyənin sədri Şəxs barəsində İXM-nin 549.2-ci maddəsi ilə 24 sentyabr 2024-cü il tarixli MN ******* №-li inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Məhkəmə iclasında protokol tərtib etmiş orqanın nümayəndəsi X2 izahat verərək bildirmişdir ki, Lənkəran Rayon Xanbulan bələdiyyəsinin 09 sentyabr 2024-cü il tarixli 8 saylı iclas protokolu qanunla müəyyən edilmiş müddətdə Lənkəran Regional Ədliyyə İdarəsinə təqdim edilmədiyi üçün bələdiyyənin sədri Şəxs inzibati məsuliyyətə cəlb edilmişdir. Bələdiyyə sədri iclas protokolunu ya poçtla göndərməli, ya da elektron qayda tətbiq edilirsə elektron qaydada göndərməlidir. Şəxs iclas protokolunu qanunla müəyyən edilmiş müddətdə göndərmədiyi üçün barəsində İXM-nin 549.2-ci maddəsi ilə protokol tərtib edilmişdir və hazırda barəsində inzibati iş üzrə icraat aparılan şəxsə qanunla müəyyən edilmiş inzibati tənbeh tətbiq edilməsini xahiş etdi. Məhkəmə iclasında barəsində inzibati iş üzrə icraat aparılan Şəxs izahat verərək bildirmişdir ki, 2000-ci ildən Lənkəran rayonu Xanbulan bələdiyyəsində sədr vəzifəsində işləyir. 09 sentyabr 2024-cü il tarixli 8 saylı iclas protokolunun 5 iş günü ərzində müvafiq orqana təqdim olunmalı olduğunu bilmişdir. Lakin sentyabrın 10-dan 18-nə qədər işdən çıxa bilməmiş bu səbəbindən 09 sentyabr 2024-cü il tarixli 8 saylı iclas protokolunu gec göndərmişdir. O, ilk dəfədir ki, bu cür hallara yol vermişdir. Gələcəkdə bir daha belə hallara yol verməyəcəkdir. Göstərdiklərinin nəzərə alınmasını xahiş etdi. Məhkəmə hesab edir ki, Şəxs əməlində İXM-nin 549.2-ci maddəsində nəzərdə tutulmuş inzibati xətanın mövcud olması inzibati xəta haqqında protokol, barəsində inzibati xəta haqqında iş üzrə icraat aparılan şəxsin izahatı və digər sübutlarla təsdiq olunur və buna görə də Şəxs barəsində İXM-nin 549.2-ci maddəsinin sanksiyası həddində inzibati tənbeh tədbiri tətbiq edilməlidir. İXM-nin 549.2-ci maddəsinə görə bələdiyyələrin fəaliyyətinə inzibati nəzarəti həyata keçirən orqana mütləq təqdim olunmalı bələdiyyə aktlarının surətlərinin vaxtında təqdim edilməməsinə görə - vəzifəli şəxslər dörd yüz manatdan altı yüz manatadək məbləğdə cərimə edilir. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə məhkəmə, inzibati tənbeh tətbiq edərkən xətanın xarakterini, inzibati xəta törədən şəxsin şəxsiyyətini, xəta törədənin təqsirinin dərəcəsini, əmlak vəziyyətini nəzərə alaraq inzibati xəta törətmiş şəxs Şəxs barəsində inzibati cərimə növündə inzibati tənbehin tətbiq edilməsini mümkün hesab edir. Qeyd olunanlara əsasən İXM-nin 40, 43, 53, 115 və 128-140-cu maddələrini rəhbər tutub, məhkəmə qərara aldı: Şəxs Azərbaycan Respublikasının İnzibati Xətalar Məcəlləsinin 549.2-ci maddəsində nəzərdə tutulan inzibati xətanı törətməkdə təqsirli bilinərək, barəsində 400 (dörd yüz) manat məbləğində inzibati cərimə tənbeh tədbiri tətbiq edilsin. Qərarın icrası Lənkəran Rayon İcra və Probasiya Şöbəsinə həvalə edilsin. Qərarın surəti rəsmi qaydada verildiyi vaxtdan on gün müddətində Şirvan Apellyasiya Məhkəməsinə şikayət və ya protest verilə bilər. Hakim Murad Aslanov