Lənkəran Rayon Məhkəməsi Qərardad — İş №3(049)-924/2024

Azərbaycan Respublikası adından QƏRARDAD Lənkəran şəhəri İş № 3(049)-924/2024 11.10.2024 LƏNKƏRAN RAYON MƏHKƏMƏSİ Hakim Ağabəyov Nicat Rauf oğlu, Şəxs barəsində Lənkəran Şəhər-Rayon Polis Şöbəsinin Liman polis bölməsindən Azərbaycan Respublikası İnzibati Xətalar Məcəlləsinin 510-cu maddəsi ilə daxil olmuş inzibati xəta haqqında materiala Lənkəran Rayon Məhkəməsinin inzibati binasında baxaraq, MÜƏYYƏN ETDİM: Lənkəran rayonu Nərimanabad qəsəbəsində yaşayan xx.xx.1988-ci il təvəllüdlü Şəxs barəsində Lənkəran Şəhər-Rayon Polis Şöbəsinin Liman polis bölməsinin polis sahə rəisi X1 tərəfindən xx.xx.2024-cü il tarixli ******* №-li inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Məhkəmə iş materiallarını araşdıraraq hesab edir ki, material natamam olduğuna görə geri qaytarılmalıdır. Belə ki, Azərbaycan Respublikasının İnzibati Xətalar Məcəlləsinin 100.1-ci maddəsinə əsasən bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda aşağıdakılar göstərilir: 100.1.1. protokolun tərtib edildiyi tarix və yer; 100.1.2. protokolu tərtib etmiş şəxsin vəzifəsi, soyadı, adı, atasının adı; 100.1.3. barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi. 100.1.4. inzibati xətanın törədildiyi yer, vaxt və bu xətanın mahiyyəti; 100.1.5. inzibati xətaya görə məsuliyyət nəzərdə tutan bu Məcəllənin müvafiq maddəsi; 100.1.6. olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; 100.1.9. inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər; 100.1.10. inzibati xəta haqqında iş üzrə icraat üçün zəruri olan digər məlumatlar. Barəsində inzibati xəta haqqında iş üzrə icraat aparılan şəxsə müdafiəçi təqdim edilməsi barədə protokol tərtib edilməmiş, Lənkəran Rayon Vəkil Bürosunda fəaliyyət göstərən vəkillərin adlı siyahısı işə əlavə edilmişdir. Bu da müdafiəçinin barəsində inzibati xəta haqqında iş üzrə icraat aparılan şəxsə real olaraq təqdim edilmədiyini deməyə əsas verir ki, bununla da, barəsində inzibati xəta haqqında iş üzrə icraat aparılan şəxsin qanunvericilikdə nəzərdə tutulan müdafiə hüquqları kobud surətdə pozulmuşdur. Bundan əlavə, iş materiallarında olan Zərərçəkmiş şəxs tərəfindən Liman PB-yə ünvanlanmış xx.xx.2024-cü il tarixli ərizədən görünür ki, o, xx.xx.2024-cü il tarixdə qonşuluğunda yaşayan Ruslanın yoldaşı Günay ilə birlikdə həyətinə gələrək onunla mübahisə edib şər və böhtan atmasını göstərmişdir. Lənkəran Şəhər-Rayon Polis Şöbəsinin Liman polis bölməsinin polis sahə rəisi X1 tərəfindən tərtib edilmiş inzibati xəta haqqında protokolun “müəyən edildi” qrafasında “05.10.24-cü il tarixdə, Lənkəran rayonu Nərimanabad qəsəbəsində yaşayan Zərərçəkmiş şəxs qonşuluğunda yaşayan Şəxs və həyat yoldaşı tərəfindən nalayiq küçə söyüşləri ilə təhqir olunması və ona şər böhtan atmaları barədə” natamam və qeyri-müəyyən ifadəni qeyd etmiş, başqa sözlə aparılmış araşdırmanın nəticəsini deyil, vətəndaş Zərərçəkmiş şəxs şikayətində qeyd etdiyi cümləni inzibati xəta haqqında protokolda əks etdirmişdir. Zərərçəkmiş şəxs şikayət məzmunlu ərizəsində Şəxs və onun Günay adlı arvadı tərəfindən nalayiq ifadələrə məruz qaldığını bildirsə də “Günay” adlı şəxs müəyyən edilərək izahatı alınmamışdır. Lənkəran Şəhər-Rayon Polis Şöbəsinin Liman polis bölməsinin polis sahə rəisi X1 “Günay” adlı şəxsin baş verməsi ehtimal olunan inzibati xəta əməlində təqsiri olubolmamasını müəyyən etməmiş, inzibati xəta haqqında protokolun “müəyən edildi” qrafasında “05.10.24-cü il tarixdə, Lənkəran rayonu Nərimanabad qəsəbəsində yaşayan Zərərçəkmiş şəxs qonşuluğunda yaşayan Şəxs və həyat yoldaşı tərəfindən nalayiq küçə söyüşləri ilə təhqir olunması və ona şər böhtan atmaları barədə” natamam və qeyrimüəyyən ifadə qeyd etmişdir. Həmin ifadənin məzmunundan “Günay” adlı şəxsin də xx.xx.2024-cü il tarixdə Lənkəran rayonu Nərimanabad qəsəbəsində yaşayan Zərərçəkmiş şəxs təhqir etməsi başa düşülür. Lakin bu xüsusata aydınlıq gətirilmədən inzibati xəta haqqında protokol yalnız Şəxs barəsində tərtib edilmişdir. Eyni zamanda, materialda “Günay” adlı şəxsin müəyyən edilərək sonuncunun barəsində hər hansı qanunamüvafiq tədbir görülməsi ilə bağlı sənədlərə rast gəlinməmişdir. İnzibati xətalar haqqında qanunvericilikdə işə yalnız şəxsə qarşı irəli sürülmüş və ya məhkəməyə verilən ittiham daxilində baxılması qaydası tənzimlənməsə də, cinayət prosessual qanunvericiliyə əsasən məhkəmə baxışı zamanı cinayət işinə, məhkəməyədək sadələşdirilmiş icraat materiallarına və ya xüsusi ittiham üzrə şikayətə yalnız təqsirləndirilən şəxsə qarşı irəli sürülmüş və ya məhkəməyə verilən ittiham daxilində baxılır. İnzibati xətalara dair işlərdə də inzibati xəta haqqında protokol mahiyyət etibarilə ittiham aktına bərabər sayıldığından həmin protokolda şəxsin inzibati xəta hadisəsini törətməsini təsdiq edən hallar mütləq göstərilməli, məhkəmə də işə həmin hallar üzrə, protokolda qeyd edilən sübutlar əsasında baxmalıdır. Qeyd olunan əsaslara görə hesab edirəm ki, məhkəməyə təqdim edilmiş materiallar natamam olmaqla həmin çatışmazlıqları işə baxılarkən qısa müddət ərzində aradan qaldırmaq mümkün deyildir. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə tərtib edilərək məhkəməyə göndərilmiş inzibati xəta haqqında materiallar natamam olmaqla, işə baxılarkən tamamlamaq mümkün olmadığından inzibati xəta haqqında protokol və ona əlavə edilmiş sənədlərin onu tərtib etmiş orqana qaytarılması barədə qərardad qəbul edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 61, 109, 111, 118-ci maddələrini rəhbər tutaraq, qəraraaldım: Şəxs barəsində Lənkəran Şəhər-Rayon Polis Şöbəsinin Liman polis bölməsinin polis sahə rəisi, polis mayoru X1 tərəfindən Azərbaycan Respublikası İnzibati Xətalar Məcəlləsinin 510-cu maddəsi ilə tərtib edilmiş və məhkəməyə göndərilmiş xx.xx.2024-cü il tarixli ******* №-li inzibati xəta haqqında nömrəli inzibati xəta haqqında protokol və ona əlavə edilmiş sənədlər Lənkəran Şəhər-Rayon Polis Şöbəsinin Liman polis bölməsinə qaytarılsın. Hakim Nicat Ağabəyov