Lənkəran Rayon Məhkəməsi Qərar — İş №3(049)-93/2024

Azərbaycan Respublikası adından QƏRAR Lənkəran şəhəri İş № 3(049)-93/2024 05.02.2024 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Süleymanov Kamran Şakir oğlunun sədrliyi, Abbaszadə Fərid Şahüseyn oğlunun katibliyi, Hüquqi şəxs Şəxs QSC-nin nümayəndəsi Nümayəndə iştirakı ilə, Hüquqi şəxs Şəxs QSC barəsində Astara Gömrük İdarəsi tərəfindən Azərbaycan Respublikasının İnzibati Xətalar Məcəlləsinin 485.2-ci maddəsi ilə tərtib edilmiş inzibati xəta haqqında protokol və ona əlavə edilmiş sənədlərə Lənkəran Rayon Məhkəməsinin binasında açıq məhkəmə iclasında baxaraq məhkəmə, müəyyənetdi: Lənkəran rayonu Sütəmurdov kəndində yerləşən hüquqi şəxs Şəxs QSC-nin (VÖEN **********) ünvanına 12AA545/12AA546 dövlət qeydiyyat nişanlı yük nəqliyyat vasitəsilə xx.xx.2023-cü il tarixdə Astara gömrük idarəsindən keçirilməklə Azərbaycan Respublikasının gömrük ərazisinə “Qara çay” yükünün daxil olmasına baxmayaraq, həmin mallar ölkə ərazisinə gətirilməzdən əvvəl mallara dair elektron qaydada qısa idxal bəyannaməsi verilmədiyinə görə Astara Gömrük İdarəsi Əməliyyat və Təhqiqat Şöbəsinin böyük təhqiqatçısı X2 tərəfindən hüquqi şəxs Şəxs QSC-nin barəsində Azərbaycan Respublikasının İnzibati Xətalar Məcəlləsinin (bundan sonra mətndə İXMnin) 485.2-ci maddəsi ilə xx.xx.2024-cü il tarixli 00400-00817/23 nömrəli inzibati xəta haqqında protokol tərtib edilərək baxılması üçün Lənkəran Rayon Məhkəməsinə göndərilmişdir. Protokol tərtib edən orqana məhkəmə iclasının vaxtı və yeri barədə rəsmi məlumat verilməsinə baxmayaraq onun nümayəndəsi məhkəmə iclasında işitirak etməmişdir. Məhkəmə İXM-nin 485.2-ci maddəsinə əsasən inzibati xəta haqqında işə protokol tərtib edən orqanın nümayəndəsinin iştirakı olmadan baxılmasını mümkün hesab etmişdir. Barəsində inzibati xəta haqqında iş üzrə icraat aparılan hüquqi şəxs Şəxs QSCnin nümayəndəsi Nümayəndə məhkəmə iclasında, həmçinin, xx.xx.2024-cü il tarixdə Astara Gömrük İdarəsində verdiyi izahatlarında göstərmişdir ki, xx.xx.2023-cü il tarixdə Azərbaycan Respublikasının gömrük ərazisinə Şəxs QSC-nin ünvanına daxil olmuş mallar ölkə ərazisinə gətirilməzdən əvvəl həmin mallara görə gömrük orqanlarına elektron formada qısa idxal bəyannaməsini diqqətsizlik üzündən vaxtında verməmişlər. Buna özü də lazımi qaydada nəzarət etmədiyini etiraf edir. Qeyd etdikləri nəzərə alınmaqla iş üzrə qanuni qərar qəbul edilməsini məhkəmədən xahiş edir. İş materiallarına əlavə edilmiş xx.xx.2023-cü il tarixli 3-33/3-1-005696/2023 nömrəli raportdan görünür ki, hüquqi şəxs Şəxs QSC-nin ünvanına 608 nömrəli xx.xx.2023-cü il tarixli invoysla 12AA545/12AA546 dövlət qeydiyyat nişanlı yük nəqliyyat vasitəsilə daxil olmuş və **********6448 nömrəli gömrük bəyənnaməsi ilə bəyan olunan yüklər üçün əvvəlcədən qısa idxal bəyənnaməsi tərtib edilməmişdir. Azərbaycan Respublikasının Gömrük Məcəlləsinin 113.1-ci maddəsinin tələblərinə əsasən mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsinin verilməsinin məcburiliyi nəzərə alınaraq fakt üzrə araşdırma aparılması üçün aidiyyəti üzrə göstəriş verilməsi xahiş edilmişdir. İş materiallarına əlavə edilmiş Gömrük bəyənnaməsinin 40-cı qrafasından görünür ki, hüquqi şəxs Şəxs QSC (VÖEN **********) tərəfindən gətirilən mallar və nəqliyyat vasitəsi gömrük ərazisinə daxil olmazdan əvvəl qısa idxal bəyənnaməsi təqdim edilmədiyi üçün həmin qrafada hər hansı qeyd aparılmamışdır. İş materiallarına əlavə edilmiş Dövlət Gömrük Komitəsinin Astara Gömrük İdarəsinin “X1 Sistemi” informasiya resursuna baxış keçirilməsi haqqında xx.xx.2023cü il tarixli protokoldan görünür ki, Şəxs QSC-nin ünvanına 12AA545/12AA546 dövlət qeydiyyat nişanlı yük nəqliyyat vasitəsilə xx.xx.2023-cü il tarixdə göndərilmiş “Qara çay” yükü Azərbaycan Respublikasının gömrük ərazisinə gətirilməzdən əvvəl həmin yükə dair elektron formada qısa idxal bəyənnaməsinin təqdim edilmədiyi müəyyən edilmişdir. Məhkəmə tədqiq edilmiş sübutlara obyektiv, qərəzsiz, hərtərəfli və tam qiymət verərək belə nəticəyə gəlir ki, hüquqi şəxs Şəxs QSC tərəfindən İXM-nin 485.2-ci maddəsində nəzərdə tutulmuş xəta hadisəsi törədilmişdir. Belə ki, məhkəmə araşdırması zamanı müəyyən edilmişdir ki, Lənkəran rayonu Sütəmurdov kəndində yerləşən hüquqi şəxs Şəxs QSC-nin (VÖEN **********) ünvanına 12AA545/12AA546 dövlət qeydiyyat nişanlı yük nəqliyyat vasitəsilə xx.xx.2023-cü il tarixdə Astara gömrük idarəsindən Azərbaycan Respublikasının gömrük ərazisinə “Qara çay” yükünün daxil olmasına baxmayaraq, həmin mallar ölkə ərazisinə gətərilməzdən əvvəl Azərbaycan Respublikası Gömrük Məcəlləsinin 113.1-ci maddəsinin tələblərinə görə gömrük orqanlarına elektron formada qısa idxal bəyannaməsi verilməli olduğu halda, həmin yüklərə dair gömrük orqanına əvvəlcədən elektron formada qısa idxal bəyannaməsi verilməmişdir. Barəsində inzibati xəta haqqında iş üzrə icraat aparılan Şəxs QSC-nin İXM-nin 485.2-ci maddəsində nəzərdə tutulan inzibati xətanın törədilməsində təqsiri inzibati xəta haqqında protokol və işin digər materialları ilə tam sübuta yetirilmişdir. İXM-nin 485.2-ci maddəsinə görə Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir. İXM-nin 18.1-ci maddəsinə əsasən hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri, bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. İXM-nin 18.5-ci maddəsinə əsasən hüquqi şəxs barəsində inzibati tənbeh yalnız hakim tərəfindən tətbiq edilir. İXM-nin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan hüquqi şəxs Şəxs QSC haqqında inzibati tənbeh tədbiq edərkən törədilmiş inzibati xətanın xarakterini, törədilmə şəraitini, inzibati xəta törədən şəxsin təqsirinin dərəcəsini nəzərə almaqla hesab edir ki, onun barəsində qeyd olunan maddənin sanksiyasında nəzərdə tutulan 1500 manat miqdarında inzibati cərimə inzibati tənbehi tətbiq edilməlidir. Yuxarıda göstərilənlərə əsasən və İXM-nin 31, 40, 43, 110-115-ci maddələrini rəhbər tutaraq məhkəmə, qərara aldı: Hüquqi şəxs Şəxs QSC Astara Gömrük İdarəsi tərəfindən tərtib edilmiş xx.xx.2024-cü il tarixli 00400-00817/23 nömrəli inzibati xəta haqqında protokol əsasında Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulmuş xətanın törədilməsində təqsirli bilinərək barəsində 1500 manat məbləğində inzibati cərimə tənbeh tədbiri tətbiq edilsin. Qərarın icrası Lənkəran rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Lənkəran Rayon Məhkəməsi vasitəsi ilə Şirvan Apelyasiya Məhkəməsinə şikayət və ya protest verilə bilər. Hakim: Kamran Süleymanov