Lənkəran Rayon Məhkəməsi Qərardad — İş №3(049)-944/2024

Azərbaycan Respublikası adından QƏRARDAD Lənkəran şəhəri İş № 3(049)-944/2024 27.11.2024 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Qasımov Muradağa Əhmədağa oğlunun sədrliyi, Məmmədzadə Məhəmməd Valeh oğlunun katibliyi, inzibati orqanın qərardan şikayət verən şəxs X1 iştirakı ilə, X1 haqsız yerə ödətdirilən cərimənin DİN-hesabından tutularaq ona ödənilməsi barədə şikayət ərizəsinə Lənkəran Rayon Məhkəməsinin inzibati binasında xx.xx.2024-cü il tarixdə açıq məhkəmə iclasında baxaraq məhkəmə, m ü ə y y ə n e t d i: Lənkəran rayonu, Şağlaser kənd sakini X2 məhkəməyə müraciət edərək Lənkəran Rayon Məhkəməsinin xx.xx.2024-cü il tarixli, 3(049)-616/2024 saylı qərarının təmin olunması, Azərbaycan Respublikası DİN tərəfindən haqsız yerə ona ödətdirilən cərimənin DİN hesabından tutularaq ona qaytarılması, sürücülük vəsiqəsinə əsassız olaraq məhdudiyyət qoyulması ilə bağlı Lənkəran Rayon Məhkəməsinə edilən müraciətin əsassız olduğundan təmin edilməməsi haqqında qərar qəbul edilməsini məhkəmədən xahiş etmişdir. Həmin şikayətə baxılması üçün təyin edilmiş xx.xx.2024-cü il tarixli məhkəmə iclasında ərizə şikayətçi Səbuhi Ruhullayev ərizə təqdim edərək iş üzrə verdiyi şikayət ərizəsinin geri qaytarılmasını xahiş etmişdir.. Azərbaycan Respublikası İnzibati Xətalar Məcəlləsinin 1.1-ci maddəsinə əsasən Azərbaycan Respublikasının inzibati xətalar qanunvericiliyi bu Məcəllədən ibarətdir. Həmin Məcəllənin 134-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilən qərarlar sırasında şikayət ərizəsinin baxılmamış saxlanılması və ya geri qaytarılması nəzərdə tutulmamışdır. “Normativ hüquqi aktlar haqqında” Azərbaycan Respublikasının Konstitusiya Qanununun 1.0.10 və 1.0.11-ci maddələrinin məzmununa görə qanunun analogiyası dedikdə, konkret ictimai münasibətləri tənzimləyən qanunvericilik normaları olmadığına görə həmin ictimai münasibətlərə oxşar ictimai münasibətləri tənzimləyən qanunvericilik normalarının tətbiq edilməsi, hüququn analogiyası dedikdə isə yalnız konkret ictimai münasibətləri deyil, həm də oxşar ictimai münasibətləri tənzimləyən qanunvericilik normaları olmadığına görə həmin ictimai münasibətlərə qanunvericiliyin məğzinin, hüququn ümumi prinsiplərinin və ya hüququn konkret sahələrinə aid prinsiplərin tətbiq edilməsi başa düşülür. Həmin Qanunun 13.1 və 13.2-ci maddələrinin məzmununa görə konkret ictimai münasibətləri tənzimləyən qanunvericilik normaları olmadıqda hüququn analogiyasından və ya qanunun analogiyasından istifadə oluna bilər. Əvvəlcə qanunun analogiyasından istifadə olunur. Konkret ictimai münasibətləri tənzimləyən qanunvericilik normaları olmadıqda həmin ictimai münasibətlərə oxşar ictimai münasibətləri tənzimləyən qanunvericilik normaları tətbiq edilir. Azərbaycan Respublikasının inzibati xətalar qanunvericiliyi yalnız Azərbaycan Respublikası İnzibati Xətalar Məcəlləsindən ibarət olduğundan və bu qanunvericilikdə inzibati xəta haqqında iş üzrə qərardan verilən şikayət ərizəsinin baxılmamış saxlanılması nəzərdə tutulmadığından məhkəmə hesab edir ki, hazırki işdə hüququn analogiyasından istifadə olunmaqla oxşar ictimai münasibətləri tənzimləyən qanunvericilik normaları tətbiq edilməlidir. Məhkəmə hesab edir ki, şəxsin barəsində inzibati tənbeh tətbiq etmə barədə qərarın qəbul edilməsi bilavasitə həmin şəxsin özünün hüquqlarına və mənafelərinə təsir göstərən bir tədbir olduğundan, hazırda isə inzibati tənbeh vermə haqqında qərardan şikayət verən şəxs X2 məhkəməyə verdiyi şikayətə baxılmasını öz təşəbbüsü ilə istəmədiyindən və bununla bağlı fikrini yazılı şəkildə məhkəməyə təqdim etdiyindən hazırki vəziyyətdə həmin şikayətə baxılmasına hər hansı əsas yoxdur. X2 onun barəsində qəbul edilmiş inzibati tənbeh tətbiq etmə barədə qərarlardan şikayətə baxılmasını istəmədiyi halda, məhkəmənin qəbul etməli olduğu qərarın məzmunu inzibati xətalar haqqında qanunvericilikdə bilavasitə nəzərdə tutulmasa da, məhkəmə qanunun analogiyası qaydasına istinad edərək oxşar ictimai münasibətləri tənzimləyən qanunvericilik normalarının tətbiq edilməsini məqsədəmüvafiq hesab edir. Məhkəmə X1 hazırki ərizəsini nəzərə alaraq qərara gəlir ki, onun Lənkəran Rayon Məhkəməsinin xx.xx.2024-cü il tarixli, 3(049)-616/2024 saylı qərarının təmin olunması, Azərbaycan Respublikası DİN tərəfindən haqsız yerə ona ödətdirilən cərimənin DİN hesabından tutularaq ona qaytarılması, sürücülük vəsiqəsinə əsassız olaraq məhdudiyyət qoyulması ilə bağlı Lənkəran Rayon Məhkəməsinə edilən müraciətin əsassız olduğundan təmin edilməməsi barədə verdiyi şikayət ərizəsi məhkəmə baxışından çıxarılmaqla geri qaytarılmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 128-136-cı maddələrini rəhbər tutaraq məhkəmə, qəraraaldı: X1 şikayət ərizəsi məhkəmə baxışından çıxarılmaqla geri qaytarılsın. Qərarın surəti təqdim edildiyi və ya alındığı gündən 10 (on) gün müddətində Şirvan Apellyasiya Məhkəməsinə şikayət verilə bilər. X4