Masallı Rayon Məhkəməsi Qərar — İş №3(050)-10/2024

Azərbaycan Respublikası adından QƏRAR Masallı rayonu İş № 3(050)-10/2024 17.01.2024 MASALLI RAYON MƏHKƏMƏSİ Hakim Bəhmənov Habil Xanoğlan oğlunun sədrliyi, Məhkəmə iclas katibi Ağayev Nurəddin Cəlil oğlunun katibliyi ilə, Barəsində inzibati xəta haqqında iş üzrə icraat aparılan şəxs Şəxs iştirakı ilə. Barəsində inzibati xəta haqqında iş üzrə icraat aparılan şəxs-27 fevral 2023-cü ildə Masallı rayonu, Köhnə Alvadı kəndində doğulmuş, Azərbaycan Respublikasının vətəndaşı, evli, orta təhsilli, işsiz, əvvəllər məhkum olunmamış, Masallı rayonu, Köhnə Alvadı kəndində qeydiyyatda olan və yaşayan; Şəxs Azərbaycan Respublikası İnzibati Xətalar Məcəlləsinin 272.3-cü maddəsi ilə təqsirləndirilməsinə dair Azərbaycan Respublikası Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsindən daxil olmuş inzibati xəta haqqında işə məhkəmənin inzibati binasında, məhkəmə iclas zalında, açıq məhkəmə iclasında baxaraq, məhkəmə müəyyən etdi: Azərbaycan Respublikası Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsindən daxil olmuş inzibati xəta haqqında materiallara əsasən Abıyev X6 Ovçuluq təsərrüfatının ərazisində xx.xx.2023-cü il tarixində saat 22:00 radələrində ov qaydalarını kobud şəkildə pozmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, 30 noyabr 2023-cü il tarixdə saat 22:00 radələrində Cəlilabad rayonu, “zəvvar” ovçuluq ərazisində olan zaman kimliyi onlara sonradan məlum olan Biləsuvar-Cəlilabad ekologiyasının qorunmasına yardım ictimai birliyinin əməkdaşı ona yaxınlaşmış o, da ov üçün hazırlıq etdiyini bildirmişdir. Ov üçün icazəsi olmuşdur. Lakin ona icazə verilən vaxtdan bir qədər tez hazırlıq işləri görmək üçün həmin əraziyə getmişdir. Həqiqətəndə o, ov üçün hazırlıq işlə aparmış, lakin heç bir ov etməmişdir. Odur ki, göstərilənləri nəzərə alaraq barəsində iş üzrə icraata xitam verilməsini xahiş etdi. İşdə olan inzibati xəta haqqında xx.xx.2023-cü il tarixli, ******* nömrəli protokola əsasən, Şəxs barəsində ov qaydalarını kobud pozması əsası ilə İXM-nin 272.3-cü maddəsi ilə inzibati icraat açılmışdır. İş materiallarında olan Azərbaycan Ovçular və Balıqçılar Cəmiyyəti tərəfindən verilmiş 03783 saylı, xx.xx.2019-ci il tarixli biletdən görünür ki, Şəxs ov etmək hüququ vardır. İş materiallarınd aolan AA-018456 nömrəli ov icazəsi sənədindən görünür ki, 01 dekabr 2023-cü il tarixdə Şəxs 3 ədəd ördək, 3 ədəd qaşqaldaq ovlamaq hüququ vardır. İş materiallarında olan AA № 000302 saylı, 01 dekabr 2023-cü il tarixli aktda göstərilmişdir ki, Cəlilabad-Biləsuvar Ekologiyanın qorunmasına yardım göstərən İctimai birliyinin əməkdaşı X1 təqdim etdiyi videoçəkilişi əsasında aparılan araşdırma zamanı məlum oldu ki, Masallı rayonu, Köhnə Alvadı kənd sakinləri X4, Şəxs və X5 qanunsuz ov edərkən birliyin əməkdaşı X2 tərəfindən saxlanılmışdır. Adları çəkilən vətəndaşlar qanunsuz ov etdiklərini etiraf edərək “Zəvvar” ovçuluq təsərrüfatında ov etdiklərini bildirdilər. Birliyin əməkdaşı X2 isə həmin vətəndaşların Mahmudçala ovçuluq təsərrüfatında ov etdiyini bildirdi. Videoçəkilişə əsasən ərazinin hansı ovçuluq təsərrüfatına aid olduğunu aşkar etmək mümükün olmadı. Təqdim olunan videoçəkilişlə bağlı Mahmudçala ovçuluq təsərrüfatının müfətişi R.Həsənov qanunsuz ov edənlərə icazə verilmədiyini və həmin ərazinin “Zəvvar“ovçuluq təsərrüfatına aid olduğunu bildirdi. Beləliklə vətəndaşlar X4, Şəxs və X5 Azərbaycan Respublikası “Ovçuluq haqqında” Qanunun və “Heyvanlar aləmi” haqqında Qanunun müvafiiq maddələrinin tələblərini pozmaqla Azərbaycan Respublikası İXM-nin 272.3-cü maddəsinə uyğun inzibati xəta törətmişdir. Azərbaycan Respublikası İXM-nin 8.2.-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Azərbaycan Respublikası İXM-in 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızılıq üzündən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İXM-in 75.0.6-cı maddəsində göstərilir ki, inzibati xətalar haqqında işlər üzrə icraatı rədd edən hallar inzibti xəta haqqında iş üzrə sübut etməli olan haldır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törətdən şəxsin təqsirini və işin düzgün həlli üçün əhəmiyyətli oaln digər halları müyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır.Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqında protokolla, Bu Məcəllə ilə müəyyən edilmiş digər protokollarla müəyyən edilir. Azərbaycan Respublikası İnzibati Xətalar Məcəlləsinin 80.1.-ci maddəsinə əsasən sənədlərdə müəssisələrin, idarələrin, təşkilatların, vəzifəli şəxslərin və fiziki şəxslərin təsdiq etdikləri və ya şərh etdikləri məlumatların inzibati xəta haqqında iş üzrə icraat üçün əhəmiyyəti vardırsa, bu sənədlər iş üzrə sübutlar hesab edilir. Həmin Məcəllənin 80.2.-ci maddəsinə əsasən sənədlər yazılı və ya digər formada müəyyən edilmiş məlumatları özündə əks etdirə bilər. Fotoşəkillər, səsyazma və ya videoyazı materialları, məlumat bazası və məlumat bankı və digər məlumatları olan müvafiq daşıyıcılar sənədlər hesab olunur. Azərbaycan Respublikası İnzibati Xətalar Məcəlləsinin 84.1.-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2.-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Azərbaycan Respublikası İXM-in 115.1. və 115.1.4.-cü maddələrinə əsasən inzibati xəta haqqında iş üzrə qərarda göstərilməli olan hallardan biri də işə baxılarkən müəyyən edilən hallardır. Azərbaycan Respublikası İXM-in 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verili Məhkəmə inzibati xəta haqqında işi tam, obyektiv, hərtərəfli araşdıraraq, inzibati protokolun qanuniliyini yoxlayaraq belə hüquqi nəticəyə gəlir ki, Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsinin səlahiyyətli şəxslərinin Şəxs barədə gədiyi nəticələr hazırkı işin faktiki hallarına uyğun deyil, səlahiyyətli orqan (vəzifəli şəxs) tərəfindən müəyyən edilmiş iş üçün əhəmiyyətli olan hallar sübuta yetirilmir. Belə ki, Şəxs o halda inzibati məsuliyyətə cəlb oluna bilər ki, o, lazımi icazə olmadan və ya qadağan edilmiş yerlərdə, yaxud qadağan olunmuş müddətlərdə, qadağan edilmiş alətlərlə və ya üsullarla ov etmiş olsun, yaxud qaydaları kobud pozmuş olsun. Lakin iş materiallarında Şəxs ov etmə qaydalarına görə hansı kobud pozuntulara yol verməsi müəyyən olunmamış, əksinə onun 01 dekabr 2023-cü il tarixdə ov etmək üçün müvafiq ov icazəsi sənədi olmuşdur. Azərbaycan Respublikası İXM-nin 272.3-cü maddəsinə əsasən ov qaydalarının kobud şəkildə pozulmasına (lazımi icazə olmadan və ya qadağan edilmiş yerlərdə, yaxud qadağan olunmuş müddətlərdə, qadağan edilmiş alətlərlə və ya üsullarla ov edilməsinə), habelə digər ov qaydalarının müntəzəm pozulmasına görə-inzibati xətanın törədilməsində alət və ya inzibati xətanın bilavasitə obyekti olmuş predmetlər müsadirə edilməklə və ya müsadirə edilməməklə, min manatdan iki min manatadək məbləğdə cərimə edilir, yaxud altı aydan iki ilədək müddətə ov hüququ məhdudlaşdırılır Beləliklə, məhkəmə hesab edir ki, vəzifəli şəxs Şəxs barəsində başlanılmış Azərbaycan Respublikası İnzibati Xətalar Məcəlləsinin 272.3-cü maddəsi ilə nəzərdə tutulmuş inzibati xəta sübuta yetmədiyinə görə iş üzrə icraata xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə qərara aldı: Şəxs barəsində Azərbaycan Respublikası İnzibati Xətalar Məcəlləsinin 272.3-cü maddəsi ilə başlanmış inzibati iş üzrə icraata Azərbaycan Respublikası İXM-in 53.2-ci maddəsinə əsasən xitam verilsin. Qərar rəsmi qaydada verildiyi vaxtdan 10 (on) gün müddətində Masallı Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə şikayət verilə bilər. Sədrlik edən: Habil Bəhmənov