Masallı Rayon Məhkəməsi Qərar — İş №3(050)-100/2023

Azərbaycan Respublikası adından QƏRAR Masallı rayonu İş № 3(050)-100/2023 02.02.2023 MASALLI RAYON MƏHKƏMƏSİ Hakim Əliyev Firdovsi Zülfü oğlunun sədrliyi, Məhkəmə iclasının katibi Rzayev Təbriz Əliniyaz oğlunun katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxxx 1964-cü ildə Masallı rayonu, Sarəcəfərli kəndində doğulmuş, Azərbaycan Respublikasının vətəndaşı, orta təhsilli, ailəli, fərdi əməklə məşğul olan, Masallı rayonu, Sarəcəfərli kəndində qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 590.2-ci maddəsi ilə Masallı Rayon Polis Şöbəsindən daxil olmuş inzibati xəta haqqında materiala baxaraq, müəyyənetdi: Şəxs Azərbaycan Respublikası müvafiq icra hakimiyyəti orqanından (AR DİN) xüsusi icazə almamış bir ədəd İJ-58 markalı, nömrəsiz tək lüləli ov tüfəngini 10 yanvar 2023-cü il tarixədək Masallı rayonu, Sarəcəfərli kəndində saxlamışdır. Barəsində inzibati xəta haqqında iş üzrə icraat aparılan şəxs Şəxs məhkəmə iclası zamanı izahatında göstərdi ki, sözü gedən tək lüləli ov tüfəngi atababasından yadigar qalmışdır. Səhlənkarlıq edərək həmin silahı öz adına sənədləşdirməmişdir. 10 yanvar 2023-cü il tarixdə Masallı rayonu, Sarəcəfərli kəndi ərazisində qeyd olunan silahı üzərində gəzdirərkən polis əməkdaşları tərəfindən saxlanılaraq polis şöbəsinə dəvət edilmiş və barəsində sözü gedən protokol tərtib edilmişdir. Hazırda törətdiyi əməldən səmimi peşimandır. Məhkəmədən barəsində yüngül tənbeh tətbiq edilməsini xahiş etdi. Məhkəmə barəsində inzibati xəta haqqında iş üzrə icraat aparılan şəxsi dinləyib, inzibati xəta haqqında 10 yanvar 2023-cü il tarixli, MN ******* saylı protokolu və ona əlavə edilmiş sənədləri araşdıraraq hesab edir ki, Şəxs əməlində Azərbaycan Respublikasının İXM-nin 590.2-ci maddəsinin tərkibi vardır və o, həmin maddə ilə təqsirli bilinib barəsində inzibati tənbeh tətbiq edilməlidir. İnzibati xəta törətmiş Şəxs əməlindən səmimi peşman və ilk dəfə inzibati xəta törətməsi olması inzibati xətaya görə məsuliyyəti yüngülləşdirən hallardır. Onun əməlində məsuliyyəti ağırlaşdıran hallar yoxdur. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə, inzibati xəta törətmiş şəxs Şəxs inzibati tənbeh tətbiq edərkən onun törətdiyi xətanın xarakterini, şəxsiyyətini, təqsirinin dərəcəsini, iş üzrə məsuliyyəti yüngülləşdirən halların olmasını və iş üzrə məsuliyyəti ağırlaşdıran halların olmamasını nəzərə alaraq, inzibati xətanın törədilməsində alət olmuş və Masallı Rayon Polis Şöbəsinin saxlanc yerində saxlanılan bir ədəd İJ-58 markalı, nömrəsiz tək lüləli ov tüfəngi dövlət nəfinə müsadirə olunmaqla, barəsində təqsirli bilindiyi maddənin sanksiyasında nəzərdə tutulmuş cərimə növündə inzibati tənbeh tətbiq etməyi məqsədə müvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 53, 114, 115, 128-130-cu maddələrini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətməkdə təqsirli bilinib, inzibati xətanın törədilməsində alət olmuş və Masallı Rayon Polis Şöbəsinin saxlanc yerində saxlanılan bir ədəd İJ-58 markalı, nömrəsiz tək lüləli ov tüfəngi dövlət nəfinə müsadirə olunmaqla 80 (səksən) manat məbləğində cərimə edilsin. Qərarın surəti rəsmi qaydada verildiyi vaxtdan 10 gün müddətində Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Sədrlik edən: Firdovsi Əliyev