Azərbaycan Respublikası adından QƏRAR Masallı rayonu İş № 3(050)-1016/2025 30.04.2025 MASALLI RAYON MƏHKƏMƏSİ Hakim Abbasova Ellara Həsən qızının sədrliyi, Məhkəmə iclas katibi Ağayev Nurəddin Cəlil oğlunun katibliyi ilə, Masallı rayonu, Təzəkənd kəndində yerləşən Şəxs MMC-nin Azərbaycan Respublikası İnzibati Xətalar Məcəlləsinin 347-ci maddəsi ilə inzibati xəta törətməsinə dair Masallı Rayon Polis Şöbəsindən daxil olmuş inzibati xəta haqqında işə açıq məhkəmə iclasında audio və videoçəkiliş vasitəsilə baxaraq, məhkəmə müəyyən etdi: Masallı Rayon Polis Şöbəsindən daxil olmuş inzibati xəta haqqında 16 aprel 2025-ci il tarixli, İXP ******* nömrəli protokoldan və əlavə edilmiş sənədlərdən görünür ki, barəsində inzibati xəta haqqında iş üzrə icraat aparılan Şəxs MMC tərəfindən hüquqi şəxsin mülkiyyətində olan nəqliyyat vasitəsini idarə edən inzibati xətanı törədən fiziki şəxs haqqında məlumat 5 gün ərzində verilməmişdir. Bu hərəkəti ilə Şəxs MMC Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan Şəxs MMC-yə məhkəmə iclasının vaxtı və yeri barədə rəsmi məlumat verilməsinə baxmayaraq nümayəndəsi məhkəmə iclasına gəlməmiş, lakin Şəxs MMC-nin nümayəndəsi tərəfindən məhkəməyə ərizə ünvanlanmış və həmin ərizəyə sənədlər əlavə edilmişdir. Ərizədə göstərilmişdir ki, "xxxx" MMC olaraq Cəmiyyətin balansında və mülkiyyətində olan avtomobilləri idarə edən şəxslər barəsində daha əvvəlcədən də istər Azərbaycan Yerüstü Nəqliyyat Agentliyinə, istərsə də hüquqi şəxsin hüquqi ünvanının aid olduğu Masallı RPŞ-nə məlumat verilmişdir. Belə ki, 11 aprel 2025-ci il tarixində rəsmi məktubla Azərbaycan Yerüstü Nəqliyyat Agentliyinə e-mail vasitəsilə məlumat verilmişdir. (Qeyd edilən məlumat xarakterli məktub və e-mail əlavə edilir). Məhkəmə bildirişini aldıqdan sonra yenidən təkrar olaraq 22 aprel 2025-ci il tarixində Azərbaycan Yerüstü Nəqliyyat Agentliyinə rəsmi məlumatla müraciət edilmişdir. (bunu təsdiq edən sənədin surəti ərizəyə əlavə edilir.) Bundan başqa "xxxx" MMC-nin direktoru X3 tərəfindən 16 aprel 2025-ci il tarixində protokolu tərtib edən Masallı RPŞ-nin bölmə rəisi X1 2025-ci ilin mart ayında rəsmi qaydada məlumat verilmişdir. Masallı Rayon Məhkəməsinin bildirişini aldıqdan sonra da 22 aprel 2025-ci il tarixində "xxxx" MMC-nin direktoru X3 tərəfindən "İNVESTAZ” MMC-yə aid nəqliyyat vasitələrini idarə edən şəxslər barədə təkrarən Masallı RPŞ-nin Bölmə rəisi Abdullayev Asəfə məlumat təqdim edilmişdir. (Qeyd edilən məlumatın surəti əlavə edilir.) Məhkəmə işi üzrə araşdırma aprılarkən qeyd edilən xüsusatların nəzərə alınması xahiş edilir. Protokolu tərtib etmiş orqanın nümayəndəsinə məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmişdir. İş materiallarında olan və məhkəmə iclasında tədqiq edilmiş: Masallı rayonu, Təzəkənd kəndində yerləşən Şəxs MMC-yə ünvanlanmış məktubun və xəbərnamənin surətlərindən görünür ki, Şəxs MMC-nin balansında olan “CHANGAN UNİ-K MİNİK” markalı **-AR-*** dövlət nömrə nişanlı nəqliyyat vasitəsinin yol hərəkəti qaydalarını pozması ilə əlaqədar tərtib olunmuş elektron protokollar barədə məlumatı qəbul etdiyi 5 gün müddətinə həmin nəqliyyat vasitəsini idarə etmiş fiziki şəxs barədə məlumat verilməsi xahiş edilmiş və məktub xx.xx.2025-ci il tarixdə Şəxs MMC tərəfindən qəbul edilmişdir. 17/25 saylı xx.xx.2025-ci il tarixli Azərbaycan Yerüstü Nəqliyyat Agentliyinə ünvanlanmış məlumatdan görünür ki, CHANGAN UNİ-K MİNİK UNİVERSAL markalı **- AR-*** dövlət qeydiyyat nişanlı nəqliyyat vasitəsinin idarə edən şəxs X2r. Etibarnaməsi xx.xx.2024-cü il tarixdən xx.xx.2026-cı il tarixədək qüvvədədir. Həmin məlumat mailto:office@ayna.gov.azElektron ünvan elektron poçt ünvanına 11 aprel 2025-ci il tarixdə ünvanlanmışdır. 25/25 saylı xx.xx.2025-ci il tarixli Masallı Rayon Polis Şöbəsinə ünvanlanmış məlumatdan görünür ki, CHANGAN UNİ-K MİNİK UNİVERSAL markalı **-AR-*** dövlət qeydiyyat nişanlı nəqliyyat vasitəsinin idarə edən şəxs X2r. Etibarnaməsi xx.xx.2024-cü il tarixdən xx.xx.2026-cı il tarixədək qüvvədədir. 16 aprel 2025-ci il tarixli, İXP ******* nömrəli inzibati xəta haqqında protokoldan görünür ki, barəsində inzibati xəta haqqında iş üzrə icraat aparılan Şəxs MMC tərəfindən hüquqi şəxsin mülkiyyətində olan nəqliyyat vasitəsini idarə edən fiziki şəxs haqqında məlumat 5 gün ərzində verilməmişdir. Elektron sistemdən çıxarışdan görünür ki, Şəxs MMC ********** VÖEN-i ilə vergi ödəyicisi kimi dövlət qeydiyyatına alınmışdır. Barəsində inzibati xəta haqqında iş üzrə icraat aparılan Şəxs MMC-nin təqsiri işə əlavə edilmiş inzibai xəta haqqında protokol, habelə digər sənədlərlə tam sübuta yetirilmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən, yalnız Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir; 123.2-ci maddəsinə əsasən hüquqi şəxsin (dövlət qurumunun) müvafiq vəzifəli şəxsi sorğunu rəsmi qaydada aldığı vaxtdan 5 gün müddətində inzibati xətanın törədilməsi zamanı nəqliyyat vasitəsini idarə etmək hüququna malik fiziki şəxs barədə səlahiyyətli orqana (vəzifəli şəxsə) məlumat verməlidir. Səlahiyyətli orqan (vəzifəli şəxs) belə məlumatı aldığı vaxtdan 3 gün müddətində barəsində inzibati xəta haqqında iş üzrə icraat aparılan şəxsin iştirakı olmadan inzibati tənbeh vermə haqqında qərar tərtib edir. İnzibati tənbeh vermə haqqında qərar həmin günün sonunadək müvafiq icra hakimiyyəti orqanının mərkəzi informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə həmin qərar barədə bu Məcəllənin 125.2-ci maddəsində nəzərdə tutulmuş qaydada məlumat verilir; 123.3-cü maddəsinə əsasən bu Məcəllənin 123.1-ci maddəsində nəzərdə tutulmuş sorğuya cavab verməyən hüquqi şəxs, yaxud dövlət qurumunun vəzifəli şəxsi bu Məcəllənin 347-ci maddəsində nəzərdə tutulmuş inzibati xətanın törədilməsinə görə məsuliyyətə cəlb olunur. Hüquqi şəxsin, yaxud dövlət qurumunun vəzifəli şəxsinin məsuliyyətə cəlb olunması onu müvafiq məlumatı təqdim etmək vəzifəsindən, fiziki şəxsi isə törətdiyi əmələ görə məsuliyyətdən azad etmir; 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə-vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir Məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə müəyyən edilmişdir ki, səlahiyyətli orqan Masallı Rayon Polis şöbəsinin X7 Bölməsi tərəfindən barəsində inzibati icraat aparılan hüquqi şəxs Şəxs MMC-yə mülkiyyətində olan nəqliyyat vasitəsi ilə inzibati xəta törədilməsi zamanı nəqliyyat vasitəsini idarə etmiş fiziki şəxs haqqında məlumat verilməsi barədə sorğu göndərilmiş, sorğu Şəxs MMC tərəfindən xx.xx.2025-ci il tarixdə qəbul olunmuş, lakin səlahiyyətli orqanın sorğusuna daxil olduğu vaxtdan 5 gün müddətində tələb olunan məlumat verilməmişdir. Məhkəmə elektron poçt ünvanı vasitəsilə Azərbaycan Yerüstü Nəqliyyat Agentliyinə ünvanlanmış məlumata bağlı onu qeyd edir ki, İnzibati Xətalar Məcəlləsinin 347-ci maddəsində səlahiyyətli şəxs dedikdə Azərbaycan Yerüstü Nəqliyyat Agentliyi nəzərdə tutulmur. CHANGAN UNİ-K MİNİK UNİVERSAL markalı **-AR-*** dövlət qeydiyyat nişanlı nəqliyyat vasitəsinin idarə edən fiziki şəxs barədə məlumatı Masallı Rayon Polis Şöbəsi DYPB-nə verilməsi tələb edilmiş, lakin Şəxs MMC-nin nümayəndəsi tərəfindən qanunvericiliyin tələblərinə uyğun qaydada sorğuya cavab verilməmişdir. Bununla da, hüquqi şəxs Şəxs MMC İXM-nin 347-ci maddəsində nəzərdə tutulmuş inzibati xətanı törətmişdir. İnzibati Xətalar Məcəlləsinin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ağırlaşdıran hal müəyyən edilmədi. Məhkəmə, törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək, hesab edir ki, Şəxs MMC İXM-in 347-ci maddəsində nəzərdə tutulan inzibati xətanı törətməkdə təqsirli bilinməli və barəsində həmin maddənin sanksiyası hədləri daxilində inzibati cərimə növündə tənbeh tədbiri tətbiq edilməlidir. Qeyd olunanlara əsasən və İXM-in 25, 40.0.1, 43, 48-51, 55,114, 115, 128, 130 maddələrini rəhbər tutaraq, məhkəmə qərara aldı:
1. Masallı rayonu, Təzəkənd kəndində yeləşən Şəxs MMC (VÖEN **********) Azərbaycan Respublikası İnzibati Xətalar Məcəlləsinin 347-ci maddəsi ilə təqsirli bilinərək 300 (üç yüz) manat məbləğində inzibati qaydada cərimə edilsin.
2. Qərarın icrası Masallı Rayon İcra və Probasiya Şöbəsinə tapşırılsın.
3. Qərardan surəti rəsmi qaydada alındığı vaxtdan 10 (on) gün müddətində Masallı Rayon Məhkəməsi vasitəsi ilə və ya bilavasitə Şirvan Apellyasiya Məhkəməsinə şikayət və protest verilə bilər.
Sədrlik edən: Ellara Abbasova