Masallı Rayon Məhkəməsi Qərar — İş №3(050)-1498/2023

Azərbaycan Respublikası adından QƏRAR Masallı rayonu İş № 3(050)-1498/2023 14.09.2023 MASALLI RAYON MƏHKƏMƏSİ Hakim Bəhmənov Habil Xanoğlan oğlunun sədrliyi, Məhkəmə iclasının katibi Ağayev Nurəddin Cəlil oğlunun katibliyi, Barəsində inzibati xəta haqqında iş üzrə icraat aparılan şəxs Şəxs, Masallı rayon İcra və Probasiya şöbəsinin icra məmuru X3 iştirakı ilə, Barəsində inzibati xəta haqqında iş üzrə icraat aparılan şəxs xx xxxxxx 1982-cü ildə Masallı rayonu, Miyankü kəndində doğulmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, əvvəllər məhkum olunmamış, Masallı rayonu, Miyankü kəndində qeydiyyatda olmaqla yaşayan. Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair Masallı rayon İcra və Probasiya şöbəsindən daxil olmuş inzibati xəta haqqında işə məhkəmənin inzibati binasında, məhkəmə iclas zalında, açıq məhkəmə iclasında baxaraq, məhkəmə müəyyən etdi: Masallı rayon İcra və Probasiya şöbəsindən daxil olmuş inzibati xəta haqqında materialdan məlum olur ki, Masallı Rayon Məhkəməsinin 06 yanvar 2022-ci il tarixli, 2(050)-112/2022 nömrəli icra sənədinə əsasən 21 oktyabr 2021-ci ildən başlayaraq xx.xx.2010-cu il təvəllüdlü X2 və xx.xx.2013-cü il təvəllüdlü X1 yetkinlik yaşa çatanadək saxlanması üçün Şəxs hər ay bir uşağa görə 150 (bir yüz əlli) manat olmaqla iki uşaq üçün cəmi 300 (üç yüz) manat sabit pul məbləğində aliment tutularaq X4 ödənilməlidir. Lakin borclu Şəxs icra sənədi üzrə yaranmış borcunu icra etməmişdir. Bununla əlaqədar olaraq Azərbaycan Respublikası İnzibati Xətalar Məcəlləsinin 528.1-ci maddəsi ilə məsuliyyətə cəlb olunması barədə protokol tərtib olunmuşdur. Barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, Masallı Rayon Məhkəməsinin 06 yanvar 2022-ci il tarixli, 2(050)-112/2022 nömrəli icra sənədinə əsasən ondan 21 oktyabr 2021-ci ildən başlayaraq xx.xx.2010-cu il təvəllüdlü X2 və xx.xx.2013-cü il təvəllüdlü X1 yetkinlik yaşa çatanadək saxlanması üçün Şəxs hər ay bir uşağa görə 150 (bir yüz əlli) manat olmaqla iki uşaq üçün cəmi 300 (üç yüz) manat sabit pul məbləğində aliment tutularaq X4 ödənilməlidir. O, məhkəmə qətnaməsinə hörmətlə yanaşır və hər ay aliment borcunu ödəməyə etiraz etmir. Yaranmış 2420 manat aliment borcundan bu gün yəni 14 sentyabr 2023-cü il tarixdə 1250 manat ödəniş etmişdir. Bundan başqa gələcəkdə aylıq aliment borcunu tam ödəyəcək. Halhazırda borcunu tam ödəyə bilmir. Borcunu tam ödəyə bilməməsinin səbəbi, icradan qərəzli olaraq yayınmaq deyil, səhətində olan problemlə ələqədardır. Belə ki, o, əvvəllər Ukraniya Xalq Respublikasına yükdaşıma ilə məşğul olmuşdur. Orda olan zaman mühasirəyə düşmüş və güllə yarası almışdır. Bir neçə dəfə yaralanmağı ilə bağlı əməliyyt olmuşdur.Hazırda xəstəliyi ilə bağlı sənədləri məhkəməyə təqdim edir.Göstərilənləri nəzərə alaraq barəsində aparılan inzibati icraata xitam verilməsini xahiş edir. Məhkəmə iclasında Masallı rayon İcra və Probasiya şöbəsinin icra məmuru X5 izahatında göstərmişdir ki, Masallı Rayon Məhkəməsinin 06 yanvar 2022-ci il tarixli, 2(050)-112/2022 nömrəli icra sənədinə əsasən 21 oktyabr 2021-ci ildən başlayaraq xx.xx.2010-cu il təvəllüdlü X2 və xx.xx.2013-cü il təvəllüdlü X1 yetkinlik yaşa çatanadək saxlanması üçün Şəxs hər ay bir uşağa görə 150 (bir yüz əlli) manat olmaqla iki uşaq üçün cəmi 300 (üç yüz) manat sabit pul məbləğində aliment tutularaq X4 ödənilməlidir. Yaranmış 2420 manat aliment borcundan bu gün yəni 14 sentyabr 2023-cü il tarixdə 1250 manat ödəniş etmişdir. Həmçinin əvvəlki aylarda da müvafiq ödəniş etmişdir. İmkanı olduqca hər ay ödədiyi alimentlə yanaşı əlavə ödəniş edərək qalıq borcunu ödəyəcəyinə söz verir. Bunudan başqa borclu səhətində müəyyən problemləri vardır.Protokolun tərtib edilməsinə səbəb tələbkarın borcunu tam tələb etməsidir. Məhkəmə borclunu və icra məmurunu dinləyib, iş materiallarını nəzərdən keçirərək hesab edir ki, aşağıdakı əsaslara görə inzibati xəta haqqında icraata xitam verilməlidir. Məhkəmə baxışı zamanı müəyyən edilmişdir ki, borclu hal-hazırda olan borcundan müntəzəm olaraq ödənişlər edir və borclunun adında hər hansı əmak olmadığı və daimi iş yeri olmadığı üçün tələbin bir dəfəlik olaraq ödənlməsini icra edə bilmir. Bundan əlavə məhkəmə iclasında verilmiş izahatından və təqdim etdiyi xəstəliklə bağlı sənədlərdəndə aydın olur ki, borclu tələbin icrasından qərəzli olaraq yayınmamışdır Məhkəmə qeyd edir ki, icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməmə İXM-in 528.1-ci maddəsinə əsasən inzibati xəta kimi müəyyən edilmişdir. Maddənin dispozisiyasına əsasən icra sənədini üzrsüz səbəbdən icra etməmə inzibati məsuliyyəti yaradır. Azərbaycan Respublikası İXM-nin 105-ci maddəsinə əsasən həmin Məcəllənin 53cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan səlahiyyətli vəzifəli şəxs inzibati xəta haqqında işin icraatına xitam verilməsi haqqında qərar qəbul edir. İnzibati xətalar haqqında işlərə baxılarkən çıxarılan qərarlardan biri də İXM-in 114.1.4-cü maddəsinə əsasən inzibati xəta haqqında iş üzrə icraata xitam verilməsi haqqında qərardır. İXM-in 114.2.1-ci maddəsinə əsasən həmin Məcəllənin 53-ci maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. İXM-in 53.1.1-ci maddəsinə əsasən inzibati xəta hadisəsi olmadıqda və ya İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmçinin İXM-in 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. Beləliklə hazırkı iş üzrə həm inzibati xəta tərkibi olmadığından, həm şəxsin inzibati xəta törətməsi sübut olunmadığından inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 43,53, 115 və 156-cı maddələrini rəhbər tutaraq məhkəmə, qərara aldı: İnzibati xəta törətmiş şəxs Şəxs barəsində olan Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində işə baxan Masallı Rayon Məhkəməsi vasitəsilə və ya biləvasitə Şirvan Apellyasiya Məhkəməsinə apellyasiya şikayəti və ya protesti verilə bilər. Sədrlik edən:Habil Bəhmənov