Masallı Rayon Məhkəməsi Qərar — İş №3(050)-2108/2023

Azərbaycan Respublikası adından QƏRAR Masallı rayonu İş № 3(050)-2108/2023 11.12.2023 MASALLI RAYON MƏHKƏMƏSİ hakim Quliyev Ceyhun Əmir oğlunun sədrliyi, Qasımov Xanbaba Alxas oğlunun katibliyi ilə, Barəsində inzibati xəta haqqında iş üzrə icrat aparılan şəxs Masallı Rayonu Bədəlan Bələdiyyəsinin sədri (AZE 0*******) xx.xx.1957-ci ildə Masallı rayonu, Bədəlan kəndində anadan olmuş, Masallı rayonu, Bədəlan kəndində qeydiyyatda olmaqla yaşayan) Şəxs Azərbaycan Respublikası İnzibati Xətalar Məcəlləsinin 549.2-ci maddəsi ilə nəzərdə tutulan inzibati xətanı törətməsinə dair Azərbaycan Respublikası Ədliyyə Nazirliyi Lənkəran Regional Ədliyyə İdarəsindən daxil olmuş inzibati xəta haqqında işə məhkəmənin inzibati binasında, məhkəmə iclas zalında, açıq məhkəmə iclasında baxaraq, məhkəmə müəyyən etdi: Azərbaycan Respublikası Ədliyyə Nazirliyi Lənkəran Regional Ədliyyə İdarəsindən daxil olmuş inzibati xəta haqqında 20 noyabr 2023-cü il tarixli, seriya MN, ******* nömrəli protokoldan və protokola əlavə edilmiş sənədlərdən görünür ki, Masallı Rayonu Bədəlan Bələdiyyəsinin sədri Şəxs tərəfindən Masallı Rayonu Bədəlan Bələdiyyəsinin 31 oktyabr il tarixli, 19 saylı iclas protokolunun surəti bələdiyyələrin fəaliyyətinə inzibati nəzarəti həyata keçirən orqana vaxtında təqdim edilməmişdir. Bu hərəkəti ilə Masallı Rayonu Bədəlan Bələdiyyəsinin sədri Şəxs Azərbaycan Respublikası İnzibati Xətalar Məcəlləsinin 549.2-ci maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icrat aparılan şəxsə və səlahiyyətli orqanın nümayəndəsinə məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmişlər. İş materiallarında olan və məhkəmə baxışında tədqiq olunmuş: Masallı Rayonu Bədəlan Bələdiyyəsinin 31 oktyabr 2023-cü il tarixli, 19 saylı iclası protokolundan görünür ki, Masallı rayonu, Bədəlan kənd sakini X1 mülkiyyətinə Masallı Rayonu Bədəlan Bələdiyyəsinin mülkiyətində olan yaşayış məntəqələrinin prespektiv inkişafı üçün cəlb olunan torpaqlarına aid 0,0685 ha sahəsinin fərdi yaşayış evinin tikintisi məqsədi ilə ayrılması məqsədə müvafiq hesab edilmişdir. İnzibati xəta haqqında işdə olan Masallı Rayonu Bədəlan Bələdiyyəsinin sədri Şəxs tərəfindən imzalanmış xx.xx.2023-cü il tarixli məlumatdan görünür ki, xəstəliyi ilə bağlı bələdiyyə aktını inzibati nəzarəti həyata keçirən orqana vaxtında göndərə bilməmişdir. Gələcəkdə bələdiyyənin iclas protkollarını (aktlarını) inzibati nəzarəti həyata keçirən orqana qanunla müəyyən edilmiş müddətdə göndərilməsini təmin edəcəkdir və bir daha belə hallara yol verilməyəcəkdir. Azərbaycan Respublikası İXM-nin 17-ci maddəsində qeyd edilmişdir ki, dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilatisərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Şəxs təqsiri işə əlavə edilmiş sənədlərlə tam sübuta yetirilmişdir. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 549.2-ci maddəsinə əsasən bələdiyyələrin fəaliyyətinə inzibati nəzarəti həyata keçirən orqana mütləq təqdim olunmalı bələdiyyə aktlarının surətlərinin vaxtında təqdim edilməməsinə görə - vəzifəli şəxslər dörd yüz manatdan altı yüz manatadək məbləğdə cərimə edilir. Şəxs inzibati tənbehini yüngülləşdirən və ağırlaşdıran hal yoxdur. Yuxarıda göstərilənlərə əsasən, həmçinin Azərbaycan Respublikası İnzibati Xətalar Məcəlləsinin müvafiq maddələrini rəhbər tutaraq, məhkəmə qərara aldı: Masallı Rayonu Bədəlan Bələdiyyəsinin sədri Şəxs Azərbaycan Respublikasının İnzibati Xətalar Məcəlləsinin 549.2-ci maddəsi ilə təqsirli bilinərək 400 (dörd yüz) manat məbləğində inzibati qaydada cərimə edilsin. Qərarın icrası Masallı Rayon İcra və Probasiya şöbəsinə tapşırılsın. Qərar təqdim edildiyi və ya alındığı gündən 10 gün müddətində Masallı Rayon Məhkəməsi vasitəsi ilə Şirvan Apellyasiya Məhkəməsinə şikayət verilə bilər. Hakim Ceyhun Quliyev