Masallı Rayon Məhkəməsi Qərar — İş №3(050)-2441/2025

Azərbaycan Respublikası adından QƏRAR Masallı rayonu İş № 3(050)-2441/2025 03.12.2025 MASALLI RAYON MƏHKƏMƏSİ Masallı Rayon Məhkəməsinin hakimi Zeynalov Zeynal Ağabala oğlunun sədrliyi, Məhkəmə iclas katibi Qasımov Xanbaba Alxas oğlunun katibliyi, Barəsində inzibati icraat aparılan şəxs Şəxs, Masallı Rayon İcra və Probasiya şöbəsinin böyük icra məmuru X1 iştirakları ilə, xx.xx.1988-ci ildə Masallı rayonu Səmidxan kəndində doğulmuş, Masallı rayonu Birinci Səmədxanlı ə/d üzrə, Ətcələr kəndində qeydiyyatda olmaqla yaşayan, Azərbaycan Respublikasının vətəndaşı, orta təhsilli, subay, fərdi əməklə məşğul olan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta törətməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Masallı Rayon Məhkəməsinin 2(050)-3219/2023 saylı, 17 noyabr 2023-cü il tarixli icra sənədinə əsasən 31 dekabr 2008-ci ildə anadan olmuş X2 yetkinlik yaşına çatana kimi saxlanılması üçün Masallı rayon məhkəməsinin 2(050)-3010/2021 saylı, 31 dekabr 2008-ci il tarixli qətnaməsi ilə müəyyən edilmiş 100 manat aliment miqdarı artırılaraq, hər ay üçün 180 manat müəyyən olunması və Şəxs alınaraq X3 ödənilməsi qət edilmişdir. Şəxs heç bir üzürlü səbəb göstərmədən öz öhdəsinə düşən tələbin təmin olunması ilə əlaqədar icra məmurunun qanuni tələblərini yerinə yetirməmişdir. Odur ki, Şəxs barəsində inzibati xəta haqqında protokol tərtib edilmişdir. Şəxs bu hərəkəti ilə Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Masallı Rayon İcra və Probasiya şöbəsinin icra məmuru X4 məhkəmə iclasında bildirdi ki, Masallı Rayon Məhkəməsinin 2(050)-3219/2023 saylı, 17 noyabr 2023-cü il tarixli icra sənədinə əsasən Şəxs 31 dekabr 2008-ci il təvəllüdlü X2 yetkinlik yaşına çatana kimi saxlanılması üçün hər ay üçün 180 manat məbləğində aliment alınaraq X3 verilməlidir. İş sabiq icra məmuru Habil müəllimin icraatında olmuş may ayında onun icraatına verilmişdir. Hal-hazıradək borclu tərəfindən 4501 manat ödəniş edilmiş, qalıq borc isə 2879 manat təşkil edir. Mart ayında borclu Rusiya Federasiyasına getmiş, iyun ayında isə borclu barəsində axtarış verilmişdir. Protokol məhkəməyə verilməzdən öncə tələbkarla əlaqə saxlanılmış və borclunun 500 manat ödəniş etdiyi bildirilmişdir. Lakin tələbkar 500 manatla razılaşmayaraq borcun tam şəkildə ödənilməsini tələb edərək borclu borcunu tam ödəmədiyi təqdirdə məhkəməyə inzibati qaydada protokol verilməsini bildirmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək bildirdi ki, mart ayında Ukrayna Respublikasına getdikdən sonra maddi vəziyyəti pisləşmiş, işləyə bilməmişdir, bu səbəbdəndə ödəniş edə bilməmişdir. Əvvəllər isə aliment borcunu ödəmişdir. Hazırda yenicə qayıtmışdır. Mal-qara alışı və satışı ilə məşğul olur, hazırda isə xəstəliklə bağlı bazar bağlandığı üçün işləyə bilmir. Bu gün yaranmış borcundan 500 manat ödəniş etmək istəyir, qalan borcunuda gələn aydan hər ay 300 manat olmaqla hissə-hissə ödəyib qutaracaqdır. Məhkəmədən ona köməklik edilməsini xahiş etdi. Materialda olan qəbzdən görünür ki, xx.xx.2025-ci il tarixdə O****G****Ə**** qızı, nömrəsi 523915******8184 olan karta 600 manat ödəmişdir. Şəxs məhkəmə qərarının icrası ilə əlaqədar icra məmurunun qanuni tələblərini yerinə yetirməməklə Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətmişdir. Odur ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, həmin maddə ilə də inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən Məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 31-ci maddəsində göstərilir ki, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs inzibati məsuliyyətini yüngülləşdirən və ağırlaşdıran hallar yoxdur. Məhkəmə Şəxs barəsində inzibati tənbeh tədbiri tətbiq edilərkən Azərbaycan Respublikası İnzibati Xətalar Məcəlləsinin 528.1-ci maddəsinin sanksiyası həddində nəzərdə tutulumuş inzibati qaydada cərimə edilməsini qanuna uyğun hesab edir. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 40, 43, 115 və 156-cı maddələrini rəhbər tutaraq, məhkəmə QƏRAR VERDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinərək 500 (beş yüz) manat məbləğində inzibati qaydada cərimə edilsin. Qərarın icrası Masallı Rayon İcra və Probasiya Şöbəsinə tapşırılsın. Qərardan surəti təqdim edildiyi və ya alındığı gündən 10 (on) gün müddətində Masallı Rayon Məhkəməsi vasitəsi ilə və ya bilavasitə Şirvan Apellyasiya Məhkəməsinə şikayət verilə bilər. Sədrlik edən: Zeynal Zeynalov