Masallı Rayon Məhkəməsi Qərar — İş №3(050)-278/2025

Azərbaycan Respublikası adından QƏRAR Masallı rayonu İş № 3(050)-278/2025 17.02.2025 MASALLI RAYON MƏHKƏMƏSİ Hakim Abdullayev Coşqun Şamil oğlunun sədrliyi, Xəlilov Elvin Asif oğlunun katibliyi ilə, Azərbaycan Respublikası Dövlət X6 Regional Reklam İdarəsinin nümayəndəsi Nümayəndə iştirakı ilə, X2 barəsində Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Dövlət X3 Regional Reklam İdarəsi tərəfindən X2 barəsində Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xəta üzrə 28 yanvar 2025-ci il tarixli, MN seriyalı,1255750 nömrəli protokol tərtib edilmiş və baxılması üçün aidiyyəti üzrə Masallı Rayon Məhkəməsinə göndərilmişdir. İnzibati xəta haqqında protokolun tərtib olunmasına səbəb kimi 28 yanvar 2025-ci il tarixdə saat 12:33 radələrində Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 tərəfindən müvafiq icazə olmadan açıq məkanda reklam sahəsində nəzarətin həyata keçirilməsi çərçivəsində verilən yazılı göstərişlərin yerinə yetirilməməsi göstərilmişdir. Məhkəmə iclasında protokolu tərtib etmiş orqanın nümayəndəsi Nümayəndə izahatında göstərmişdir ki, 28 yanvar 2025-ci il tarixdə saat 12:33 radələrində Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 tərəfindən müvafiq icazə olmadan açıq məkanda reklam sahəsində nəzarətin həyata keçirilməsi çərçivəsində verilən yazılı göstərişlərin yerinə yetirilmədiyinə görə barəsində inzibati xəta haqqında protokol tərtib edilərək məhkəməyə verilmişdir. Belə ki, X8 Agentliyi arasında açıq məkanda reklam lövhəsinin yerləşdirilməsinə dair müvafiq icazə alınmasına baxmayaraq, həmin icazənin müddəti bitdikdən sonra Rüfət Məmmədova agentlik tərəfindən yenidən müqavilə bağlanması üçün təklif göndərilmişdir. Buna baxmayaraq Rüfət Məmmədov heç bir müqavilə bağlanılmadan “Satamotoloq” adlı obyektdə açıq məkan reklam yerləşdirilməsi müəyyən edilmiş, icazəsiz reklam paylaşımlarına görə həmin reklam lövhələrinin sökülməsi barədə Rüfət Məmmədova müvafq göstərişlər verilməsinə baxmayaraq, o, yazılı göstərişləri icra etməmişdir. xx.xx.2024-cü il tarixdə obyektə keçirilən baxış zamanı X5 tərəfindən “Stomatoloq” adlı obyektdə müvafiq icazə olmadan açıq məkanda reklam lövhələrinin yayımının həyəta keçiriməsinə davam etməsi müəyyən edilməklə bu barədə 03 saylı akt tərtib edilmişdir. Eyni zamanda bununla bağlı yazılı göstəriş poçt vasitəsilə X2 ünvanına rəsmi qaydada göndərilmişdir. Həmin yazılı göstərişdə sözügedən reklamların yayımının dərhal dayandırılması Rüfət Məmmədovdan tələb olunmuş, əks halda “Reklam haqqında” Azərbaycan Respublikası Qanunun 26.2-ci maddəsinə əsasən müvafiq cəzalanması üçün Dövlət X3 Regional Reklam İdarəsinə müraciət etməsi barədə xəbərdarlıq edilmişdir. İş materiallarına əsasən qeyd edilən yazılı göstəriş xx.xx.2024-cü il tarixdə Rüfət Məmmədova çatdırılmışdır. Bundan sonra“Stomatoloq” adlı obyektə yenidən keçirilən baxış zamanı həmin obyektdə reklam yayımınının davam etdirilməsi aşkar edildiyindən fakta görə şəxsin barəsində inzibati xəta haqqında protokol tərtib ediləcəyi barədə bildiriş X2 ünvanına göndərilmiş, həmin bildiriş iş materiallarına əlavə olunmuş teleqrama əsasən xx.xx.2025-ci il tarixdə X4 çatdırılması qeyd edilmişdir. Bundan sonra xx.xx.2025-ci il tarixdə yenidən sözü gedən obyektə baxış keçirilmiş, baxış zamanı Rüfət Məmmədovun yazılı göstərişlərin tələbini yerinə yetirmədən obyektə reklam lövhəsinin yayımını dayandırılmaması səbəbinə görə barəsində Azərbaycan Respublikası İXM-nin 428.7.3-cü maddəsi ilə inzibati xəta haqqında protokol tərtib edilmiş, şəxs protokolun tərtib edilməsində iştirak etməmiş, imtina etmişdir. Tərtib edilmiş inzibati xəta haqqında protokol baxılması üçün məhkəməyə göndərilmişdir. X5 vəzifəli şəxsdir. Sonda Ş.S.X1 inzibati məsuliyyətə cəlb edilməsini xahiş etdi. Barəsində inzibati xəta haqqında icraat aparılan şəxs X4 məhkəmə iclasının vaxtı və yeri barədə xəbərdar edilməsinə baxmayaraq, məhkəmə iclasına gəlməmişdir. Məhkəmə işə Azərbaycan Respublikası İnzibati Xətalar Məcəlləsinin 61.3-cü maddəsinə əsasən barəsində inzibati xəta haqqında iş üzrə icraat aparılan şəxsin iştirakı olmadan baxılmasını mümkün hesab etmişdir. Elektron sistemdən çıxarışdan görünür ki, X5 vergi ödəyicisi kimi dövlət qeydiyyatına alınmışdır, VÖEN-i **********-dir. xx.xx.2024-cü il tarixli 03 saylı aktdan və fotoşəkildən görünür ki, Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 tərəfindən müvafiq icazə olmadan açıq məkanda reklam yayımının aparılması müəyyən edilmiş, bu barədə akt tərtib edilmişdir. xx.xx.2024-cü il tarixli 11-3-6/2-950/2024 saylı yazılı göstərişdən görünür ki, Azərbaycan Respublikası Dövlət X3 Regional Reklam İdarəsi tərəfindən X4 Masallı rayonu, Ərkivan qəsəbəsi ünvanında yerləşən “Stomatoloq” adlı obyektdə açıq məkanda qanunsuz yerləşdirilən reklam yayımının dərhal dayandırılması və bu barədə “Reklam haqqında” Azərbaycan Respublikası Qanunun 26.2-ci maddəsinə əsasən 5 gün müddətində Azərbaycan Respublikası Dövlət X3 Regional Reklam İdarəsi müraciət etməsi tələb olunmuşdur. xx.xx.2025-ci il tarixli 11-3-6/2-059/2025 saylı bildirişdən görünür ki, Azərbaycan Respublikası Dövlət X3 Regional Reklam İdarəsi tərəfindən X4 bildiriş ünvanlanmaqla 28 yanvar 2025-ci il tarixdə saat 12:15-də “Stomatoloq” adlı obyektə baxış keçirilməsində iştirak etməsi barədə xəbərdarlıq edilmişdir. xx.xx.2025-ci il tarixli teleqramdan görünür ki, X4 ünvanlanmış bildiriş xx.xx.2025-ci il tarixdə ünvançıya çatdırılması barədə məlumat qeyd olunmuşdur. xx.xx.2025-ci il tarixli 01 saylı baxış aktından görünür ki, 28 yanvar 2025-ci il tarixdə saat 12:33 radələrində Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 tərəfindən müvafiq icazə olmadan açıq məkanda reklam sahəsində nəzarətin həyata keçirilməsi çərçivəsində verilən yazılı göstərişlərin yerinə yetirilməməsi müəyyən edilmişdir. Azərbaycan Respublikası Dövlət X3 Regional Reklam İdarəsi tərəfindən tərtib edilmiş 28 yanvar 2025-ci il tarixli, MN seriyalı,1255750 nömrəli inzibati xəta haqqında protokoldan görünür ki, 28 yanvar 2025-ci il tarixdə saat 12:33 radələrində Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 tərəfindən müvafiq icazə olmadan açıq məkanda reklam sahəsində nəzarətin həyata keçirilməsi çərçivəsində verilən yazılı göstərişlərin yerinə yetirilməməsi faktı müəyyən edilmiş, bu səbəbdən X5 barəsində Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xəta haqqında müvafiq protokol tərtib edilmişdir. Eyni zamanda, həmin tarixdə tərtib edilmiş imtina aktından görünür ki, X5 baxış aktını və inzibati xəta haqqında protokolu almaqdan imtina etmişdir. İşdə olan sənədlərdən görünür ki, X4 açıq havada yerləşdirilmiş reklam ilə bağlı qanunvericiliyin tələbinin gözlənilməsi ilə bağlı və görüləcək məsuliyyət tədbiri barədə yazılı göstərişlə müraciət edilmiş, həmin müraciət ona poçt vasitəsi ilə təqdim olunmuş, keçirilən monitorinq nəticəsində onun həmin reklam örtüklərini sökmədiyi, qanunusuz əməlini davam etdirdiyi məlum olmuşdur. Azərbaycan Respublikası İnzibati Xətalar Məcəlləsinin: 428.7.3-cü maddəsinə əsasən, müvafiq icra hakimiyyəti orqanının yaratdığı qurumun açıq məkanda reklam sahəsində (o cümlədən tikintisinə icazə tələb olunmayan açıq məkanda reklam qurğularının quraşdırılması və sökülməsi sahəsində) nəzarətin həyata keçirilməsi çərçivəsində verdiyi yazılı göstərişlərin və qərarların (bu Məcəllənin 394.0.7-ci maddəsində nəzərdə tutulmuş hallar istisna olmaqla) vaxtında və tam yerinə yetirilməməsinə görə - fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğdə cərimə edilir. “Reklam haqqında” Azərbaycan Respublikasının Qanununun 26.1-ci maddəsinə əsasən reklam birbaşa və ya reklam daşıyıcısı vasitəsilə torpaq sahələrində, bina, qurğu və digər tikililərin fasadlarında (divarlarında, hasarlarında), dam örtüklərində, bayıra ünvanlanmaqla qapıların, pəncərələrin (pəncərə altlıqlarının), vitrinlərin çöl və iç tərəflərində, habelə açıq məkanda olan avadanlıqlarda, avtomobil yollarının dayanacaqlarında və yeraltı keçidlərində, hava şarlarının, aerostat və dirijablların üzərində yerləşdirildiyi halda açıq məkanda reklam hesab olunur. Həmin qanunun 26.1-1-ci maddəsinə əsasən Azərbaycan Respublikasının Şəhərsalma və Tikinti Məcəlləsində nəzərdə tutulmuş müvafiq reklam qurğularının tikintisinə və istismarına icazə tələb olunur. Azərbaycan Respublikasının Şəhərsalma və Tikinti Məcəlləsində tikintisinə icazə tələb olunmayan reklam qurğularının quraşdırılması və sökülməsi qaydası müvafiq icra hakimiyyəti orqanı tərəfindən müəyyən edilir. Eyni zamanda qeyd edilən qanunun 26.2-ci maddəsində göstərilmişdir ki, açıq məkanda reklam yerləşdirmək üçün reklam yayıcısı müvafiq icra hakimiyyəti orqanının yaratdığı qurumdan icazə almalıdır. İcazə reklam yayıcısının tələbatına uyğun, lakin üç ildən artıq olmayan müddətə verilir. İcazənin verilməsinə görə “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə və qaydada dövlət rüsumu tutulur. İcazə özündə, həmçinin reklama dair texniki şərtləri, açıq məkanda reklam yayımına görə haqqın və bu Qanunun 26.2-2.2-ci maddəsində nəzərdə tutulmuş məbləğin ödənilməsi ilə bağlı məsələləri əks etdirir. Göründüyü kimi, məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir ki, Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 tərəfindən açıq məkanda reklam yerləşdirməklə bağlı qeyd edilən normaların tələbləri pozulmuş, icazəsiz quraşdırdığı reklam örtüklərini aradan qaldırması üçün Reklam İdarəsi tərəfindən yazılı göstəriş verilsə də, yazılı göstərişin tələblərinə riayət etməyərək özünə məxsus obyektin qapı və pəncərəsinə yerləşdirdiyi reklam örtüklərini saxlamaqda davam etmişdir. İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin məcəllənin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. İXM-nin 17-ci maddəsinin qeyd hissəsinə əsasən dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. X2 məsuliyyətini yüngülləşdirən və ya ağırlaşdıran hal müəyyən edilməmişdir. Beləliklə, məhkəmə törədilmiş inzibati xətanın xarakterini, şəxsin birinci dəfə qeyd edilən inzibati xətanı törətdiyini nəzərə alaraq, iş üzrə sübutları qiymətləndirərək, hesab edir ki, X5 Azərbaycan Respublikası İnzibati Xətalar Məcəlləsinin 428.7.3-cü maddəsi ilə təqsirli bilinməli və barəsində həmin maddənin sanksiyasında nəzərdə tutulmuş cərimə inzibati tənbeh növünün aşağı həddində tənbeh tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİ: Masallı rayonu, Ərkivan qəsəbəsi ünvanında yerləşən “Stomatoloq” adlı obyektin sahibi X5 Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xətanı törətməkdə təqsirli bilinsin və barəsində 1500 (bir min beş yüz) manat məbləğində cərimə növündə inzibati tənbeh tədbiri tətbiq edilsin. Qərarın icrası Masallı rayon İcra və Probasiya Şöbəsinə həvalə edilsin. Qərar rəsmi qaydada verildiyi vaxtdan 10 (on) gün müddətində qərardan Masallı Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə şikayət verilə bilər. Sədrlik edən: Coşqun Abdullayev