Masallı Rayon Məhkəməsi Qərar — İş №3(050)-431/2025

Azərbaycan Respublikası adından QƏRAR Masallı rayonu İş № 3(050)-431/2025 19.02.2025 MASALLI RAYON MƏHKƏMƏSİ Masallı Rayon Məhkəməsinin hakimi Zeynalov Zeynal Ağabala oğlunun sədrliyi, Məhkəmə iclas katibi Əhmədov Xəyyam Adəm oğlunun katibliyi, Barəsində inzibati icraat aparılan şəxs Şəxs, Masallı rayon İcra və Probasiya şöbəsinin icra məmuru X1 iştirakları ilə, xx.xx.1980-ci ildə Masallı rayonunda doğulmuş, Azərbaycan Respublikasının vətəndaşı, evli, işsiz, orta təhsilli, Masallı rayonu Hacıtəpə kəndində qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta törətməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Masallı Rayon Məhkəməsinin 2(050)-2610/2023 nömrəli 20 sentyabr 2023-cü il tarixli icra sənədinə əsasən borclu Şəxs 10 iyul 2023-cü ildən başlayaraq 15 iyul 2006-cı ildə anadan olmuş X6, 01 noyabr 2007-ci ildə anadan olmuş X2 və 09 aprel 2012-ci ildə anadan olmuş X5 yetkinlik yaşına çatanadək saxlanılması üçün hər ay bir uşaq üçün 150 manat olmaqla, cəmi 450 (dörd yüz əlli) manat sabit pul məbləğində aliment tutulub iddiaçı X3 verilməsi qət edilmişdir. Hazırda borclunun qeyd olunan icra vərəqəsi üzrə 7700 (yeddi min yeddi yüz) manat məbləğində ödənilməmiş aliment borcu vardır. Şəxs heç bir üzrlü səbəb göstərmədən icra sənədini icra etməmişdir. Odur ki, Şəxs barəsində inzibati xəta haqqında protokol tərtib edilməklə tədbir görülməsi üçün məhkəməyə göndərilmişdir. Şəxs bu hərəkəti ilə Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Masallı rayon İcra və Probasiya şöbəsinin icra məmuru X4 məhkəmə iclasında bildirdi ki, Masallı Rayon Məhkəməsinin 2(050)-2610/2023 nömrəli 20 sentyabr 2023-cü il tarixli icra sənədinə əsasən borclu Şəxs 10 iyul 2023-cü ildən başlayaraq 15 iyul 2006-cı ildə anadan olmuş X6, 01 noyabr 2007-ci ildə anadan olmuş X2 və 09 aprel 2012-ci ildə anadan olmuş X5 yetkinlik yaşına çatanadək saxlanılması üçün hər ay bir uşaq üçün 150 manat olmaqla, cəmi 450 (dörd yüz əlli) manat sabit pul məbləğində aliment tutulub iddiaçı X3 verilməsi qət edilmişdir. İcra sənədi icra şöbəsinə daxil olmuş, borcluya icraata başlama haqqında qərar və bildiriş göndərilmişdir. Borclu 2023-cü ilin oktyabr ayında bir dəfə 300 manat ödəniş etmiş, ondan başqa heç bir ödəniş etməmişdir. Borclu borcunu ödəmədiyindən barəsində axtarış elan olunmuş və borclu icra şöbəsinə gətirilmiş və barəsində inzibati xəta haqqında protokol tərtib olunaraq məhkəməyə verilmişdir. Hazırda borclunun qeyd olunan icra vərəqəsi üzrə 7700 manat məbləğində ödənilməmiş aliment borcu vardır. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, hazırda heç bir yerdə işləmir. Bakı şəhərində ev tikmiş və bankda pul götürüb həmin ev üçün mebel əşyaları almışdır. Hazırda borclu uşaqları ilə birlikdə həmin evdə yaşayırlar. Evi satıb aliment borcunu ödəməyi düşünür. İşsizliklə bağlı Dövlət Məşğulluq idarəsinədə müraciət etmiş, lakin bu günə kimi Məşğulluq idarəsindən ona hər hansı iş təklifi olunmamışdır. Bu günə kimi aliment borcundan iki dəfə 300 manat və 250 manat ödəniş etmişdir. Lakin 250 manat ödəniş etməsi ilə bağlı qəbzi yoxdur. Maddi imkanı olmadığı üçün hazırda heç bir ödəniş edə bilmir. Ona vaxt veriləcəyi təqdirdə 5-6 gün ərzində 500 manat ödəniş edə biləcəkdir. İkinci dəfə ailə həyatı qurmuş və bu nikahdan bir nəfər 10 aylıq uşağı vardır. Məhkəmədən ona möhlət verilməsini xahiş etdi. Beləliklə, Şəxs məhkəmə qərarının icrası ilə əlaqədar icra məmurunun qanuni tələblərini yerinə yetirməməklə Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətmişdir. Odur ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, həmin maddə ilə də inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən Məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 31-ci maddəsində göstərilir ki, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs inzibati məsuliyyətini yüngülləşdirən və ağırlaşdıran hallar yoxdur. Məhkəmə Şəxs barəsində inzibati tənbeh tədbiri tətbiq edilərkən Azərbaycan Respublikası İnzibati Xətalar Məcəlləsinin 528.1-ci maddəsinin sanksiyası həddində nəzərdə tutulumuş müəyyən müddətə inzibati qaydada həbs edilməsini qanuna uyğun hesab edir. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 40, 43, 115 və 156-cı maddələrini rəhbər tutaraq məhkəmə, QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinərək 8 (səkkiz) gün müddətə inzibati qaydada həbs edilsin. İnzibati həbs haqqında qərar dərhal icra olunsun. İnzibati qaydada həbs etmənin əvvəli 19 fevral 2025-ci il tarixdən, saat 11:20-dən hesablansın. Qərarın icrası Masallı Rayon Polis Şöbəsinə tapşırılsın. Qərardan surəti təqdim edildiyi və ya alındığı gündən 10 (on) gün müddətində Masallı Rayon Məhkəməsi vasitəsi ilə və ya bilavasitə Şirvan Apellyasiya Məhkəməsinə şikayət və protest verilə bilər. Sədrlik edən: Zeynal Zeynalov