Masallı Rayon Məhkəməsi Qərar — İş №3(050)-87/2025

Azərbaycan Respublikası adından QƏRAR Masallı rayonu İş № 3(050)-87/2025 07.02.2025 MASALLI RAYON MƏHKƏMƏSİ Hakim Abbasova Ellara Həsən qızının sədrliyi, Məhkəmə iclas katibi Ağayev Nurəddin Cəlil oğlunun katibliyi ilə, Barəsində inzibati xəta haqqında icraat aparılan şəxs Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə təqsirləndirilməsinə dair Masallı Rayon Polis Şöbəsindən daxil olmuş inzibati xəta haqqında işə məhkəmənin inzibati binasında, məhkəmə iclas zalında, açıq məhkəmə iclasında baxaraq, məhkəmə müəyyən etdi: Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətməsi barədə protokol tərtib edilmişdir ona görə ki, Şəxs xx.xx.2024-cü il tarixdə “Yol hərəkəti haqqında” Azərbaycan Respublikası Qanununun tələbini pozaraq yol hərəkəti qaydalarının əleyhinə olan inzibati xətanın törədilməsinə görə inzibati cərimə növündə inzibati tənbeh tədbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən olunmuş əsaslar olmadan icra etməmişdir. 22 yanvar 2025-ci il tarixdə keçirilmiş məhkəmə iclasında barəsində inzibati xəta haqqında iş üzrə icraat aparılan şəxs Şəxs məhkəmə iclasında izahatında qeyd etdi ki, o, inzibati xəta törətməmişdir. Belə ki, xx.xx.2024-cü il tarixdə inzibati xətanı törətmiş **-CK- *** qeydiyyat nömrəli avtomobil olmuş, onun əvəzinə səhvən **-CK-*** dövlət qeydiyyat nişanlı avtomobilin İnzibati Xətalar Məcəlləsinin tələblərinin pozulmasını qeyd etmişlər. Hesab edir ki, barəsində tərtib edilmiş protokol əsassızdır. Göstərilənləri nəzərə alaraq, iş üzrə ədalətli qərar qəbul edilməsini xahiş etdi. İş materiallarında olan inzibati tənbeh vermə haqqında EQ 23317174 saylı, 31 avqust 2024-cü il tarixli qərardan görünür ki, Binəqədi Rayonu, Biləcəri dairəsi saat 10:50 adlan ərazidə xx.xx.2024-cü il tarixdə, 21:01:04-də “Mercedes BENZ C200 Minik markalı **-CK- *** dövlət qeydiyyat nişanlı nəqliyyat vasitəsinin istifadəçisi Şəxs tərəfindən Azərbaycan Respublikası İnzibati Xətalar Məcəlləsinin 346.2-ci maddəsində nəzərdə tutulmuş inzibati xətanın törədilməsi görə 40 manat məbləğində inzibati cərimə növündə tənbeh tətbiq edilmişdir. İş materiallarında olan qeydiyyat funksiyalarına malik xüsusi texniki vasitələrin köməyi ilə aşkar olunmuş inzibati xəta haqqında fotodan görünür ki, Binəqədi Rayon Biləcəri dairəsi saat 10:50 adlanan ərazidə xx.xx.2024-cü il tarixdə, saat 21:01:04-də **- CK-*** saylı nəqliyyat vasitəsi inzibati xətalar Məcəlləsinin 346.2-ci maddəsinin tələblərini pozmuşdur. İnzibati Xətalar Məcəllənin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcələnin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcələnin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. İnzibati Xətalar Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati Xətalar Məcəlləsinin 76.1-ci maddəsinə görə, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Göründüyü kimi, İnzibati Xətalar Məcəlləsi yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini ehtiva edən əməli (hərəkət və ya hərəkətsizliyi) törətmiş şəxsin inzibati məsuliyyətə cəlb olunmasını müəyyən etmişdir. Məhkəmə haırkı iş üzrə işdə iştirak edən şəxsləri dinləyib, iş materiallarını araşdıraraq hesab edir ki, Şəxs barəsində başlanılmış inzibati xəta haqqında iş üzrə icraata xitam verilməlidir. Belə ki, iş materiallarında protokolda ona əlavə edilmiş sənədlərdə inzibati xətanın törədilmə yeri Binəqədi Rayonu, Biləcəri dairəsi saat 10:50 adlan ərazidə xx.xx.2024-cü il tarixdə, 21:01:04-də “Mercedes BENZ C200 Minik markalı **-CK-*** dövlət qeydiyyat nişanlı avtomobilin olması göstərilsədə, barəsində inzibati icraat aparılan şəxs Şəxs tərəfindən təqdim edilmiş qeydiyyat funksiyalarına malik xüsusi texniki vasitələrin köməyi ilə aşkar olunmuş inzibati xəta haqqında fotodan göründüyü kimi xx.xx.2024-cü il tarixdə, 21:01:04-də **-CK-*** dövlət qeydiyyat nişanlı avtomobilin olması göstərilmişdir. Göründüyü kimi xx.xx.2024-cü il tarixdə inzibati xəta haqqında qərarı qəbul etmiş səlahiyyətli şəxs tərəfindən **-CK-*** dövlət qeydiyyat nişanlı avtomobilin idarə edən şəxs barəsində İXM-346.2-ci maddəsi ilə inzibati qərar qəbul edilməli olan halda səhvən “Mercedes BENZ C200 Minik markalı **-CK-*** dövlət qeydiyyat nişanlı avtomobili idarə edən Şəxs barəsində qərar qəbul edilmişdir.İnzibati xəta haqqında protokolu tərtib etmiş səlahiyyətli orqanın nümayəndəsi xx.xx.2024-cü il tarixdə, 21:01:04-də “Mercedes BENZ C200 Minik markalı **-CK-*** dövlət qeydiyyat nişanlı avtomobilin olması ilə bağlı məhkəməyə hər hansı video və ya foto görüntü, eləcədə başqa sübut göndərilməmişdir. Beləliklə məhkəmə hesab edir ki, barəsində inzibati xəta haqqında icraat aparılan şəxs Şəxs öz təqsirsizliyini sübut etməyə borclu deyildir. Məhkəmə verilmiş inzibati xəta haqqında işi tam, obyektiv, hərtərəfli araşdıraraq, inzibati protokolun və qərarın qanuniliyini yoxlayaraq, belə hüquqi nəticəyə gəlir ki, Şəxs barədə gəlinmiş nəticələr hazırkı işin faktiki hallarına uyğun deyil, səlahiyyətli orqan (vəzifəli şəxs) tərəfindən müəyyən edilmiş iş üçün əhəmiyyətli olan hallar sübuta yetirilmir. Azərbaycan Respublikası İXM-in 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq, əldə edilmiş sübutlardan istifadə edildikdə xitam verilir. Beləliklə, məhkəmə hesab edir ki, vəzifəli şəxs Şəxs barəsində başlanılmış Azərbaycan Respublikası İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xəta sübuta yetmədiyinə görə iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 43, 53.2, 114,115 və 130-cu maddələrini rəhbər tutaraq, məhkəmə qərara aldı: Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə başlanmış inzibati iş üzrə icraata Azərbaycan Respublikası İXM-in 53.2-ci maddəsinə əsasən xitam verilsin. Qərarın surəti rəsmi qaydada verildiyi gündən 10 (on) gün müddətinə Şirvan Apellyasiya Məhkəməsinə hazırkı qərarı qəbul etmiş məhkəmə vasitəsi ilə şikayət və ya protest verilə bilər. Sədrlik edən: Ellara Abbasova.