Masallı Rayon Məhkəməsi Qərar — İş №3(050)-966/2024

Azərbaycan Respublikası adından QƏRAR Masallı rayonu İş № 3(050)-966/2024 22.05.2024 MASALLI RAYON MƏHKƏMƏSİ Masallı Rayon Məhkəməsinin hakimi Zeynalov Zeynal Ağabala oğlunun sədrliyi, məhkəmə iclas katibi X1 iştirakı ilə. xx xxxx 1994-cü ildə Masallı rayonu, Çaxırlı kəndində doğulmuş, Masallı rayonu Çaxırlı kəndində qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 232-1-ci maddəsi ilə inzibati xəta törətməsinə dair Masallı Rayon Polis şöbəsindən daxil olmuş inzibati xəta haqqında işə açıq məhkəmə iclasında baxaraq, müəyyən etdim: Şəxs Bakı-Ələt-Astara magistral yolun Masallı rayonu Öncəqala və Səmidxan ərazisindən keçən hissəsində dəmir metalları kəsərək öz mal-qarasını keçilrmiş və bununla 40 manat məbləğində maddi ziyan vurmuşdur. Şəxs bu hərəkəti ilə Azərbaycan Respublikası İnzibati Xətalar Məcəlləsinin 232-1-ci maddəsinin tələblərini pozmuşdur. Barəsində inzibati xəta haqqında iş üzrə icraat aparılan şəxs Şəxs məhkəmə iclasının vaxtı və yeri barədə məlumat verilməsinə baxmayaraq, o, məhkəmə iclasına gəlməmiş və gəlməməsinin səbəbi barədə məlumat verməmişdir. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsaslanaraq inzibati xəta haqqında işə Şəxs iştirakı olmadan baxılmasını mümkün hesab etmişdir. İşə əlavə olunmuş Masallı RPŞ-in İTB-in polis kapitanı Ramil Zeynalov tərəfindən tərtib olunmuş 26 aprel 2024-cü il tarixli, MN ******* nömrəli protokoldan görünür ki, Bakı- Ələt-Astara magistral yolun Masallı rayonu Öncəqala və Səmidxan ərazisindən keçən hissəsində dəmir metalları kəsərək öz mal-qarasını keçilrmiş və bununla 40 manat məbləğində maddi ziyan vurmuşdur. İşə əlavə olunmuş DİN-nin Masallı RPŞ-in TB-nin təhqiqatçısı, polis baş leytenantı Elşad Məmmədov tərəfindən tərtib edilmiş xx.xx.2024-cü il tarixli cinayət işinin başlanılmasının rədd edilməsi haqqında qərarından görünür ki, Masallı RPŞ-nin İTB-nin sahə rəisi polis kapitanı Ramin Zeynalovun raportu əsasında Masallı RPŞ-də toplanmış xx.xx.2024-cü il tarixli HK-1/980 nömrəli material üzrə cinayət işi başlanması rədd edilməsi, Bakı-Ələt-Astara magistral yolunun Masallı rayonu Öncəqala kəndi ərazisindən keçən hissəsində yolun kənarında yerləşən dəmir məftillər ilə çəkilmiş 2 çəpəri və Bakı- Ələt-Astara magistral yolunun Masallı rayonu Səmidxan kəndi ərazisindən keçən hissəsində yolun kənarında yerləşən dəmir məftillər ilə çəkilmiş 1 çəpəri kəsərək yarasız vəziyətə salnaraq əmlaka vurulmuş ziyanla bağlı Şəxs əməlində Azərbaycan Respublikası İXM-nin 232-1-ci maddəsinə əsasən inzibati məsuliyyet cəlb edilməsi üçün qəbul edilmiş qərarın surəti Masallı RPŞ-nin İTB-nə verilməsi, Qəbul edilmiş qərarın surəti ibtidai araşdırmaya prosessual nəzarəti həyata keçirən Masallı rayon Prokuroruna göndərilməsi, Material saxlanılması üçün Masallı RPŞ-nin arxivinə verilməsi qərara alınmışdır. Həmçinin, Masallı rayonu Çaxırlı kəndində qeydiyyatda olan və yaşayan Şəxs 2024-cü il tarixdə müxtəlif vaxtlarda Bakı-Ələt-Astara magistral yolunun Masallı rayonu Öncəqala kəndi ərazisindən keçən hissəsində yolun kənarında yerləşən dəmir məftillər ilə çəkilmiş 2 çəpəri və Bakı- Ələt-Astara magistral yolunun Masallı rayonu Səmidxan kəndi ərazisindən keçən hissəsində yolun kənarında yerləşən dəmir məftillər ilə çəkilmiş 1 çəpəri kəsərək yarasız vəziyətə salaraq əmlaka ziyan vurması faktı öz təstiqini tapmışdır. Baş vermiş hadisə nəticəsində Bakı-Ələt-Astara magistral yolunun Masallı rayonu Öncəqala kəndi ərazisindən keçən hissəsində yolun kənarında yerləşən dəmir məftillər ilə çəkilmiş 2 çəpəri və Bakı-Ələt-Astara magistral yolunun Masallı rayonu Səmidxan kəndi ərazisindən keçən hissəsində yolun kənarında yerləşən dəmir məftillər ilə çəkilmiş 1 çəpəri kəsərək yarasız vəziyətə salnaraq əmlaka 40 (qırx) manat maddi ziyan vurmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs təqsiri 26 aprel 2024-cü il tarixli, MN ******* nömrəli inzibati xəta haqqında protokol, xx.xx.2024-cü il tarixli cinayət işinin başlanılmasının rədd edilməsi haqqında qərar, habelə işə əlavə edilmiş digər sənədlərlə tam sübuta yetirilmişdir. Azərbaycan Respublikasının İnzibati Xətalar Məcəlləsinin 232-1-ci maddəsinə əsasən özgənin əmlakını qəsdən məhv etməyə və ya zədələməyə görə, bu az miqdarda ziyan vurduqda - inzibati xəta nəticəsində vurulmuş ziyanın bir mislindən iki mislinədək məbləğdə cərimə edilir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 31.2-ci maddəsində göstərilir ki, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs inzibati tənbehini yüngülləşdirən və ağırlaşdıran hallar yoxdur. Məhkəmə Şəxs barəsində inzibati tənbeh tətbiq edərkən Azərbaycan Respublikası İnzibati Xətalar Məcəlləsinin 232-1-ci maddəsinin sanksiyası həddində, yəni inzibati xəta nəticəsində vurulmuş ziyanın bir misli həcmində cərimə tətbiq edilməsini məqsədəuyğun hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-115, 117, 128-130 və 156-cı maddələrini rəhbər tutaraq, qərar verdim: Şəxs Azərbaycan Respublikası İnzibati Xətalar Məcəlləsinin 232-1-ci maddəsi ilə təqsirli bilinərək vurmuş olduğu ziyanın bir misli həcmində, yəni 40 (qırx) manat məbləğində inzibati qaydada cərimə edilsin. Qərarın icrası Masallı rayon İcra və Probasiya Şöbəsinə tapşırılsın. Qərardan surəti təqdim edildiyi gündən 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsi ilə) Masallı Rayon Məhkəməsi vasitəsi ilə Şirvan Apellyasiya Məhkəməsinə şikayət verilə bilər. Sədrlik edən: Zeynal Zeynalov