Masallı Rayon Məhkəməsi Qərar — İş №3(050)-982/2024

Azərbaycan Respublikası adından QƏRAR Masallı rayonu İş № 3(050)-982/2024 31.05.2024 MASALLI RAYON MƏHKƏMƏSİ Hakim Abbasova Ellara Həsən qızının sədrliyi, Hakim köməkçisi Ağayev Nurəddin Cəlil oğlunun katibliyi ilə, Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlunun iştirakı ilə. Eynullayev İsmayıl Fizuli oğlu barəsində Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xəta haqqında materiala məhkəmənin binasında, açıq məhkəmə iclasında baxaraq, müəyyən etdi: Azərbaycan Respublikası Dövlət Reklam Agentliyinin Lənkəran Regional Reklam İdarəsi tərəfindən Eynullayev İsmayıl Fizuli oğlu barəsində Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xəta haqqında 10 may 2024-cü il tarixli, MN 1255718 nömrəli protokol tərtib edilmiş və baxılması üçün aidiyyəti üzrə Masallı Rayon Məhkəməsinə göndərilmişdir. İnzibati xəta haqqında protokolun tərtib olunmasına səbəb kimi “Komfort Təkər” adlı obyektin sahibi Eynullayev İsmayıl Fizuli oğlu tərəfindən müvafiq icazə olmadan açıq məkanda qanunsuz reklamın yerləşdirilməsi göstərilmişdir. Məhkəmə iclasında protokolu tərtib etmiş orqanın nümayəndəsi Əlizadə Şahverən Sabir oğlu izahatında göstərdi ki, 10 may 2024-cü il tarixdə saat 12:11 radələrində Masallı rayonu, Digah kəndi ərazisində fəaliyyət göstərən “Komfort Təkər” adlı obyektin sahibi Eynullayev İsmayıl Fizuli oğlu tərəfindən açıq məkanda reklam sahəsində həyata keçirilməsi çərçivəsində verilən yazılı göstəriş tam və vaxtında yerinə yetirilmədiyinə görə barəsində inzibati xəta haqqında protokol tərtib edilərək məhkəməyə verilmişdir. Eynullayev İsmayıl Fizuli oğlu vəzifəli şəxsdir. Ona görə də onun inzibati məsuliyyətə cəlb edilməsini xahiş etdi. Barəsində inzibati xəta haqqında iş üzrə icraat aparılan şəxs Eynullayev İsmayıl Fizuli oğlu məhkəmə iclasının vaxtı və yeri barədə rəsmi məlumat verilməsinə baxmayaraq nümayəndəsi məhkəmə iclasında işitirak etməmişdir. Azərbaycan Respublikası İnzibati Xətalar Məcəlləsinin 61.3-cü maddəsinə əsasən inzibati xətalar haqqında işlərə inzibati xəta törədən şəxsin iştirakı ilə baxılır. Həmin şəxsin iştirakı olmadan işə yalnız o, hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; İnzibati Xətalar Məcəlləsinin 8-ci maddəsində təqsirsizlik prezumpsiyası prinsipi öz əksini tapmışdır. Belə ki, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati Xətalar Məcəlləsinin 76.1-ci maddəsinə görə, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Göründüyü kimi, İnzibati Xətalar Məcəlləsi yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini ehtiva edən əməli (hərəkət və ya hərəkətsizliyi) törətmiş şəxsin inzibati məsuliyyətə cəlb olunmasını müəyyən etmişdir. Elektron sistemdən çıxarışdan görünür ki, Eynullayev İsmayıl Fizuli oğlu 6402008312 VÖEN-i ilə vergi ödəyicisi kimi dövlət qeydiyyatına alınmışdır. 17.04.2024-cü il tarixli, 000151 nömrəli aktdan görünür ki, Eynullayev İsmayıl Fizuli oğlu açıq havada müvafiq icazə almadan reklam quraşdırmışdır. 000151 nömrəli “Açıq məkanda reklam yayımının həyata keçirilməsi ilə bağlı qanunvericiliyin tələblərinin pozulması hallarının aradan qaldırılması barədə” yazılı göstərişdən və teleqramanın surətindən görünür ki, Eynullayev İsmayıl Fizuli oğluna “Reklam haqqında” AR Qanunun 26.2.-ci maddəsinə əsasən 5 gün müddətində müvaviq icazənin alınması, əks halda qanunsuz reklamın dayandarılmasının tələb olunması barədə rəsmi məlumat verilmiş, Eynullayev İsmayıl Fizuli oğlu 25.04.2024-cü ildə yazılı göstərişi almışdır. 10.05.2024-cü il tarixli, 01 saylı baxış aktından görünür ki, Eynullayev İsmayıl Fizuli oğlu 17.04.2024-cü il tarixli, 000151 nömrəli “Açıq məkanda reklam yayımının həyata keçirilməsi ilə bağlı qanunvericiliyin tələblərinin pozulması hallarının aradan qaldırılması barədə” yazılı göstərişi almasına baxmayaraq, 5 gün müddətində müvafiq müqavilə bağlamamış və qanunsuz reklamı sökməmişdir. İnzibati xəta haqqında işə əlavə edilmiş fotoşəkildən görünür ki, açıq məkanda “Komfort Təkər” sözləri yazılmış reklam yerləşdirilmişdir. 10 may 2024-cü il tarixli imtina aktından görünür ki, “Komfort Təkər” obyektində açıq məkanda qanunsuz reklam yayımının aşkar edilməsi haqında tərtib edilmiş baxış aktını, inzibati xəta törədən şəxs kimi hüquq və vəzifələri barədə olan bildirişi, o cümlədən inzibati xəta haqqında protokolu sahibkar Eynullayev İsmayıl Fizuli oğlu imza etməkdən və bir nüsxəsini qəbul etməkdən imtina etmişdir. İXM-nin 17-ci maddəsinin Qeyd hissəsinə əsasən hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Azərbaycan Respublikası İXM-nin 8.2.-ci maddəsinə əsasən inziati məsuliyyətə cəlb olunmuş şəxs öz təqsirsizliyini sübut etməyə borclu deyildir. Azərbaycan Respublikası İXM-in 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızılıq üzündən) və inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İXM-in 75.0.6-cı maddəsində göstərilir ki, inzibati xətalar haqqında işlər üzrə icraatı rədd edən hallar inzibti xəta haqqında iş üzrə sübut etməli olan haldır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törətdən şəxsin təqsirini və işin düzgün həlli üçün əhəmiyyətli oaln digər halları müyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır.Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqında protokolla, Bu Məcəllə ilə müəyyən edilmiş digər protokollarla müəyyən edilir. Azərbaycan Respublikası İnzibati Xətalar Məcəlləsinin 80.1.-ci maddəsinə əsasən sənədlərdə müəssisələrin, idarələrin, təşkilatların, vəzifəli şəxslərin və fiziki şəxslərin təsdiq etdikləri və ya şərh etdikləri məlumatların inzibati xəta haqqında iş üzrə icraat üçün əhəmiyyəti vardırsa, bu sənədlər iş üzrə sübutlar hesab edilir. Həmin Məcəllənin 80.2.-ci maddəsinə əsasən sənədlər yazılı və ya digər formada müəyyən edilmiş məlumatları özündə əks etdirə bilər. Fotoşəkillər, səsyazma və ya videoyazı materialları, məlumat bazası və məlumat bankı və digər məlumatları olan müvafiq daşıyıcılar sənədlər hesab olunur. Azərbaycan Respublikası İnzibati Xətalar Məcəlləsinin 84.1.-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2.-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Azərbaycan Respublikası İXM-in 115.1. və 115.1.4.-cü maddələrinə əsasən inzibati xəta haqqında iş üzrə qərarda göstərilməli olan hallardan biri də işə baxılarkən müəyyən edilən hallardır. “Reklam haqqında” Azərbaycan Respublikasının Qanununun 26.1-ci maddəsinə əsasən reklam birbaşa və ya reklam daşıyıcısı vasitəsilə torpaq sahələrində, bina, qurğu və digər tikililərin fasadlarında (divarlarında, hasarlarında), dam örtüklərində, bayıra ünvanlanmaqla qapıların, pəncərələrin (pəncərə altlıqlarının), vitrinlərin çöl və iç tərəflərində, habelə açıq məkanda olan avadanlıqlarda, avtomobil yollarının dayanacaqlarında və yeraltı keçidlərində, hava şarlarının, aerostat və dirijablların üzərində yerləşdirildiyi halda açıq məkanda reklam hesab olunur. Həmin qanunun 26.1-1-ci maddəsinə əsasən Azərbaycan Respublikasının Şəhərsalma və Tikinti Məcəlləsində nəzərdə tutulmuş müvafiq reklam qurğularının tikintisinə və istismarına icazə tələb olunur. Azərbaycan Respublikasının Şəhərsalma və Tikinti Məcəlləsində tikintisinə icazə tələb olunmayan reklam qurğularının quraşdırılması və sökülməsi qaydası müvafiq icra hakimiyyəti orqanı tərəfindən müəyyən edilir. Eyni zamanda qeyd edilən qanunun 26.2-ci maddəsində göstərilmişdir ki, açıq məkanda reklam yerləşdirmək üçün reklam yayıcısı müvafiq icra hakimiyyəti orqanının yaratdığı qurumdan icazə almalıdır. İcazə reklam yayıcısının tələbatına uyğun, lakin üç ildən artıq olmayan müddətə verilir. İcazənin verilməsinə görə “Dövlət rüsumu haqqında” Azərbaycan Respublikasının Qanunu ilə müəyyən edilmiş məbləğdə və qaydada dövlət rüsumu tutulur. İcazə özündə, həmçinin reklama dair texniki şərtləri, açıq məkanda reklam yayımına görə haqqın və bu Qanunun 26.2-2.2-ci maddəsində nəzərdə tutulmuş məbləğin ödənilməsi ilə bağlı məsələləri əks etdirir. Məhkəmə verilmiş inzibati xəta haqqında işi tam, obyektiv, hərtərəfli araşdıraraq, inzibati protokolun və qərarın qanuniliyini yoxlayaraq, belə hüquqi nəticəyə gəlir ki, Azərbaycan Respublikasının Dövlət Reklam Agentliyi Lənkəran Regional Reklam İdarəsinin səlahiyyətli şəxslərinin gədiyi nəticələr hazırkı işin faktiki hallarına uyğundur, səlahiyyətli orqan (vəzifəli şəxs) tərəfindən müəyyən edilmiş iş üçün əhəmiyyətli olan hallar sübuta yetir. Göründüyü kimi, məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir ki, Masallı rayonu, Digah kəndində açıq məkanda qanunsuz olaraq “Komfort Təkər” adlı obyektin sahibi Eynullayev İsmayıl Fizuli oğlu tərəfindən açıq məkanda reklam yerləşdirməklə bağlı qeyd edilən normaların tələbləri pozulmuş, icazəsiz quraşdırdığı reklam örtüklərini aradan qaldırması üçün Reklam İdarəsi tərəfindən yazılı göstəriş verilsə də, yazılı göstərişin tələblərinə riayət etməyərək özünə məxsus obyektin qapı və pəncərəsinə yerləşdirdiyi reklam örtüklərini saxlamaqda davam etmişdir. Azərbaycan Respublikası İXM-nin 428.7.3-cü maddəsinə əsasən, müvafiq icra hakimiyyəti orqanının yaratdığı qurumun açıq məkanda reklam sahəsində (o cümlədən tikintisinə icazə tələb olunmayan açıq məkanda reklam qurğularının quraşdırılması və sökülməsi sahəsində) nəzarətin həyata keçirilməsi çərçivəsində verdiyi yazılı göstərişlərin və qərarların (bu Məcəllənin 394.0.7-ci maddəsində nəzərdə tutulmuş hallar istisna olmaqla) vaxtında və tam yerinə yetirilməməsinə görə fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğdə cərimə edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Eynullayev İsmayıl Fizuli oğlunun məsuliyyətini yüngülləşdirən və ya ağırlaşdıran hal müəyyən edilməmişdir. Beləliklə, məhkəmə hesab edir ki, Eynullayev İsmayıl Fizuli oğluna qanunlara əməl edilməsi ruhunda tərbiyələndirmək, yeni inzibati xətanın törədilməsinin qarşısının alınması məqsədi ilə, habelə törədilmiş inzibati xətanın xarakterini, törədilmə hallarını və onun şəxsiyyətini nəzərə alaraq hesab edir ki, ona inzibati Xətalar Məcəlləsinin 428.7.3-cü maddəsi ilə inzibati cərimə tənbeh tədbirinin tətbiq olunması qanuni və ədalətlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 114, 115 və 130-cı maddələrini rəhbər tutaraq, məhkəmə qərara aldı: Eynullayev İsmayıl Fizuli oğlu Azərbaycan Respublikası İnzibati Xətalar Məcəlləsinin 428.7.3-cü maddəsində nəzərdə tutulmuş inzibati xətanı törətməkdə təqsirli bilinsin və vəzifəli şəxs kimi barəsində 1500 (bir min beş yüz) manat cərimə inzibati tənbeh tədbiri tətbiq edilsin. Qərar rəsmi qaydada verildiyi vaxtdan 10 (on) gün müddətində qərardan Masallı Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə şikayət verilə bilər. Sədrlik edən: Ellara Abbasova MASALLI RAYON MƏHKƏMƏSİNİN MƏHKƏMƏ İCLASININ PROTOKOLU İş №3(050)-982/2024 27 sentyabr 2023-cü il Masallı şəhəri Hakim Bəhmənov Habil Xanoğlan oğlunun sədrliyi, Hakim köməkçisi Ağayev Nurəddin Cəlil oğlunun katibliyi ilə, Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlunun, İclas saat 16:00-da başlandı. Sədirlik edən 27 sentyabr 2023-cü il tarixdə, saat 16:00-da məhkəmə icladsını açıq elan edib, barəsində inzibati xəta haqqında iş üzrə icraat aparılan şəxs Eynullayev İsmayıl Fizuli oğlunun barəsində Azərbaycan Respublikası İnzibati Xətalar Məcəlləsinin 428.7.3cü maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxıldığını elan edir. Hakim məhkəmə iclasına iştirakçıların gəlib-gəlməməsi barədə məruzə etmək üçün sözü məhkəmə iclas katibinə verir. Məhkəmə iclas katibi məruzə edərək bildirir ki, Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlu məhkəmə iclasına gəlmişdir. Barəsində inzibati xəta haqqında iş üzrə icraat aparılan şəxs Eynullayev İsmayıl Fizuli oğluməhkəmə iclasının vaxtı və yeri barədə məlumat verilməsinə baxmayaraq, üzrlü səbəb olmadan nümayəndələrini məhkəmə iclasına göndərməmiş və göndərməməsinin səbəbi barədə məlumat verməmişlər. Məhkəmə iş materiallarını nəzərdən keçirərək hesab edir ki, sübutların araşdırılması ilə bağlı və və barəsində inzibati xəta haqqında iş üzrə icraat aparılan şəxs Eynullayev İsmayıl Fizuli oğlu məhkəmə iclasında iştirakının təmin edilməsi ilə bağlı işə baxılması müddəti uzaldılmalıdır. Daha sonra sədrlik edən qeyd edilən məsələlər ilə bağlı Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlunun fikirini soruşur. Etiraz olmadı. Sədrlik edən müşavirə otağına gedərək qaydıb qayıdıb qərardadı elan edir və məhkəmə iclasının təxirə salınaraq 31 may 2024-cü il tarixə saat 14:45-ə təyin edildiyini bildirir. Sədrlik edən məhkəmə iclasını 27 sentyabr 2023-cü il tarixdə saat 16:10 dəqiqədə bağlı elan edir. Məhkəmə iclas protokolu 27 sentyabr 2023-cü il tarixdə tərtib olundu. Sədrlik edən: Habil Bəhmənov Katib: Nurəddin Ağayev MƏHKƏMƏ İCLASININ PROTOKOLU Masallı Rayon Məhkəməsi İş № 3(050)-982/2024 31 may 2024-cü il Masallı şəhəri Hakim Bəhmənov Habil Xanoğlan oğlunun sədrliyi, Hakim köməkçisi Ağayev Nurəddin Cəlil oğlunun katibliyi ilə, Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlunun, Hakim məhkəmə iclasını 31 may 2024-cü il tarixdə saat 16:00 dəqiqədə açır və barəsində inzibati xəta haqqında iş üzrə icraat aparılan şəxs fiziki şəxs Eynullayev İsmayıl Fizuli oğlunun barəsində Azərbaycan Respublikası İnzibati Xətalar Məcəlləsinin 428.7.3cü maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxıldığını elan edir. Hakim məhkəmə iclasına iştirakçıların gəlib-gəlməməsi barədə məruzə etmək üçün sözü məhkəmə iclas katibinə verir. Məhkəmə iclas katibi məruzə edərək bildirir ki, Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlu məhkəmə iclasına gəlmişdir. Barəsində inzibati xəta haqqında iş üzrə icraat aparılan şəxs Eynullayev İsmayıl Fizuli oğlu məhkəmə iclasının vaxtı və yeri barədə məlumat verilməsinə baxmayaraq, üzrlü səbəb olmadan məhkəmə iclasına gəlməmiş və gəlməməsinin səbəbi barəd məlumat verməmişlər. Sədrlik edən Azərbaycan Respublikası Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlundan məhkəmə iclasının barəsində inzibati xəta haqqında iş üzrə icraat aparılan şəxs fiziki şəxs Eynullayev İsmayıl Fizuli oğlu iştirakı olmadan keçirilməsi barədə fikirini soruşur. Etiraz olmadı. Sədrlik edən yerində müşavirə edərək qərara alır: Məhkəmə iclası barəsində inzibati xəta haqqında iş üzrə icraat aparılan şəxs fiziki şəxs Eynullayev İsmayıl Fizuli oğlunun iştirakı olmadan keçirilsin. Hakim Azərbaycan Respublikasının Dövlət Reklam Agentliyi Lənkəran Regional Reklam İdarəsinin nümayəndəsinin şəxsiyyətini müəyyən edir. Əlizadə Şahverən Sabir oğlu 01.01.1998-ci ildə Lənkəran rayonu Şağlaküçə kəndində anadan olmuş, Azərbaycan Respublikasının vətəndaşı, subay, ali təhsilli, Azərbaycan Respublikası Dövlət Reklam Agentliyi Lənkəran Regional Reklam İdarəsinin Rəhbərlik yanında aparatın hüquq və kadr işləri üzrə mütəxəssisi vəzifəsində işləyən, Lənkəran rayonu Şağlaküçə kəndində qeydiyyatda olmaqla həmin ünvanda yaşayan. Hakim nümayəndə şəxsə hüquq və vəzifələrini izah edir. Hakimin s/c: Hüquq və vəzifələrim mənə aydındır. Sədrlik edən məhkəmə icraatının Azərbaycan dilində aparıldığını bildirir və barəsində inzibati xəta haqqında iş üzrə icraat aparılan şəxsdən Azərbaycan dilində başa düşmələrini və danışa bilməsini soruşur. Barəsində inzibati xəta haqqında iş üzrə icraat aparılan şəxs Azərbaycan dilində başa düşdüyünü və sərbəst danışa bildiyini bildirir. Sədrlik edən məhkəmə tərkibini elan edərək işə hakim Bəhmənov Habil Xanoğlan oğlunun sədrliyi və Ağayev Nurəddin Cəlil oğlunun katibliyi ilə baxıldığını bildirir, hakimə və məhkəmə iclas katibinə etirazın olub-olmamasını soruşur. Etiraz daxil olmadı. Sədrlik edən işə baxılması ilə əlaqədar vəsatətlərin olub-olmamasını soruşur. Vəsatət daxil olmadı. Sədrlik edən daxil olmuş protokolu və işin digər materiallarını elan edir. İşin baxılmasında iştirak edən şəxslərin izahatı dinlənilir. Hakim nümayəndə Əlizadə Şahverən Sabir oğluna izahat üçün söz verir. Azərbaycan Respublikasının Dövlət Reklam Agentliyi Lənkəran Regional Reklam İdarəsinin nümayəndəsi Əlizadə Şahverən Sabir oğlunun izahatı: Möhtərəm hakim, 10 may 2024-cü il tarixdə saat 12:11 radələrində Masallı rayonu ərazisində Ələt Astara şossesi ünvanında fəaliyyət göstərən “Komfort Təkər” adlı obyektin sahibi Eynullayev İsmayıl Fizuli oğlu tərəfindən açıq məkanda reklam sahəsində həyata keçirilməsi çərçivəsində verilən yazılı göstəriş tam və vaxtında yerinə yetirilmədiyinə görə barəsində inzibati xəta haqqında protokol tərtib edilərək məhkəməyə verilmişdir. Eynullayev İsmayıl Fizuli oğlu vəzifəli şəxsdir. Ona görə də onun inzibati məsuliyyətə cəlb edilməsini xahiş edirəm. Sədrlik edənin s/c: 04.07.2023-cu il tarixli MN 1255718 saylı protokol tərtib olunmuşdur. Hakim məhkəmə araşdırmasının tamamlanması üçün hansı sübutların baxılması və həmin sübutları işin məhz hansı hallarının müəyyən edilməsi üçün zəruriliyi barədə vəsatətlərinin olub-olmamasını aydınlaşdırır. Vəsatət daxil olmadı. Hakim məhkəmə araşdırmasının qurtardığını elan edir. Hakim qərar qəbul etmək üçün müşavirə otağına gedir və qayıtdıqdan sonra qərarı elan edir. Qərardan apellyasiya şikayəti verilməsi qaydası və müddəti izah olunur. Sədrlik edən məhkəmə iclasını 31 may 2024-cü il tarixdə saat 16:10 dəqiqədə bağlı elan edir. Məhkəmə iclas protokolu 31 may 2024-cü il tarixdə tərtib olundu. Sədrlik edən: Habil Bəhmənov Katib: Nurəddin Ağayev