Mingəçevir Şəhər Məhkəməsi Qərar — İş №3(051)-106/2021

Azərbaycan Respublikası adından QƏRAR Mingəçevir şəhəri İş № 3(051)-106/2021 11.01.2021 MİNGƏÇEVİR ŞƏHƏR MƏHKƏMƏSİ Mən, Mingəçevir şəhər məhkəməsinin hakimi Hüseynov Ələkbər Məmmədtağı oğlu, Ağakişiyeva Aləmzar Həmid qızının katibliyi, Şəxs və zərərçəkmiş Zərərçəkmiş şəxs Ələsgər qızının iştirakı ilə, xx xxxxxx 1979-cu ildə Ağdam rayonu, Şahbulaq kəndində doğulmuş, evli, Ağdam rayonu, Şahbulaq kəndində qeydiyyatda olan, ünvan 1 mənzil 23 ünvanında yaşayan Şəxs Barəsində Azərbaycan Respublikası İXM-nin 157-ci maddəsi ilə olan inzibati xəta haqqında işə açıq məhkəmə iclasında baxaraq müəyyən etdim: Şəxs xx.xx.2020-ci il tarixdə saat 20 radələrində həyat yoldaşı X3 mübahisə zamanı yaşadığı ünvanda döymüşdür. Məhkəmə iclasında Şəxs ona istinad edilən inzibati xətanı törətməkdə özünü təqsirli bilərək verdiyi izahatında göstərmişdir xx.xx.2020-ci il tarixdə saat 20 radələrində həyat yoldaşı X4 ilə mübahisə edərək, ona xəsarət yetirmişdir. X2 ilə barışmışdır. Bu səbəbdən barəsində olan inzibati xəta haqqında iş üzrə icraata xitam verilməsini məhkəmədən xahiş edir. X1 da məhkəmə iclasında verdiyi izahatında göstərmişdir ki, xx.xx.2020-ci il tarixdə saat 20 radələrində həyat yoldaşı Şəxs onunla mübahisə edərək, xəsarət yetirmişdir. Hazırda Şəxs ilə barışmışdır, ona qarşı heç bir şikayəti və tələbi yoxdur. Şəxs barəsində olan inzibati xəta haqqında iş üzrə icraata xitam verilməsini məhkəmədən xahi şetdi. İş materiallarında məhkəmə-tibbi ekspertizasının xx xxxxxx 2020-ci il tarixli, 824 saylı ekspert rəyindən görünür ki, Şəxs xx.xx.2020-ci il tarixdə X4 ilə mübahisə etmiş, mübahisə zamanı D.Əsədovanın bədənində aşkar olunan xəsarətlər – sol gözünün alt və üst qapaqlarında, hər iki əllərinin arxa səthlərində və qarın nahiyyəsində qançırlar, ənsə nahiyyəsində hematoma küt əşyanın təsirindən əmələ gəlmişdir. Yetirimə müddətləri qərarda göstərilən xx.xx.2020-ci il tarixə uyğundurlar, sağlamlığa zərər vurmadıqları üçün dərəcələri təyin olunmur. Azərbaycan Respublikası İXM-nin 157-ci maddəsində döymə və ya sair zorakı hərəkətlərlə qəsdən fiziki ağrı yetirmə inzibati xəta kimi nəzərdə tutulmuşdur. Şəxs əməlində Azərbaycan Respublikası İXM-nin 157-ci maddəsində nəzərdə tutulmuş inzibati xətanın tərkibi vardır. Lakin aşağıdakılara əsasən hesab edirəm ki, Şəxs barəsində olan inzibati xəta haqqında işin icraatına xitam verilməlidir. Belə ki, Azərbaycan Respublikası İXM-nin 31.1-ci maddəsinin tələbinə görə inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 39-cu maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanılır, zərərçəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Şəxs əməlindən peşman olması, zərər çəkmiş şəxslə barışması məsuliyyətini yüngülləşdirən haldır. Məhkəmədə onun məsuliyyətini ağırlaşdıran hal müəyyən olunmamışdır. Həmin Məcəllənin 53.0.9-cu maddəsində göstərilmişdir ki, bu Məcəllənin 157-ci maddəsində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xətalar haqqında işlər üzrə icraata başlanıla bilməz, başlanmış icraata isə xitam verilir. Həmin Məcəllənin 114.1.4-cü maddəsinə görə inzibati xətalar haqqında işlərə baxılarkən inzibati xəta haqqında iş üzrə icraata xitam verilməsi haqqında qərar çıxarıla bilər. Yuxarıda şərh olunanlara əsasən və Azərbaycan Respublikasının İXM-nin 40, 43, 48-51, 53, 114, 128-130-cu maddələrini rəhbər tutaraq qərara aldım : Şəxs barəsində Azərbaycan Respublikası İXM-nin 157-ci maddəsi ilə olan inzibati xəta haqqında iş üzrə icraata zərərçəkmiş şəxslə barışdığına görə xitam verilsin. Qərarın surəti təqdim edildiyi və ya alındığı vaxtdan 10 (on) gün müddətində Mingəçevir şəhər məhkəməsi vasitəsilə Şəki Apellyasiya Məhkəməsin əşikayət bilər. Məhkəmənin hakimi: Ələkbər Hüseynov