Mingəçevir Şəhər Məhkəməsi Qərar — İş №3(051)-128/2022

Azərbaycan Respublikası adından QƏRAR Mingəçevir şəhəri İş № 3(051)-128/2022 15.03.2022 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızı, Məhkəmə iclas katibi X2, İcra və probasiya şöbəsinin icra məmuru X1, barəsində inzibati xəta haqqında iş üzrə icraat aparılan Şəxs iştiraki ilə, xx.xx.1988-ci ildə Mingəçevir şəhərində anadan olmuş, Azərbaycan Respublikasının vətəndaşı, evli, orta təhsilli, işsiz, ünvan 1 ünvanında yaşayan Şəxs barəsində Mingəçevir şəhər İcra və Probasiya şöbəsi tərəfindən Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inzibati xəta haqqında materiala baxaraq M ü ə y y ə n e t d i m: Mingəçevir şəhər məhkəməsinin 2(051)-105/2020 №li 08.01.2020-ci il tarixli icra sənədi üzrə yaranmış 3830.40 manat borcunu ödəmədiyinə görə Şəxs barəsində Mingəçevir şəhər icra və probasiya şöbəsi tərəfindən Azərbaycan Respublikasının İXM-nin 528.1-ci maddəsi ilə inzibati xəta haqqında protokol tərtib edilərək baxılması üçün məhkəməyə göndərilmişdir. Barəsində inzibati xəta haqqında iş üzrə icraat aparılan Şəxs məhkəmə iclasında verdiyi izahatında bildirdi ki, Mingəçevir şəhər məhkəməsinin 2(051)-105/2020 №li 08.01.2020-ci il tarixli icra sənədinə əsasən ondan 5000 manat alınıb tələbkar "xxxx" ASC verilməlidir. Maddi imkanı olmadığına görə borcunu tam ödəyə bilməmişdir. Daimi iş yeri yoxdur. Mülkiyyətində elə bir əmlak da yoxdur ki, satıb borcunu ödəsin. Olduğu halda, ayrıayrı adamların evində, bağında işləyir, qazandığı pulla həm icra sənədi üzrə borcundan ödəniş edir, həm də ailəsini saxlayır. İcra sənədi üzrə borcundan 1200 manat ödəmişdir, hazırda da 300 manat ödəyir. Qalan borcu da ödəyəcəkdir. O, icra sənədini icra etməkdən, icra məmurunun qanuni tələblərini yerinə yetirməkdən boyun qaçırmamışdır. Zərərçəkmiş şəxs "xxxx" ASC-nin nümayəndəsi Maarif Mirzəyev məhkəməyə ərizə göndərərək göstərmişdir ki, Mingəçevir şəhər məhkəməsinin 2(051)-105/2020 №li 08.01.2020-ci il tarixli icra sənədinə əsasən Şəxs 5000 manat alınıb "xxxx" ASC ödənilməldir. Həmin puldan 1206 manat ödənilmişdir. Qalan borcun da ödənilməsini tələb edir. Əks halda Şəxs məsuliyyətə cəlb olunmasını xahiş edir. Mingəçevir şəhər icra və probasiya şöbəsinin icra məmuru X1 məhkəmə iclasında bildirdi ki, Mingəçevir şəhər məhkəməsinin 2(051)-105/2020 №li 08.01.2020-ci il tarixli icra sənədinə əsasən Şəxs 5000 manat alınıb tələbkar "xxxx" ASC verilməlidir. Lakin Şəxs borcu tam ödəmədiyi üçün onun 3830.40 manat borcu yaranmışdır. Ona görə də barəsində inzibati protokol tərtib edilmişdir. Hazırda Şəxs həmin borcdan 300 manat ödəmişdir. Araşdırma zamanı Şəxs mülkiyyətində borcun yönəldilə biləcəyi hər hansı bir əmlakı olması müəyyən edilməmişdir. Azərbaycan Respublikasının İXM-nin 528.1-ci maddəsinin mənasına görə məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra sənədinin üzrsüz səbəbdən icra edilməməsinə görə inzibati məsuliyyət yaranır. Lakin məhkəmə iclasında Şəxs icra məmurunun qanuni tələblərini üzrsüz səbəbdən yerinə yetirməməsi müəyyən edilmədi. Müəyyən edildi ki, Şəxs icra sənədi üzrə borcdan 1500 manat ödəmişdir. Maddi imkanı olmadığına görə borcunu tam ödəyə billməmişdir. Azərbaycan Respublikasının İXM-nin 109.2-ci maddəsində göstərilir ki, bu Məcəllənin 53-cü maddəsində nəzərdə tutulmuş hallar olduqda inzibati xəta haqqında iş üzrə icraata xitam verilməsi barədə qərar qəbul edilir. İnzibati Xətalar Məcəlləsinin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanılmış icraata isə xitam verilir. İş üzrə toplanmış sübutlara qiymət verərək hesab edirəm ki, Şəxs əməlində 3830.40 manat borc ilə bağlı inzibati xətanın tərkibi olmadığına görə iş üzrə icraata xitam verilməlidir. Göstərilənlərə əsasən və Azərbaycan Respublikasının İXM-nin 40, 43, 48-51, 128- 130-ci maddələrini rəhbər tutaraq Qərara aldım: Şəxs 3830.40 manat borcu ilə bağlı inzibati xətanın tərkibi olmadığına görə barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xəta haqqında işin icraatına xitam verilsin. Qərarın sürəti rəsmi qaydada verdiyi gündən 10 (on) gün müddətində Mingəçevir şəhər məhkəməsi vasitəsilə və ya birbaşa Şəki Apelyasiya Məhkəməsinə şikayət verilə bilər. Məhkəmənin hakimi: Məhburə Kərimova