Mingəçevir Şəhər Məhkəməsi Qərar — İş №3(051)-214/2025

Azərbaycan Respublikası adından QƏRAR Mingəçevir şəhəri İş № 3(051)-214/2025 11.03.2025 MİNGƏÇEVİR ŞƏHƏR MƏHKƏMƏSİ Hakim Quliyeva Güləndam Gündüz qızının sədrliyi, Məhkəmə iclas katibi Ağakişiyeva Aləmzar Həmid qızının katibliyi, Mingəçevir Şəhər Polis Şöbəsinin polis leytenantı X2, barəsində inzibati xəta haqqında iş üzrə icraat aparılan Şəxs iştirakı ilə xx.xx.1989-cu il tarixdə Yevlax rayonu, Tanrıqulular kəndində doğulmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Yevlax rayonu, Tanrıqulular kəndində qeydiyyatda olan və ünvan 1 ünvanında yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə barəsində tərtib edilmiş inzibati xəta haqqında protokola əsasən inzibati xəta haqqında işə açıq məhkəmə iclasında baxaraq MÜƏYYƏN ETDİ: Mingəçevir Şəhər Polis Şöbəsi tərəfindən tərtib edilmiş xx.xx.2025-ci il tarixli, MN ******* saylı inzibati xəta haqqında protokola görə Şəxs xx.xx.2025-ci il tarixdə saat 22:00 radələrində Mingəçevir şəhəri, Gəncə şossesində **-CD-*** dövlət qeydiyyat nişanı “Kamaz” markalı yük avtomobilini idarə edən zaman asfalt örtüyünün çirklənməsinə səbəb olmuş, bununla bağlı aidiyyəti üzrə tədbir görmək istəyən Post Patrul Xidməti Bölüyünün əməkdaşlarının qanuni tələbinə qəsdən tabe olmamışdır. Bu hərəkətləri ilə Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətmişdir. Proses iştirakçılarının izahatları: Mingəçevir Şəhər Polis X1 Bölməsinin profilaktika üzrə baş inspektoru, polis leytenantı X4 məhkəmə iclası zamanı inzibati xəta haqqında protokolun dəlillərini müdafiə edərək göstərdi ki, Şəxs xx.xx.2025-ci il tarixdə saat 22:00 radələrində Mingəçevir şəhəri, Gəncə şossesində **-CD-*** dövlət qeydiyyat nişanı “Kamaz” markalı yük avtomobilini idarə edən zaman, daşıdığı peyin asfalt örtüyünün çirklənməsinə səbəb olmuş, bununla bağlı aidiyyatı üzrə tədbir görmək istəyən Post Patrul Xidməti Bölüyünün əməkdaşlarının qanuni tələbinə qəsdən tabe olmamışdır. Ona görə onun barəsində inzibati xəta haqqında protokol tərtib olunaraq baxılması üçün məhkəməyə göndərilmişdir. Barəsində inzibati xəta haqqında iş üzrə icraat aparılan Şəxs məhkəmə iclasında verdiyi izahatında bildirdi ki, istifadəsində olan **-CD-*** dövlət qeydiyyat nişanı “Kamaz” markalı yük avtomobilinin Mingəçevir şəhəri, Gəncə şossesində yerləşən çörək zavodunun yaxınlığında yük yerinə peyin yığmış, daha sonra sonra yük dağılmasın deyə təxminən 1 saata yaxın onu presləyərək səliqəyə salmışdır. İşi bitdikdən sonra şəhər istiqamətinə gedərkən Post Patrul Xidməti maşınının onun arxasınca gəldiyini görmüş, lakin saxla işarəsi verməyindən xəbəri olmamışdır. Bir qədər keçdikdən sonra PPX maşını sirena qoşan zaman onu saxlamaq niyyətində olmasını başa düşmüş və yolun hərəkət hissəsini bağlamamaq səbəbindən uyğun yerdə saxlamaq üçün yük avtomobilini bir qədər irəlidə saxlamaq istəmişdir. Lakin polis əməkdaşı xidməti avtomobili onun qarşısına verərək, qəfil tormozlama etmiş və o da çətinlikdə kamazı tormozlama edərək saxlaya bilmişdir. Bu zaman polis əməkdaşı maşından düşərək ona yaxınlaşıb maşından düşməyini tələb etmiş, yaranmış vəziyyətin stressi ilə nə səbəbdən onun qarşısında ani tormozlama etdiyini soruşsa da, onun sözünə məhəl qoymadan maşından enməsini tələb etmiş, lakin Şəxs enməyəcəyini bildirmişdir. Daha sonra polis əməkdaşları zorla onu maşından çıxarmış və xidməti maşına əyləşdirərək polis şöbəsinə aparmışdır. Polis əməkdaşlarına qarşı heç bir zor tətbiq etmədiyini, qanuni tələblərinə qəsdən tabe olmadığının əsassız olduğunu bildirmişdir. Məhkəmə iclasında şahid qismində ifadə vermiş Mingəçevir Şəhər Polis Şöbəsinin Post-Patrul Xidmətinin polis nəfəri, polis serjantı X6 verdiyi izahatında bildirdi ki, xx.xx.2025-ci il tarixdə saat 22:00 radələrində xidmətdə olduğu zaman Mingəçevir şəhəri, Gəncə şossesində xidməti avtomobillə hərəkət etdiklərində **-CD-*** dövlət qeydiyyat nişanı Kamazın yük yerinə normadan artıq yük yüklənməsi və üzərinə tent çəkilməməsi səbəbindən peyinin asfalta tökülməsini görərək həmin yük avtomobilini saxlatmaq istədiklərini bildirdi. Saxlatmaq üçün işıq və səs siqnallarından istifadə etsələr də həmin yük maşını əhəmiyyət vermədən öz hərəkətinə davam etdirmiş və qarşısına keçərək onu saxlatmışlar. Sürücüyə yaxınlaşdıqda isə, heç bir səbəb olmadan mübahisə yaratmış və onların yol patrul xidməti əməkdaşları olmadığı səbəbindən nə üçün onu saxladığını bildirərək səs-küy salmağa başlamışdır. Sürücünü maşından düşərək asfalt üzərində yaratdığı natəmizliyi göstərməyə dəvət edən zaman kobud şəkildə düşməyəcəyini qeyd etmişdir. Şəxs qapını bağlayıb getmək istəyən zaman onu saxlamış və maşından düşməsini tələb etmişlər. Lakin həmin şəxs yenə də mübahisə yaradaraq öz qərəzli hərəkətlərinə davam etməsi səbəbindən polis şöbəsinə gətirilmişdir. Məhkəmə iclasında şahid qismində ifadə vermiş Mingəçevir Şəhər Polis Şöbəsinin Post- Patrul Xidmətinin polis nəfəri, polis serjantı X3 digər şahid X6 ilə eyni məzmunlu izahat vermişdir. İşdə olan sübutlar: Mingəçevir Şəhər Polis Şöbəsi tərəfindən Şəxs barəsində Azərbaycan Respublikasının İXM-in 535.1-ci maddəsi ilə xx.xx.2025-ci il tarixli, MN ******* saylı inzibati xəta haqqında protokol tərtib edilərək baxılması üçün məhkəməyə göndərilmişdir. xx.xx.2025-ci il tarixli “inzibati qaydada tutma haqqında” protokoldan görünür ki, inzibati xəta törətməkdə təqsirli bilinən Şəxs xx.xx.2025-ci il tarixdə saat 23:00-da inzibati qaydada tutulmuşdur. xx.xx.2025-ci il tarixli 250 №li “Sərxoşluq hallarının bütün növlərinin təyini məqsədilə aparılan tibbi müayinə” protokolundan görünür ki, müayinədən keçirilmiş Şəxs alkoqol qəbulu ələmətləri yoxdur, ayıq vəziyyətdədir. xx.xx.2025-ci il tarixdə Şəxs Mingəçevir Şəhər Polis Şöbəsində izahatı alınmışdır. Polis haqqında Azərbaycan Respublikasının Qanunununa görə Maddə 3. Polis təyinatı və əsas vəzifələri İİ. Polisin əsas vəzifələri aşağıdakılardır: 1) ictimai qaydanı qorumaq və ictimai təhlükəsizliyi təmin etmək;... Maddə 7. Polisin qanuni tələblərinin icrasının məcburiliyi İ. Polis əməkdaşı bu qanunla müəyyənləşdirilmiş səlahiyyətləri yerinə yetirərkən dövlət hakimiyyətinin nümayəndəsi kimi çıxış edir. İİ. Azərbaycan Respublikasının ərazisində olan bütün hüquqi və fiziki şəxslər polis əməkdaşının qanuni tələblərini icra etməlidirlər. İİİ. Polis əməkdaşının qanuni tələblərinə tabe olmamaq, ona müqavimət göstərmək və zor işlətmək və ya onu təhqir etmək Azərbaycan Respublikasının qanunvericiliyi ilə müəyyən edilmiş məsuliyyətə səbəb olur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir; 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir; 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görəfiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmənin mövqeyi Məhkəmə iş üzrə toplanmış sübutların və onların məcmusunu tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın törədilməsində təqsirliliyi özünün izahatı, inzibati xəta haqqında protokol, məhkəmə iclasında verilmiş izahatlarla tam sübuta yetirilmiş və onun əməli düzgün olaraq İXM-nin 535.1-ci maddəsi ilə tövsif edilmişdir. Onun hərəkətlərinə münasibətdə əməlin inzibati xəta olmasını aradan qaldıran hallar yoxdur, inzibati məsuliyyətdən azad edilməsi üçün əsaslar müəyyən edilməmişdir. Məhkəmə hesab edir ki, Şəxs AR İXM-nin 535.1-ci maddəsi ilə təqsirli olması iş materiallarında olan sübutlarla təsdiq olunduğundan onun barəsində həmin maddənin sanksiyası həddində inzibati tənbeh tətbiq edilməlidir. Məhkəmə Şəxs tərəfindən törədilmiş inzibati xətanın xarakterini, onun şəxsiyyətini, habelə təqsirinin dərəcəsini və tətbiq olunacaq inzibati tənbehin şəxsin islah olunmasına təsirini, məsuliyyətini yüngülləşdirən və ağırlaşdıran halların olmamasını nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasının həddi daxilində inzibati cərimə növündə inzibati tənbeh tədbiri tətbiq edilməlidir. Şəxs məhkəmə iclas zalından həbsdən azad edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməkdə təqsirli bilinsin və 150 (bir yüz əlli) manat məbləğində cərimə edilsin. Şəxs məhkəmə iclas zalından dərhal həbsdən azad edilsin. Qərarın icrası Mingəçevir Şəhər Polis Şöbəsinə və Mingəçevir Şəhər İcra və Probasiya Şöbəsinə tapşırılsın. Qərardan rəsmi qaydada verildiyi gündən 10 (on) gün müddətinə həmin qərarı qəbul etmiş hakim vasitəsilə və ya birbaşa apellyasiya instansiya məhkəməsinə şikayət və ya protest verilə bilər Hakim Güləndam Quliyeva