Mingəçevir Şəhər Məhkəməsi Qərar — İş №3(051)-246/2021

Azərbaycan Respublikası adından QƏRAR Mingəçevir şəhəri İş № 3(051)-246/2021 27.01.2021 MİNGƏÇEVİR ŞƏHƏR MƏHKƏMƏSİ Mən, Mingəçevir şəhər məhkəməsinin hakimi Hüseynov Ələkbər Məmmədtağı oğlu, Ağayeva Aynurə Nizami qızının katibliyi, Mingəçevir şəhər İcra və Probasiya Şöbəsinin icra məmuru X12, borclu Şəxs və X1nın iştirakı ilə, xx xxxxxx 1991-ci ildə ildə Mingəçevir şəhərində doğulmuş, Azərbaycan Respublikası vətəndaşı, orta təhsilli, evli, işləməyən, ünvan 1 ünvanında yaşayan Şəxs barəsində Azərbaycan Respublikası İXM-nin 528.1-ci maddəsi ilə Mingəçevir şəhər İcra və Probasiya şöbəsindən daxil olmuş inzibati xəta haqqında işə baxaraq Müəyyən etdim: Məhkəmənin qətnaməsini üzrsüz səbəbdən icra etmədiyinə və məhkəmə iclasının qanuni tələblərini yerinə yetirmədiyinə görə Mingəçevir şəhər İcra və Probasiya Şöbəsinin icra məmuru tərəfindən Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati protokol tərtib edilərək məhkəməyə göndərilmişdir. Məhkəmə iclasında Şəxs verdiyi izahatında göstərmişdir ki, Şəki Apellyasiya Məhkəməsinin 2(107)-1738/2020 saylı, xx.xx.2020-ci il tarixli qətnaməsinə əsasən X5 valideynlik hüquqlarının həyata keçirməkdən ötrü xx.xx.2016-cı il təvəllüdlü Muradzadə Məhəmməd Tural oğlu və xx.xx.2017-ci il təvəllüdlü X6 ilə hər həftənin çərşənb və şənbə günləri saat 10:00-dan 13:00-dək ünsiyyətdə olmaq üçün görüş verilməlidir. O, buna etiraz etmir. Əliyeva Rəvanə istədiyi vaxt uşaqları gəlib evində və ya Mİngəçevir şəhər İcra və Probasiya şöbəsində görə bilər. Oğlu Məhəmməd uzun müddətdir ki, ambulator müalicədədir, özünü yaşı hiss etmir, bu səbəbdən onun anası X7 ilə ünsiyyətdə olması üçün görüşə gətirə bilməmişdir. Hal hazırda uşaqların anası ilə görüşməsini təmin etmişdir və gələcəkdə də heç bir maneə törətməyəcəyinə söz verir.. Ona görə də barəsində olan inzibati işin icraatına xitam verilməsini xahiş edir. Məhkəmə iclasında icra məmuru X12 izahatında göstərmişdir ki, Şəki Apellyasiya Məhkəməsinin 2(107)-1738/2020 saylı, xx.xx.2020-ci il tarixli qətnaməsinə əsasən X5 valideynlik hüquqlarının həyata keçirməkdən ötrü xx.xx.2016-cı il təvəllüdlü Muradzadə Məhəmməd Tural oğlu və xx.xx.2017-ci il təvəllüdlü X6 ilə hər həftənin çərşənb və şənbə günləri saat 10:00-dan 13:00-dək ünsiyyətdə olmaq üçün görüş verilməlidir. İcra sənədinin icrası ilə əlaqədar olaraq Şəxs barəsində Azərbaycan Respublikası İXM-nin 528.1-ci maddəsinə əsasən protokol tərtib edilərək baxılması üçün xx.xx.2021-ci il tarixdə Mingəçevir şəhər Məhkəməsinə göndərilmişdir. Lakin hal hazırda qətnamənin icrasını təmin etmişdir. Tələbkarla aralarında razılığa gəlinmişdir. X1 məhkəmə iclasında izahatında göstərmişdir ki, Şəki Apellyasiya Məhkəməsinin 2(107)-1738/2020 saylı, xx.xx.2020-ci il tarixli qətnaməsinə əsasən ona valideynlik hüquqlarının həyata keçirməkdən ötrü xx.xx.2016-cı il təvəllüdlü Muradzadə Məhəmməd Tural oğlu və xx.xx.2017-ci il təvəllüdlü X6 ilə hər həftənin çərşənb və şənbə günləri saat 10:00-dan 13:00-dək ünsiyyətdə olmaq üçün görüş verilməlidir. Lakin, borclu qətnaməni icrasını təmin etməkdən boyun qaçırmışdır. Belə ki, o qızı X6yla görüşsə də, borclu X2 anası ilə görüşməsinə maneə olmuşdur. Lakn hal hazırda borclu ilə razılaşmış və oğlu ilə görüşməsi təmin olunmuşdur. Ona görə də, iş üzrə icraata xitam verilməsini xahiş edir. Barəsində inzibati xəta haqqında iş üzrə icraat aparılan şəxsin və icra məmurunun izahatını dinləyib, işdə olan sənədləri öyrənib sübutlara qiymət verərək aşağıdakılara əsasən hesab edirəm ki, iş üzrə icraata xitam verilməlidir. Belə ki, Azərbaycan Respublikası İXM-nin 12-ci maddəsində göstərilmişdir ki, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İnzibati Xətalar Məcəlləsinin 528.1-ci maddəsinin mənasına görə məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə yaranan münasibətlər təşkil edir. Bu inzibati xətanın tərkibi məhkəmə və digər orqanların qərarlarının icrası ilə əlaqədar icra məmurunun qanuni tələblərinin üzürsüz səbəbdən icra edilməməsinə görə yaranır. Məhkəmə iclasında Şəxs məhkəmə qərarının üzrsüz səbəbdən icra etməməsi müəyyən olunmadı. Belə ki, iş materialları və ona əlavə olunmuş sənədlərdən görünür ki, Şəxs qətnamənin icrasını təmin etməkdən boyun qaçırmır. Hazırda tələbkar ilə razılıq əldə etmişdir. Belə olan halda İXM-nin 528.1-ci maddənin tərkibi yaranmır. Bu səbəbdən də Şəxs barəsində inzibati tənbeh tətbiq etmək məqsədə müvafiq deyil. İcra məmuru tərəfindən təqdim olunmuş sənədlərdən isə görünür ki, Şəxs borcunu qərəzli icra etməməsi barədə iş materiallarına heç bir sənəd əlavə edilməmişdir. Ona görə iş üzrə əməldə tərkib olmadığı üçün iş üzrə icraata xitam verilməlidir. İnzibati Xətalar Məcəlləsinin 8.2-ci maddəsinin tələbinə görə, inzibati məsuliyyətə cəlb olunmuş şəxs öz təqsirsizliyini sübuta yetirməyə borclu deyildir. Beləliklə, Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın tərkibinin olduğu sübuta yetmir. Azərbaycan Respublikası İXM-nin 53.0.2-ci maddəsinə görə inzibati xətanın tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. A Şəxs əməlində inzibati xətanın tərkibi olmadığına görə barəsində olan inzibati işin icraatına xitam verilməlidir. Həmin Məcəllənin 114.2-ci maddəsində göstərilir ki, bu Məcəllənin 53-ci maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan səlahiyyətli vəzifəli şəxs inzibati xəta haqqında işin icraatına xitam verilməsi haqqında qərar qəbul edir. Göstərilənlərə əsasən Şəxs barəsində Azərbaycan Republikası İXM-nin 528.1-ci maddəsi ilə olan inzibati xəta haqında iş üzrə icraata xitam verilməlidir. Azərbaycan Respublikasının İXM-nin 21, 40, 43, 195-51, 114, 128-130-ci maddələrini rəhbər tutaraq Qərara aldım: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında işin icraatına xitam verilsin. Qərardan rəsmi qaydada verildiyi gündən 10 (on) gün müddətində Mingəçevir şəhər məhkəməsi vasitəsilə Şəki Apellyasiya Məhkəməsinə şikayət verilə bilər. Mingəçevir şəhər məhkəməsinin hakimi: Ələkbər Hüseynov