Mingəçevir Şəhər Məhkəməsi Qərar — İş №3(051)-292/2022

Azərbaycan Respublikası adından QƏRAR Mingəçevir şəhəri İş № 3(051)-292/2022 18.05.2022 MİNGƏÇEVİR ŞƏHƏR MƏHKƏMƏSİ Hakim Paşayev Nemət Şirkət oğlunun sədrliyi Abbasova Gülşən Elxan qızının katibliyi İnzibati xəta törətmiş şəxs: Şəxs oğlunun iştirakı ilə xx.xx.1990-cı il tarixdə Yevlax rayonu, Hacıselli kəndində doğulmuş, Azərbaycan Respublikası vətəndaşı, evli, orta təhsilli, işsiz, Yevlax rayonu, Hacıselli kəndində qeydiyyatda olan, Mingəçevir şəhəri, Günəşli bağ massivi, 1-ci küçədə yaşayan yaşayan Şəxs oğlunun Azərbaycan Respublikası İXM–in 535.1–ci maddəsi ilə barəsində tərtib edilmiş inzibati xəta haqqında protokola inzibati xəta haqqında iş üzrə icraatda açıq məhkəmə iclasında baxaraq, MÜƏYYƏN ETDİ: Şəxs 17.05.2022–ci il tarixdə saat 19:20 radələrində Mingəçevir şəhəri, Qələbə dairəsi adlanan yerdə özünəməxsus avtobusu saxlayaraq vətəndaşların istirahətinə mane olarkən, törətdiyi qayda pozuntusu ilə bağlı polis əməkdaşının qanuni tələblərinə qəsdən tabe olmamışdır. Bu hərəkətləri ilə Şəxs oğlu Azərbaycan Respublikası İXM–in 535.1–ci maddəsində nəzərdə tutulan inzibati xətanı törətmişdir. Şəxs oğlunun həmin inzibati xətanı törətməsi özünün etirafı və işdə olan sənədlərlə tam təsdiq olunmuşdur. İnzibati xəta törətmiş şəxs Şəxs oğlu məhkəmə iclası zamanı özünü ona qarşı irəli sürülmüş inzibati xəta ittihamda təqsirli bildi və göstərdi ki, 17.05.2022–ci il tarixdə saat 19:20 radələrində Mingəçevir şəhəri, Qələbə dairəsi adlanan yerdə özünəməxsus avtobusu saxlayaraq, kafedə yemək yeyərkən, qardaşı ona zəng edərək, polis əməkdaşlarının onu avtobusunun yanında gözlədiklərini bildirmişdir. O da avtobusun yanına getmiş və polis əməkdaşları ona avtobusu saxladığı yerdən kənarlaşdırmağı bildirdikdə, o, polis əməkdaşlarının tələblərini yerinə yetirməmişdir. Bundan sonra onu polis şöbəsinə aparmışlar. Əməlindən peşmandır. Odur ki, məhkəmədən izahatında göstərilənləri nəzərə alaraq barəsində həbslə əlaqədar olmayan inzibati tənbeh tətbiq edilməsini xahiş edir. Məhkəmə iclası zamanı şahid qismində dindirilmiş, Mingəçevir ŞPŞ-in polis nəfəri X2 ifadəsində göstərdi ki, 17.05.2022-ci il tarixdə saat 19:20 radələrində Mingəçevir şəhəri Qələbə dairəsi adlanan yerdə xidmət yoldaşı polis kiçik serjantı Vüqar Xəlilov ilə xidmətdə olan zaman Qələbə meydanında dincələn vətəndaşlar onlara yaxınlaşaraq parkın qarşısında park yerində avtobusun dayandığını və ora gələn insanlara maneçilik törətdiyini bildirdilər. Onlar həmin avtobusa yaxınlaşmış, avtobusun sürücüsü ilə telefon əlaqəsi saxlayaraq, sürücüyə avtobusu kənarlaşdırmağını bildirmişdir. Bir neçə dəqiqə sonra sürücü onlara yaxınlaşmışdır. Onlar həmin sürücüyə vətəndaşların narazılıq etdiyini və avtobusun həmin ərazidən kənarlaşdırmağını bildirmişlər. O isə polis əməkdaşlarının tələblərini yerinə yetirməyərək yüksək səslə danışmağa başlamışdır. Bundan sonra isə onu polis şöbəsinə aparmışdırlar və barəsində inzibati xəta haqqında protokol tərtib edilmişdir. Məhkəmə iclası zamanı şahid qismində dindirilmiş Mingəçevir ŞPŞ-in polis nəfəri X3 oğlu da digər şahid X2 ilə eyni məzmunlu ifadə verərək, onun göstərdiyi halları təsdiq etdi. İş materiallarına əlavə edilmiş 17.05.2022-ci il tarixli inzibati xəta haqqında protokoldan görünür ki, Şəxs 17.05.2022–ci il tarixdə saat 19:20 radələrində Mingəçevir şəhəri, Qələbə dairəsi adlanan yerdə özünəməxsus avtobusu saxlayaraq vətəndaşların istirahətinə mane olarkən, törətdiyi qayda pozuntusu ilə bağlı polis əməkdaşının qanuni tələblərinə qəsdən tabe olmamışdır. İşə materiallarına əlavə edilmiş 17.05.2022-ci il tarixli Sərxoşluq hallarının bütün növlərinin təyini məqsədi ilə aparılan tibbi müayinə protokoldan görünür ki, Şəxs oğlunda yüngül dərəcəli sərxoşluq əlamətləri aşkar edilmişdir. İşə əlavə edilmiş 17.05.2022-ci il tarixli inzibati qaydada tutma haqqında protokoldan görünür ki, Şəxs oğlu 17.02.2022-ci il tarixdə saat 21:05-də inzibati qaydada tutulmuşdur. Məhkəmə, inzibati xəta haqqında protokola inzibati xəta haqqında iş üzrə icraatda açıq məhkəmə iclasında baxaraq mühüm əhəmiyyətə malik olan bütün halları araşdırıb, hər bir sübutu mənsubiyyəti, mümkünlüyü və mötəbərliyi üzrə qiymətləndirib, iş üzrə dindirilmiş şəxsin izahatı, iş üzrə icraat materiallarını və digər sənədləri sübut növləri kimi qəbul edib, həmin sübutlara və onların məcmusuna tam, obyektiv və hərtərəfli hüquqi qiymət verib, belə nəticəyə gəlir ki, Şəxs 17.05.2022–ci il tarixdə saat 19:20 radələrində Mingəçevir şəhəri, Qələbə dairəsi adlanan yerdə özünəməxsus avtobusu saxlayaraq vətəndaşların istirahətinə mane olarkən, törətdiyi qayda pozuntusu ilə bağlı polis əməkdaşının qanuni tələblərinə qəsdən tabe olmamaqla Azərbaycan Respublikası İnzibati Xətalar Məcəlləsinin 535.1–ci maddəsində nəzərdə tutulmuş inzibati xətanı törətmiş və onun əməlində inzibati xəta tərkibinin bütün əlamətləri mövcuddur. Onun qeyd olunan inzibati xətanı törətməkdə təqsirli olması, özünün etirafedici izahatı, habelə işdə olan materiallarla, yəni kifayət qədər mötəbər sübutlarla təsdiq edilmişdir. Həmin xətanın az əhəmiyyətli olmasına görə inzibati xəta törətmiş şəxsin inzibati məsuliyyətdən azad edilməsi üçün əsaslar və onun əməlində inzibati məsuliyyəti istisna edən hallar yoxdur. İnzibati xəta haqqında iş üzrə icraatda tədqiq edilmiş həmin sübutlar qanunda nəzərdə tutulmuş qaydada əldə edilməklə bərabər, inzibati xəta törətmiş şəxsin təqsirinin sübuta yetirilməsi üçün kifayət etmişdir. Azərbaycan Respublikası İXM-in 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun olmalıdır. Həmin Məcəllənin 12-ci maddəsində göstərilir ki, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31-ci maddəsinin tələblərinə görə fiziki şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə hesab edir ki, Şəxs təqsirini etiraf edərək əməlindən peşiman olması onun məsuliyyətini yüngülləşdirən, sərxoş vəziyyətdə olması isə onun məsuliyyəti ağırlaşdıran haldır. Beləliklə, məhkəmə, inzibati xətanın xarakterini, inzibati xəta törətmiş şəxsin şəxsiyyətini və onun təqsirinin dərəcəsini, məsuliyyətini yüngülləşdirən və ağırlaşdıran halların mövcudluğunu, əməlindən səmimi peşmanlıq hissi keçirərək inzibati xətanın zərərli nəticələrinin aradan qaldırılması istiqamətində real davranış nümayiş etdirməsini nəzərə alaraq, Şəxs barəsində cərimə növündə inzibati tənbeh tədbirinin tətbiq edilməsini qanuni, əsaslı, ədalətli və inzibati tənbehin məqsədlərinə uyğun hesab edir. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Göstərilənlərə əsasən və Azərbaycan Respublikası İXM–in 35.1, 35.2, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM–in 535.1–ci maddəsində nəzərdə tutulmuş inzibati xətanı törətməkdə təqsirli bilinib 150 (bir yüz əlli) manat məbləğində inzibati cərimə edilsin. Şəxs oğlu məhkəmə iclas zalından həbsdən dərhal azad edilsin. Qərarın icrası Mingəçevir İcra və Probasiya Şöbəsinə tapşırılsın. Qərardan, 10 gün müddətinə həmin qərarı qəbul etmiş hakim vasitəsilə və ya birbaşa apelyasiya instansiya məhkəməsinə şikayət və ya protest verilə bilər. Sədrlik edən: Nemət Paşayev