Mingəçevir Şəhər Məhkəməsi Qərar — İş №3(051)-296/2023

Azərbaycan Respublikası adından QƏRAR Mingəçevir şəhəri İş № 3(051)-296/2023 11.04.2023 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızı Ağakişiyeva Aləmzar Həmid qızının katibliyi ilə, ünvan 1 ünvanda qeydiyyatda olan "xxxx" MMC barəsində Azərbaycan Respublikası İnzibati Xətalar Məcəlləsinin 347-ci maddəsi ilə Mingəçevir şəhəri PŞ DYPBdən daxil olmuş inzibati xəta haqqında materiala baxaraq Müəyyən etdim: Mingəçevir şəhəri PŞ DYPB tərəfindən tərtib olunmuş xx.xx.2022-ci il tarixli, İXP ******* saylı inzibati xəta haqqında protokoldan görünür ki, "xxxx" MMC-nin (hüquqi şəxsin) mülkiyyətində olan “RANGE ROVER VOGUE” minik markalı 45AB001 dövlət qeydiyyat nişanlı nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqan tərəfindən bu barədə sorğu daxil olduğu vaxtdan 5 gün müddətində verilməməsinə görə barəsində İXM-nin 347-ci maddəsi ilə inzibati protokol tərtib edilərək məhkəməyə göndərilmişdir. İşə baxılmasının vaxtı və yeri barədə "xxxx" MMC-yə məlumat verilmiş, lakin nümayəndəsinin məhkəmə iclasında iştirakı təmin olunmamışdır. Hesab edirəm ki, Azərbaycan Respublikası İXM-nin 61.3-cü maddəsinə əsasən işə onun iştirakı olmadan baxılması mümkündür. İşə əlavə edilmiş Mingəçevir şəhər PŞ-nin DYPB-nin rəisi tərəfindən verilmiş arayışda göstərilir ki, Azərbaycan Respublikası DİN-nin BDYPİ-nin mərkəzi informasiya sistemindən əldə edilmiş məlumata əsasən “RANGE ROVER VOGUE” minik markalı 45AB001 dövlət qeydiyyat nişanlı avtomobil "xxxx" MMC-nin mülkiyyətindədir. İş materiallarına əlavə edilmiş Mingəçevir şəhər Polis Şöbəsinin "xxxx" MMC-yə göndərdiyi xx.xx.2022ci il tarixli 158-46194-1222 №-li məktubunda göstərilir ki, "xxxx" MMC-nin mülkiyyətində olan avtomobillərin sürücüləri tərəfindən törədilmiş yol hərəkət qayda pozuntuları xüsusi texniki vasitələr tərəfindən aşkarlanaraq elektron protokollar tərtib edilmişdir. Tərtib edilmiş protokollar Azərbaycan Respublikasının İXM-nin 57-ci maddəsinə əsasən hüquqi şəxsin qeydiyyatda olduğu ünvana göndərilmişdir. Mülkiyyətində olan nəqliyyat vasitələrini inzibati xətanın törədilməsi zamanı idarə etmiş fiziki şəxslər haqqında məlumatı qısa müddətdə Mingəçevir ŞPŞ-nin DYPB-nə təqdim edilməsi bildirilmişdir. İşə əlavə olunmuş poçt qəbzindən görünür ki, Mingəçevir şəhər PŞ-nin həmin bildirişi xx.xx.2022-ci il tarixdə "xxxx" MMC-də qəbzə imza edilməklə təhvil alınmışdır. Azərbaycan Respublikası İXM-nin 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. İşdə olan sənədləri araşdırıb, sübutlara qiymət verərək hesab edirəm ki, "xxxx" MMC-nin əməlində Azərbaycan Respublikası İXM-nin 347-ci maddəsinin tərkibi var və o, bu maddə ilə inzibati məsuliyyətə cəlb edilməlidir. "xxxx" MMC-nin törətdiyi inzibati xətanın xarakterini nəzərə alaraq, hesab edirəm ki, onun barəsində inzibati cərimə növündə inzibati tənbehin tətbiq edilməsi İXM-nin 21-ci maddəsində göstərilən məqsədlərə nail olması üçün kifayətdir və inzibati tənbehin məqsədlərini təmin edə bilər. Göstərilənlərə əsasən və Azərbaycan Respublikasının İXM-nin 21, 40, 43, 48-51, 114, 128-130-cu maddələrini rəhbər tutub, Qərara aldım: "xxxx" MMC Azərbaycan Respublikası İnzibati Xətalar Məcəlləsinin 347-ci maddəsi ilə nəzərdə tutulan inzibati xətanı törətməkdə təqsirli bilinərək 300 (üç yüz) manat məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində Mingəçevir şəhər məhkəməsi vasitəsi ilə və ya birbaşa Şəki Apelyasiya Məhkəməsinə şikayət verilə bilər. Məhkəmənin hakimi: Məhburə Kərimova