Mingəçevir Şəhər Məhkəməsi Qərar — İş №3(051)-366/2021

Azərbaycan Respublikası adından QƏRAR Mingəçevir şəhəri İş № 3(051)-366/2021 05.04.2021 MİNGƏÇEVİR ŞƏHƏR MƏHKƏMƏSİ Hakim Paşayev Nemət Şirkət oğlunun sədrliyi Abbasova Gülşən Elxan qızının katibliyi İnzibati xəta törətmiş şəxs: Şəxs iştirakı ilə xx.xx.1978–ci il tarixdə Mingəçevir şəhərində doğulmuş, Azərbaycan Respublikası vətəndaşı, orta təhsilli, fərdi əməklə məşğul olan, evli, Mingəçevir şəhəri Ş.İ.Xətai küçəsi ev 20, mənzil 83 qeydiyyatda olan və yaşayan Şəxs Azərbaycan Respublikası İXM–in 510-cu maddəsi ilə barəsində tərtib edilmiş inbzibati xəta haqqında protokola inzibati xəta haqqında iş üzrə icraatda açıq məhkəmə iclasında baxaraq MÜƏYYƏN ETDİ: Şəxs 02 aprel 2021-ci il tarixdə saat 18 radələrində Mingəçevir şəhəri, Nizami küçəsində nalayiq söyüşlər söyərək, ictimai qaydanı pozmaqla xırda xuliqanlıq etmişdir. Bu hərəkətləri ilə Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulan inzibati xətanı törətmişdir. Şəxs həmin inzibati xətanı törətməsi özünün etirafı, şahidlərin izahatı və işdə olan sənədlərlə təsdiq olunmuşdur. İnzibati xətanı törətmiş şəxs Şəxs məhkəmə iclası zamanı barəsində tərtib edilmiş inzibati xəta haqqında protokol üzrə tam təqsirli bilərək izahatında göstərdi ki, xx.xx.2021ci il tarixdə saat 18 radələrində Mingəçevir şəhər ərazisində yerləşən kafelərdən birində yeyib-içdikdən sonra yaşadığı ərazi üzrə, yəni Ş.İ.Xətai küçəsində yerləşən Mənzil İstismar Sahəsinə gedərək ailə tərkibi haqqında arayış almaq istəmiş, lakin həmin vaxt orada ona arayış verilmədiyi üçün əsəbləşib Nizami küçəsində dayanaraq səs-küy salmışdır. Daha sonra səs-küyə yaxınlıqda olan şəxslər və Mingəçevir ŞPŞ-nin əməkdaşları yaxınlaşıb onu sakitləşdirmişlər. Bundan sonra o, Mingəçevir ŞPŞ-yə aparılmış və barəsində inzibati xəta haqqında protokol tərtib edilmişdir. Ondan sonra iltizam alınaraq evə buraxılmışdır. Hazırda əməlindən peşimandır, məhkəmədən ona daha yüngül inzibati tənbeh təyin edilməsini xahiş edir. Məhkəmə iclasında şahid qismində dindirilmiş X6 verdiyi izahatında göstərdi ki, xx.xx.2021-ci il tarixdə saat 18 radələrində Mingəçevir şəhəri Nizami küçəsində olan zaman bir nəfərin, sonradan adının Elşad olduğunu bildiyi şəxsin ucadan nalayiq söyüşlər söydüyünü eşitmiş, həmin vaxt o, Elşada yaxınlaşaraq onu sakitləşdirmək istəsə də, sonuncu ona məhəl qoymamışdır. Daha sonra Mingəçevir ŞPŞ-nin əməkdaşları Elşada yaxınlaşaraq onu şəhər polis şöbəsinə aparmışlar. Məhkəmə iclasında şahid qismində dindirilmiş X3 verdiyi izahatında göstərdi ki, o, Mingəçevir ŞPŞ PPXB-nün tağım komandiri vəzifəsində işləyir. xx.xx.2021-ci il tarixdə saat 18 radələrində Mingəçevir şəhəri Nizami küçəsində bir nəfərin, sonradan adının Şəxs olduğunu bildiyi şəxsin səs-küy salaraq nalayiq söyüşlər söydüyünü eşidib polis baş serjantı X5 ilə ona yaxınlaşmışlar. Onlar Şəxs xəbərdarlıq etməsinə baxmayaraq, sonuncu öz xuliqanlıq hərəkətlərini davam etdirmiş, bu səbəbdən X2 ŞPŞ-nə gətirmişlər. Daha sonra onun barəsində inzibati xəta haqqında protokol tərtib edilmişdir. Məhkəmə iclasında şahid qismində dindirilmiş X5 şahid X1 izahatına uyğun eyni məzmunlu izahat verdi. İş materiallarına əlavə olunmuş Azərbaycan Respublikası Səhiyyə Nazirliyi Mingəçevir şəhər Narkoloji Dispanserinin xx.xx.2021-ci il tarixli sərxoşluq hallarının bütün növlərinin təyini məqsədi ilə aparılan tibbi müayinə protokolundan görünür ki, Şəxs xx.xx.2021-ci il tarixdə saat 18:25 radələrində yüngül dərəcəli sərxoş olmuşdur. Məhkəmə, inzibati xəta haqqında protokola inzibati xəta haqqında iş üzrə icraatda açıq məhkəmə iclasında baxaraq mühüm əhəmiyyətə malik olan bütün halları araşdırıb, hər bir sübutu mənsubiyyəti, mümkünlüyü və mötəbərliyi üzrə qiymətləndirib, iş üzrə dindirilmiş şəxsin izahatı, iş üzrə icraat materiallarını və digər sənədləri sübut növləri kimi qəbul edib, həmin sübutlara və onların məcmusuna tam, obyektiv və hərtərəfli hüquqi qiymət verib, belə nəticəyə gəlir ki, X4 02 aprel 2021-ci il tarixdə saat 18 radələrində Mingəçevir şəhəri, Nizami küçəsində nalayiq söyüşlər söyərək, ictimai qaydanı pozmaqla Azərbaycan Respublikası İnzibati Xətalar Məcəlləsinin 510–cu maddəsində nəzərdə tutulmuş inzibati xətanı törətmiş və onun əməlində inzibati xəta tərkibinin bütün əlamətləri mövcuddur. Onun qeyd olunan inzibati xətanı törətməkdə təqsirli olması, özünün etiraf edici izahatı, habelə işdə olan materiallarla, yəni kifayət qədər mötəbər sübutlarla təsdiq edilmişdir. Həmin xətanın az əhəmiyyətli olmasına görə inzibati xəta törətmiş şəxsin inzibati məsuliyyətdən azad edilməsi üçün əsaslar və onun əməlində inzibati məsuliyyəti istisna edən hallar yoxdur. İnzibati xəta haqqında iş üzrə icraatda tədqiq edilmiş həmin sübutlar qanunda nəzərdə tutulmuş qaydada əldə edilməklə bərabər, inzibati xəta törətmiş şəxsin təqsirinin sübuta yetirilməsi üçün kifayət etmişdir. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun olmalıdır. Həmin Məcəllənin 12-ci maddəsində göstərilir ki, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31-ci maddəsinin tələblərinə görə fiziki şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdiriən və ağırlaşdıran hallar nəzərə alınır. Məhkəmə Şəxs səmimi peşmanlıq keçirməsini, ilk dəfə inzibati xəta törətməsini məsuliyyəti yüngülləşdirən hal, inzibati xətanı sərxoş vəziyyətdə törətməsini məsuliyyətini ağırlaşdıran hal kimi nəzərə alır. Beləliklə, məhkəmə, inzibati xətanın xarakterini, inzibati xəta törətmiş şəxsin şəxsiyyətini və onun təqsirinin dərəcəsini, məsuliyyətini yüngülləşdirən və ağırlaşdıran halların mövcudluğunu, əməlindən səmimi peşmanlıq keçirməsini nəzərə alaraq, Şəxs barəsində cərimə növündə inzibati tənbeh tədbirinin tətbiq edilməsini qanuni, əsaslı, ədalətli və inzibati tənbehin məqsədlərinə uyğun hesab edir. Göstərilənlərə əsasən və Azərbaycan Respublikası İXM–in 35.1, 35.2, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-in 510-cu maddəsində nəzərdə tutulmuş inzibati xətanı törətməkdə təqsirli bilinib 60 (altmış) manat məbləğində inzibati cərimə edilsin. Qərardan, rəsmi qaydada verildiyi gündən 10 (on) gün müddətinə həmin qərarı qəbul etmiş hakim vasitəsilə və ya birbaşa apelyasiya instansiya məhkəməsinə şikayət və ya protest verilə bilər. Sədrlik edən: Nemət Paşayev