Mingəçevir Şəhər Məhkəməsi Qərar — İş №3(051)-405/2020

Azərbaycan Respublikası adından QƏRAR Mingəçevir şəhəri İş № 3(051)-405/2020 01.09.2020 MİNGƏÇEVİR ŞƏHƏR MƏHKƏMƏSİ Mən, Mingəçevir şəhər məhkəməsinin hakimi Hüseynov Ələkbər Məmmədtağı oğlu, Ağayeva Aynurə Nizami qızının katibliyi, Şəxs və zərərçəkmiş şəxs X1 iştirakı ilə, xx xxxxxx 1985-ci ildə ünvan 1 ünvanında yaşayan Şəxs Azərbaycan Respublikası İXM-nin 157-ci maddəsi ilə olan inzibati xəta haqqında işə açıq məhkəmə iclasında baxaraq müəyyən etdim: Şəxs xx.xx.2020-ci il tarixdə saat 18:30 radələrində aralarında yaranmış şəxsi münasibətlər zəmnində X2 yaşadığı Günəşli bağ massivində yerləşən evinin qarşısında döymüşdür. Məhkəmə iclasında Şəxs ona istinad edilən inzibati xətanı törətməkdə özünü təqsirli bilərək verdiyi izahatında göstərmişdir xx.xx.2020-ci il tarixdə saat 18:30 radələrində aralarında yaranmış şəxsi münasibətlər zəmnində X2 yaşadığı Günəşli bağ massivində yerləşən evinin qarşısında döymüşdür. Hazırda X4 ilə barışmışdır. Bu səbəbdən barəsində olan inzibati xəta haqqında iş üzrə icraata xitam verilməsini məhkəmədən xahiş edir. X3 İslam qızı da məhkəmə iclasında verdiyi izahatında göstərmişdir ki, xx.xx.2020ci il tarixdə saat 18:30 radələrində aralarında yaranmış şəxsi münasibətlər zəmnində Şəxs yaşadığı Günəşli bağ massivində yerləşən evinin qarşısında onu döymüşdür. Hazırda Şəxs ilə barışmışdır, ona qarşı heç bir şikayəti və tələbi yoxdur. Şəxs barəsində olan inzibati xəta haqqında iş üzrə icraata xitam verilməsini məhkəmədən xahiş etdi. İş materiallarında məhkəmə-tibbi ekspertizasının xx xxxx 2020-ci il tarixli, 441 saylı ekspert rəyindən görünür ki,X4 xx.xx.2020-ci il tarixdə Şəxs ilə mübahisə etmiş, mübahisə zamanı M.Kərimovanın bədənində aşkar olunan xəsarətlər – Sağ bazuda qançır küt əşyanın təsirindən əmələ gəlmişdir. Yetirimə müddətləri qərarda göstərilən xx.xx.2020-ci il tarixə uyğundurlar, sağlamlığa zərər vurmadıqları üçün dərəcələri təyin olunmur. Azərbaycan Respublikası İXM-nin 157-ci maddəsində döymə və ya sair zorakı hərəkətlərlə qəsdən fiziki ağrı yetirmə inzibati xəta kimi nəzərdə tutulmuşdur. Şəxs əməlində Azərbaycan Respublikası İXM-nin 157-ci maddəsində nəzərdə tutulmuş inzibati xətanın tərkibi vardır. Lakin aşağıdakılara əsasən hesab edirəm ki, Şəxs barəsində olan inzibati xəta haqqında işin icraatına xitam verilməlidir. Belə ki, Azərbaycan Respublikası İXM-nin 31.1-ci maddəsinin tələbinə görə inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 39-cu maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanılır, zərərçəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Şəxsının əməlindən peşman olması, zərər çəkmiş şəxslə barışması məsuliyyətini yüngülləşdirən haldır. Məhkəmədə onun məsuliyyətini ağırlaşdıran hal müəyyən olunmamışdır. Həmin Məcəllənin 53.0.9-cu maddəsində göstərilmişdir ki, bu Məcəllənin 157-ci maddəsində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xətalar haqqında işlər üzrə icraata başlanıla bilməz, başlanmış icraata isə xitam verilir. Həmin Məcəllənin 114.1.4-cü maddəsinə görə inzibati xətalar haqqında işlərə baxılarkən inzibati xəta haqqında iş üzrə icraata xitam verilməsi haqqında qərar çıxarıla bilər. Yuxarıda şərh olunanlara əsasən və Azərbaycan Respublikasının İXM-nin 40, 43, 48-51, 53, 114, 128-130-cu maddələrini rəhbər tutaraq qərara aldım : Şəxs barəsində Azərbaycan Respublikası İXM-nin 157-ci maddəsi ilə olan inzibati xəta haqqında iş üzrə icraata zərərçəkmiş şəxslə barışdığına görə xitam verilsin. Qərarın surəti təqdim edildiyi və ya alındığı vaxtdan 10 (on) gün müddətində Mingəçevir şəhər məhkəməsi vasitəsilə Şəki Apellyasiya Məhkəməsinə şikayət bilər. Mingəçevir şəhər məhkəməsinin hakimi: Ələkbər Hüseynov