Mingəçevir Şəhər Məhkəməsi Qərardad — İş №3(051)-420/2021

Azərbaycan Respublikası adından QƏRARDAD Mingəçevir şəhəri İş № 3(051)-420/2021 15.04.2021 MİNGƏÇEVİR ŞƏHƏR MƏHKƏMƏSİ Mən Mingəçevir şəhər Məhkəməsinin hakimi Kərimova Məhburə Kərim qızı Hacıyev Fəzail Hacı oğlunun katibliyi ilə, Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi ilə Mingəçevir şəhər Polis şöbəsindən daxil olmuş inzibati xəta haqqında materiala baxaraq Müəyyən etdim: Mingəçevir şəhər Polis şöbəsi tərəfindən tərtib olunmuş AP № ******* saylı, xx.xx.2021-ci il tarixli protokoldan görünür ki, Şəxs barəsində İXM-nin 327.8-cü maddəsi ilə inzibati protokol tərtib edilərək məhkəməyə göndərilmişdir. Azərbaycan Respublikası İnzibati Xətalar Məcəlləsinin 100.1-ci maddəsində göstərilir ki, bu Məcəllənin 54-cü maddəsi istisna olmaqla, inzibati xətanın törədilməsi haqqında protokol tərtib edilir. Həmin Məcəllənin 100.1.4-cü maddəsinə əsasən inzibati xəta haqqında protokolda inzibati xətanın törədildiyi yer, vaxt və bu xətanın mahiyyəti göstərilir. Lakin qeyd edilən inzibati xəta haqqında protokol tərtib edilən zaman qanunun tələbinə riayət edilməmiş, inzibati xətanın törədildiyi yer, vaxt və xətanın mahiyyəti göstərilməmişdir. İnzibati Xətalar Məcəlləsinin 109.1-ci maddəsinə görə protokol düzgün tərtib olunmadıqda, inzibati xəta haqqında işin baxılmağa hazırlanması zamanı inzibati xəta haqqında protokolun onu tərtib etmiş orqana, vəzifəli şəxsə geri qaytarılması barədə qərardad qəbul edilir. Göstərilənlərə əsasən hesab edirəm ki, Şəxs barəsində tərtib edilmiş inzibati xəta haqqında protokol geri qaytarılmalıdır. Azərbaycan Respublikası İnzibati Xətalar Məcəlləsinin 109-cu maddəsini rəhbər tutub Q ə r a r a a l d ım: Şəxs barəsində tərtib edilmiş AP № ******* saylı, xx.xx.2021-ci il tarixli inzibati xəta haqqında protokol Mingəçevir şəhər Polis şöbəsin geri qaytarılsın. Məhkəməsinin hakimi: Məhburə Kərimova