Mingəçevir Şəhər Məhkəməsi Qərar — İş №3(051)-454/2022

Azərbaycan Respublikası adından QƏRAR Mingəçevir şəhəri İş № 3(051)-454/2022 05.08.2022 MİNGƏÇEVİR ŞƏHƏR MƏHKƏMƏSİ Mingəçevir Şəhər Məhkəməsinin hakimi Hüseynov Ələkbər Məmmədtağı oğlu, Ağayeva Aynurə Nizami qızının katibliyi, Barəsində inzibati xəta haqqında iş üzrə icraat aparılan şəxs Şəxs Səxavət oğlunun iştirakı ilə xx xxxx 1989-cu ildə ünvan 1 ünvanında yaşayan Şəxs Səxavət oğlunun barəsində Azərbaycan Respublikası İXM-nin 529.3-cü maddəsi ilə Mingəçevir şəhər Polis Şöbəsindən daxil olmuş inzibati xəta haqqında işə baxaraq müəyyənetdi: Şəxs Səxavət oğlu Azərbaycan Respublikası İXM-nin 328.1-ci maddəsində nəzərdə tutulmuş inzibati xətanı törətməkdə təqsirli bilinib cərimə olunması barədə 09 mart 2022-ci il tarixli, EQ ******* saylı inzibati xəta haqqında qərarı qanuni qüvvəyə mindiyi gündən 3 ay müddətində qanunla müəyyən olunmuş əsaslar olmadan icra etməmişdir və barəsində İXP ******* saylı protokol tərtib edilmişdir. İş materiallarından göründüyü kimi, ünvan 2 ünvanında yaşayan Şəxs Səxavət oğlu “X6” markalı, ** MG *** saylı dövlət qeydiyyat nişanlı avtomobili idarə edərkən Azərbaycan Respublikası İXM-nin 328.1-ci maddəsi ilə nəzərdə tutulmuş inzibati xətanı törətməsinə görə barəsində inzibati xəta haqqında protokollar tərtib edilmiş və qəbul edilmiş qərarlar qanuni qüvvəyə mindiyi gündən cəriməni 3 ay müddətində qanunla müəyyən edilmiş əsaslar olmadan ödəmədiyindən barəsində İnzibati Xətalar Məcəlləsinin 529.3-cü maddəsi ilə məsuliyyət nəzərdə tutulan İXP ******* №-li inzibati xəta haqqında protokol tərtib edilmişdir. Məhkəmə iclasında Şəxs Səxavət oğlu izahatında göstərmişdir ki, İnzibati Xətalar Məcəlləsinin 529.3-cü maddəsi ilə məsuliyyət nəzərdə tutulan İXP ******* №-li inzibati xəta haqqında protokol tərtib olunmuş və həmin protokol əsasında qərar çıxarılaraq cərimə olunmuşdur. Cəriməni ödəmiş və bu barədə DİN-in DYP Web Portalından çıxarış məhkəməyə təqdim edilmişdir. Ona görə də barəsində olan inzibati xəta haqqında iş üzrə icraata xitam verilməsini xahiş edir. Məhkəməyə təqdim olunmuş DİN-in DYP Web Portalından çıxarışdan görünür ki, Şəxs Səxavət oğlu inzibati xəta haqqında qərar üzrə cərimə və ona hesablanmış penya borclarını ödəmişdir. Barəsində inzibati xəta haqqında iş üzrə icraat aparılan şəxsin izahatını dinləyib, iş materiallarını nəzərdən keçirib məcmu halda qiymət verərək hesab edirəm ki, Şəxs Səxavət oğlunun barəsində olan inzibati xəta haqqında iş üzrə icraata xitam verilməlidir. Belə ki, Azərbaycan Respublikası İXM-nin 12-ci maddəsinə görə, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 529.3-cü maddəsinə görə yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsi inzibati məsuliyyətə səbəb olur. Həmçinin 529.3-cü maddəsində nəzərdə tutulmuş inzibati xəta törətmiş şəxs müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. Barəsində inzibati xəta haqqında iş üzrə icraat aparılan şəxs məhkəmə yekun qərar qəbul edənədək cəriməni ödədiyinə görə, barəsində olan iş üzrə icraata xitam verilməlidir. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 21.2-ci maddəsinə əsasən fiziki və hüquqi şəxslər barəsində inzibati tənbeh tətbiq edilərkən xətanın xarakterini, inzibati xəta törədənin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İXM-nin 53.0.2-ci maddəsinə görə inzibati xətanın tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Ona görə də, Şəxs barəsində olan inzibati işin icraatına xitam verilməlidir. Şərh olunanlara əsasən və Azərbaycan Respublikasının İXM-nin 21, 40, 43, 48-51, 114, 128-130-ci maddələrini rəhbər tutaraq qəraraaldı: Şəxs Səxavət oğlunun barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə olan inzibati xəta haqqında işin icraatına xitam verilsin. Qərarın surəti təqdim edildiyi və ya alındığı vaxtdan 10 (on) gün müddətində Mingəçevir Şəhər Məhkəməsi vasitəsilə Şəki Apellyasiya Məhkəməsinə şikayət verilə bilər. Mingəçevir Şəhər Məhkəməsinin hakimi: Ələkbər Hüseynov. . İNZİBATİ XƏTA HAQQİNDA İŞİN BAXİLMAĞA HAZİRLANMASİ HAQQİNDA Q Ə R A R D A D 14 may 2020-ci il. Mingəçevir şəhəri Mən, Mingəçevir şəhər məhkəməsinin hakimi Ə.Hüseynov, X1 barəsində Azərbaycan Respublikasının İnzibati Xətalar Məcəlləsinin 529.3-cü maddəsi ilə Mingəçevir şəhər Polis şöbəsindən daxil olmuş inzibati materiala baxaraq, M ü ə y y ə n e t d i m: Həmin materialın baxılması hakimin səlahiyyətinə aiddir. İşin hakim tərəfindən baxılmasını istisna edən hallar mövcüd deyil. İnzibati xəta protokolu və işin materialları Azərbaycan Respublikası İnzibati Xətalar Məcəlləsinin tələblərinə uyğun tərtib edilmişdir. İşin icraatını rədd edən və dayandıran hallar mövcud deyildir. İnzibati işin mahiyyəti üzrə baxılması üçün işdə kifayət qədər sübutlar toplanmışdır. İnzibati iş üzrə vəsatət, etirazlar yoxdur. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 417,418,420.1.1 və 420.1.2-ci maddələrini rəhbər tutaraq, Q ə r a r a a l d ı m : X2 barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati material icraata qəbul edilsin. İşin açıq məhkəmə baxışı 19 may 2020-ci il tarixə saat 17:00-a təyin edilsin. Məhkəmə baxışı Azərbaycan dilində aparılsın. İşin məhkəmə baxışı xəta törədən şəxsin iştirakı ilə aparılsın. Məhkəmənin hakimi: Ələkbər Hüseynov İş № 3(051)-227/2020 İnzibati xəta haqqında iş üzrə PROTOKOL 14 may 2020-ci il tarixdə Mingəçevir şəhərində Mən, Mingəçevir şəhər məhkəməsinin hakimi Hüseynov Ələkbər Məmmədtağı oğlu barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə Mingəçevir şəhər Polis şöbəsindən daxil olmuş inzibati xəta haqqında sənədlərin icraata götürülməsinin mümkünlüyü məsələsinə baxaraq, məhkəmə iclasından ayrıca prosessual hərəkət etdim. Prosessual hərəkət saat 11:15-də başlandı. İnzibati xəta haqqında materialı nəzərdən keçirib X2 barəsində Azərbaycan Respublikasının İnzibati Xətalar Məcəlləsinin 529.3-cü maddəsi ilə olan inzibati xəta haqqında işin baxılmağa təyin edilməsi haqqında qərardad çıxatdım. Prosessual hərəkət saat 11:30-da qurtardı. Məhkəmənin hakimi: Ələkbər Hüseynov Azərbaycan Respublikası Mingəçevir şəhər məhkəməsi № « » 2021-ci il. Tərtər rayon polis şöbəsinə X3 barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə olan inzibati iş üzrə Mingəçevir şəhər məhkəməsinin 09 mart 2021-ci il tarixli, 3(051)-87/2016 saylı qərarının surəti icra edilməsi üçün Sizə göndərilir. Qoşma: qərarın surəti – cəmi 1 (bir) vərəqədə. Mingəçevir şəhər məhkəməsinin hakimi: Ələkbər Hüseynov. Azərbaycan Respublikası Mingəçevir şəhər məhkəməsi № « » 2021-ci il. Azərbaycan Respublikası DİN-nin Baş Dövlət Yol Polis İdarəsinin 7 saylı RQİŞ-a X3 barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə olan inzibati iş üzrə Mingəçevir şəhər məhkəməsinin 09 mart 2021-ci il tarixli, 3(051)-87/2016 saylı qərarının surəti icra edilməsi üçün Sizə göndərilir. Qoşma: qərarın surəti – cəmi 1 (bir) vərəqədə. Mingəçevir şəhər məhkəməsinin hakimi: Ələkbər Hüseynov.