Mingəçevir Şəhər Məhkəməsi Qərar — İş №3(051)-54/2024

Azərbaycan Respublikası adından QƏRAR Mingəçevir şəhəri İş № 3(051)-54/2024 20.02.2024 MİNGƏÇEVİR ŞƏHƏR MƏHKƏMƏSİ Mingəçevir şəhər Məhkəməsinin hakimi Cəbrayılzadə Elza Vaqif oğlunın, Əliyeva Əminə Malik qızının katibliyi ilə, Mingəçevir şəhər İcra və Probasiya Şöbəsinin icra məmuru X1 Tələbkar Zərərçəkmiş şəxs etibarnamə üzrə nümayəndəsi X3 Borclu Şəxs iştirakları ilə, xx.xx.1985-ci il tarixdə Mingəçevir şəhərində doğulmuş, Azərbaycan Respublikasının vətəndaşı, işləməyən, subay, ünvan 1 ünvanında yaşayan Şəxs Azərbaycan Respublikası İXM-in 528.1-ci maddəsi ilə barəsində tərtib edilmiş inzibati xəta haqqında protokola inzibati xəta haqqında iş üzrə icraatda açıq məhkəmə iclasında baxaraq MÜƏYYƏNETDİ: Mingəçevir şəhər İcra və Probasiya Şöbəsinin icra məmuru tərəfindən borclu Şəxs barəsində Azərbaycan Respublikası İXM–in 528.1-ci maddəsi ilə inzibati xəta haqqında protokol tərtib edilərək məhkəməyə verilmişdir ona görə ki, o, Mingəçevir Şəhər Məhkəməsinin xx.xx.2019 və xx.xx.2023-cü il tarixli qanuni qüvvəyə minmiş icra sənədləri əsasında ondan alınaraq tələbkara verilməli olan borcun ödənilməsini nəzərdə tutan icra sənədlərinin icrası ilə əlaqədar icra məmurunun qanuni tələblərinə qəsdən tabe olmamış, qanuni qüvvəyə minmiş məhkəmə aktının tələblərinə məhəl qoymaraq borcun ödənilməsindən boyun qaçırmışdır. Bu hərəkətləri ilə Şəxs Azərbaycan Respublikası İXM-in 528.1-ci maddəsində nəzərdə tutulan inzibati xətanı törətmişdir. Mingəçevir şəhər İcra və Probasiya Şöbəsinin icra məmuru X2 izahatında göstərdi ki, Mingəçevir şəhər məhkəməsinin xx.xx.2019-cu il tarixli 2(051)-2357/2019 və Mingəçəvir şəhər Məhkəməsinin xx.xx.2023-cü il tarixli 2(051)-1430/2023-cü il tarixli qətnamələrinə əsasən Şəxs müvafiq olaraq hər ay hər qətnamə üzrə 130 manat və 170 manat aliment tutularaq tələbkara verilməsi qət edilmişdir. Borclu qeyd olunan icra sənədlərini icra etmədiyinə görə barəsində protokol tərətib edilərək məhkəməyə göndərilmişdir. Hazırda tələbkar və borclu öz aralarında razılığa gəldiyindən inzibati xəta haqqında protokola xitam verilməsinə etiraz etmir. Borclu Şəxs məhkəmə iclasında verdiyi izahatında göstərdi ki, məhkəməyə ərizə ünvanlayaraq bildirmişdir ki, Mingəçevir şəhər məhkəməsinin xx.xx.2019-cu il tarixli 2(051)-2357/2019 və Mingəçvir şəhər Məhkəməsinin xx.xx.2023-cü il tarixli 2(051)- 1430/2023-cü il tarixli qətnamələrinə əsasən ondan müvafiq olaraq hər ay hər qətnamə üzrə 130 manat və 170 manat aliment tutularaq tələbkara verilməsi qət edilmişdir. Hazırda qeyd olunan aliment borcundan 500 manat ödəniş etmişdir. Əvvəlki məhkəmə iclasında isə 700 azn ödəniş etmişdir. Ümumilikdə hər ay qalıq borcdan hissə-hissə ödəməyi öhdəsinə götürdüyünü bildirərək barəsində olan inzibati xəta haqqında protokola xitam verilməsini xahiş etmişdir. Tələbkarın nümayəndəsi X3 məhkəmə iclasında verdiyi izahatında göstərdi ki, məhkəməyə ərizə ünvanlayaraq bildirmişdir ki, Mingəçevir şəhər məhkəməsinin xx.xx.2019-cu il tarixli 2(051)-2357/2019 və Mingəçevir şəhər Məhkəməsinin xx.xx.2023cü il tarixli 2(051)-1430/2023-cü il tarixli qətnamələrinə əsasən Şəxs müvafiq olaraq hər ay hər qətnamə üzrə 130 manat və 170 manat aliment tutularaq tələbkara verilməsi qət edilmişdir. Borclu hazırda qeyd olunan aliment borcundan 500 manat ödəniş etmişdir. Əvvəlki məhkəmə iclasında isə 700 azn ödəniş etmişdir. Borclu Şəxs aliment borcundan 1200 manat ödədiyini, hər ay qalıq borcdan hər ay ödəməyi öhdəsinə götürdüyünü bildirərək şikayəti və tələb olmadığından inzibati xəta haqqında protokola xitam verilməsini xahiş etmişdir. İş materiallarında olan və məhkəmə baxışında tədqiq edilmiş: İşdə olan xx.xx.2024-cü il tarixli MN ******* saylı protokoldan görünür ki, Mingəçevir şəhər məhkəməsinin xx.xx.2019-cu il tarixli 2(051)-2357/2019 və Mingəçevir şəhər Məhkəməsinin xx.xx.2023-cü il tarixli 2(051)-1430/2023-cü il tarixli icra sənədləri üzrə icra ödənişinin 4460 manat məbləğində borcu Şəxs tərəfindən ödənilmədiyindən, onun barəsində AR İXM-nin 528.1-ci maddəsi ilə inzibati xəta haqqında protokol tərtib edilmişdir. İşdə olan Mingəçevir Şəhər Məhkəməsinin xx.xx.2019-cu il tarixli icra vərəqəsindən görünür ki, borclu Şəxs hər ay 130 manat məbləğində alimentin tutularaq tələbkar Zərərçəkmiş şəxs Raqif qızına verilməsi qət edilmişdir. İşdə olan Mingəçevir Şəhər Məhkəməsinin xx.xx.2023-cü il tarixli icra vərəqəsindən görünür ki, borclu Şəxs hər ay 170 manat məbləğində alimentin tutularaq tələbkar Zərərçəkmiş şəxs Raqif qızına verilməsi qət edilmişdir. İşə əlavə olunmuş xx.xx.2020-ci il tarixli icraata başlamaq haqqında qərardan görünür ki, Mingəçevir şəhər İcra və Probasiya şöbəsinin icra məmuru Sənan Hacıməmmədovun icraatına daxil olmuş Mingəçevir Şəhər Məhkəməsinin 2(051)- 2357/2019 saylı, xx.xx.2019-cu il tarixli icra sənədi üzrə icraata başlamışdır. İşə əlavə olunmuş xx.xx.2023-cü il tarixli icraata başlamaq haqqında qərardan görünür ki, Mingəçevir şəhər İcra və Probasiya şöbəsinin icra məmuru Sənan Hacıməmmədovun icraatına daxil olmuş Mingəçevir Şəhər Məhkəməsinin 2(051)- 1430/2023 saylı, xx.xx.2023-cü il tarixli icra sənədi üzrə icraata başlamışdır İşdə olan xx.xx.2020-ci il tarixli tələbin könüllü icrası haqqında bildirişin surətindən görünür ki, ondan 2(051)-2357/2019 saylı, xx.xx.2019 saylı icra sənədləri üzrə borcunun 10 gün müddətində könüllü icrası xahiş edilmişdir. İşdə olan xx.xx.2023-cü il tarixli tələbin könüllü icrası haqqında bildirişin surətindən görünür ki, ondan (051)-1430/2023 saylı, xx.xx.2023 saylı icra sənədləri üzrə borcunun 10 gün müddətində könüllü icrası xahiş edilmişdir. İşdə olan Mingəçevir şəhər məhkəməsinin 3(051)-497/2021 saylı xx.xx.2021-ci il tarixli qərardan görünür ki, Şəxs İXM-nın 528.1-ci maddəsində nəzərdə tutulan inzibati xətanı törətməkdə təqsirli bilinərək 8 gün müddətinə həbs edilmişdir. Məhkəməyə təqdim edilmiş qəbzlərdən görünür ki, Beləliklə, borclunun izahatı, icra məmurunun məhkəməyə təqdim etdiyi məktubdan, işdə olan sənədlər və digər iş materialları ilə müəyyən olunur ki, borclu Şəxs icra sənədinin qəsdən və qərəzli olaraq icrasından yayınmamış, yəni borcunu maddi vəziyyəti yaxşı olmadığından ödəyə bilməmiş və xüsusən icra məmurunun qanuni tələbinə tabesizlik göstərməmişdir. Belə ki, iş materialları araşdırılarkən müəyyən olundu ki, borclu icra sənədi üzrə yaranmış borcundan tələbkara ümumilikdə 1200 manat ödəniş etmiş qalıq borcun hissə-hissə ödənilməsi ilə bağlı tələbkar və borclu arasında razılaşma əldə edilmişdir. Azərbaycan Respublikası İnzibati Xətalar Məcəlləsinin: İnzibati Xətalar Məcəlləsinin 53.1.1-ci maddəsinə əsasən inzibati xəta hadisəsi olmadığından borclu Şəxs barəsində inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 105.2-ci maddəsinə əsasən inzibati xəta haqqında işin icraata xitam verilməsi haqqında qərarın surəti barəsində belə qərar qəbul edilmiş şəxslərə və zərərçəkmiş şəxsə göndərilir. 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir; 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. İnzibati xəta haqqında protokolu, icra məmurunun, tələbkarın və borclunun izahatlarını, barəsində inzibati xəta haqqında iş üzrə icraat aparılan şəxsin izahatı, borclu ilə tələbkar arasında razılığı, eyni zamanda inzibati işin materialında da olan sənədləri nəzərdən keçirib iş üzrə sübutları qiymətləndirərək məhkəmə hesab edir ki, iş üzrə icraat xitam verilməlidir. Bu səbəbdən məhkəmə hesab edir ki, Azərbaycan Respublikası İXM-in 53.1.1-ci maddəsinə əsasən borclu Şəxs barəsində olan inzibati xəta haqqında işə, inzibati xəta hadisəsinin olmadığı əsası ilə xitam verilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 48–50, 53, 106, 112, 114, 117 və 128–130–cu maddələrini rəhbər tutaraq məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işin icraatına xitam verilsin. Qərardan, qərarın surəti təqdim edildiyi və ya alındığı gündən 10 (on) gün müddətində Mingəçevir Şəhər Məhkəməsi (Mingəçevir şəh., S.Vurğun 16) vasitəsilə Şəki Apellyasiya Məhkəməsinə (Şəki şəh., Sabit Rəhman 7) şikayət verilə bilər. Hakim: Elza Cəbrayılzadə