Mingəçevir Şəhər Məhkəməsi Qərar — İş №3(051)-543/2022

Azərbaycan Respublikası adından QƏRAR Mingəçevir şəhəri İş № 3(051)-543/2022 09.09.2022 MİNGƏÇEVİR ŞƏHƏR MƏHKƏMƏSİ Hakim Cəbrayılzadə Elza Vaqif qızının sədrliyi Həsənli Cavid Qurban oğlunun katibliyi Mingəçevir şəhər İcra və Probasiya Şöbəsinin icra məmuru: X6, İcra sənədi üzrə borclu: Şəxs X1 iştirakı ilə xx.xx.1984-cü ildə Mingəçevir şəhərində anadan olmuş, Azərbaycan Respublikasının vətəndaşı, subay, əvvəllər məhkum olunmayan,ünvan 1 ünvanında qeydiyyatda olmaqla, ünvan 2 Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏNETDİ: Mingəçevir şəhər İcra və Probasiya Şöbəsinin icra məmuru tərəfindən borclu Şəxs barəsində Azərbaycan Respublikası İXM-in 528.1-ci maddəsi ilə inbzibati xəta haqqında xx.xx.2022-ci il tarixli, ******* saylı protokol tərtib edilərək məhkəməyə verilmişdir. Belə ki, Göygöl rayon Məhkəməsinin 2(066)-1809/2017 saylı, 21 iyul 2017-ci il tarixli icra vərəqəsinə əsasən 21 iyun 2017-ci il tarixdən başlayaraq, 19 dekabr 2013-ci il təvəllüdlü Hüseyn və 24 Noyabr 2014-cü il təvəllüdlü Yusif adlı uşaqların yetkinlik yaşına çatana qədər saxlanması üçün hər ay cavabdehin əmək haqqının 1/3 hissəsinin tutulub tələbkara verilməsi, Mingəçevir şəhər Məhkəməsinin 2(051)-1398/2020 saylı xx.xx.2020-ci il tarixli qanuni qüvvəyə minmiş icra sənədi əsasında isə hər ay hər uşaq üçün 130 manat olmaqla, cəmi 260 manat məbləğində aliment X3 xeyrinə tutulmuş, lakin Şəxs müəyyən edilmiş məbləğləri ödəməmiş və nəticədə 3037 manat məbləğində borcu yaranmışdır. Alimentin ödənilməsini nəzərdə tutan icra sənədinin icrası ilə əlaqədar Mingəçevir şəhər İcra və Probasiya Şöbəsinin icra məmurunun qanuni tələblərinə qəsdən tabe olmamış, qətnamənin tələblərinə məhəl qoymayaraq borcun ödənilməsindən boyun qaçırmış, bununla da borcunu ödəməkdən yayınmışdır. Mingəçevir şəhər İcra və Probasiya Şöbəsinin icra məmuru X8 məhkəmə iclası zamanı inzibati xəta haqqında protokolun dəlillərini müdafiə edərək izahatında göstərdi ki, borclu yanvar ayından etibarən hər ay 300 manat ödəməyə başlamışdır, lakin Şəxs 3037 manat borcu vardır. Məhkəmə iclası zamanı borclu Şəxs izahatında göstərdi ki, bir müddət işləyə bilmədiyindən alimenti ödəyə bilməmişdir. Hal-hazırda da hər ay 300 manat olmaqla mütəmadi olaraq aliment borcunu ödəyir. Borcunu ödəməkdən boyun qaçırmır. Artıq tələbkara olan 3037 manat borcunun hazırki tarixdə 500 manat və 1500 manat olmaqla, 2000 manat məbləğini. Qərar qəbul edilərkən izahatında göstərilənləri nəzərə almağı məhkəmədən xahiş edir. X2 məhkəmə iclası zamanı ifadəsində bildirdi ki, Göygöl rayon Məhkəməsinin 2(066)- 1809/2017 saylı, 21 iyul 2017-ci il tarixli icra vərəqəsinə əsasən 21 iyun 2017-ci il tarixdən başlayaraq, 19 dekabr 2013-ci il təvəllüdlü Hüseyn və 24 Noyabr 2014-cü il təvəllüdlü Yusif adlı uşaqların yetkinlik yaşına çatanacan saxlanması üçün hər ay cavabdehin əmək haqqının 1/3 hissəsinin, Mingəçevir şəhər Məhkəməsinin 2(051)-1398/2020 saylı xx.xx.2020-ci il tarixli qanuni qüvvəyə minmiş icra sənədi əsasında isə hər ay hər uşaq üçün 130 manat olmaqla, cəmi 260 manat məbləğində aliment ona verilməsi qət edilmişdir. Cavabdeh bugünkü günəcən yığılan borcunu tam ödəməmişdir. Ancaq məhkəmə iclası zamanı borcundan 500 manat və 1500 manat olmaqla, cəmi 2000 manat pulu ona ödəmişdir. Cavabdehlə artıq borcu həmin hissəsində razılığa gəlmişlər. Odur ki, məhkəmədən izahatında göstərilənləri nəzərə alıb qərar qəbul edilməsini xahiş edir. İş materiallarında olan və məhkəmə baxışında tədqiq edilmiş: İşə əlavə olunmuş Göygöl rayon Məhkəməsinin 2(066)-1809/2017 saylı, 21 iyul 2017ci il tarixli icra vərəqəsinə əsasən 21 iyun 2017-ci il tarixdən başlayaraq, 19 dekabr 2013-ci il təvəllüdlü Hüseyn və 24 Noyabr 2014-cü il təvəllüdlü Yusif adlı uşaqların yetkinlik yaşına çatanacan saxlanması üçün hər ay cavabdehin əmək haqqının 1/3 hissəsinin tutulub X3 xeyrinə tutulması qət olunmuşdur. İşə əlavə olunmuş Mingəçevir şəhər Məhkəməsinin 2(051)-1398/2020 saylı xx.xx.2020-ci il tarixli qanuni qüvvəyə minmiş icra sənədi əsasında isə hər ay hər uşaq üçün 130 manat olmaqla, cəmi 260 manat məbləğində aliment X3 xeyrinə tutulması qət olunmuşdur. İşə əlavə olunmuş 05 sentyabr 2017-ci il tarixli icraata başlamaq haqqında qərardan görünür ki, Goranboy rayon İcra məmuru İbrahimov Ramin 05 sentyabr 2017-ci il tarixdə icraatına daxil olmuş Göygöl rayon Məhkəməsi tərəfindən verilmiş 2(066)-1809/2017 saylı, 21 iyul 2017 tarixli icra sənədi üzrə icraata başlamışdır. İşə əlavə olunmuş 05 noyabr 2020-ci il tarixli icraata başlamaq haqqında qərardan görünür ki, Mingəçevir şəhər İcra məmuru X8 05 noyabr 2020-ci il tarixdə icraatına daxil olmuş Mingəçevir şəhər Məhkəməsi tərəfindən verilmiş 2(051)-1398/2020 saylı xx.xx.2020-ci il tarixli icra sənədi üzrə icraata başlamışdır. İşə əlavə olunmuş 05 sentyabr 2017-ci il tarixli tələbin könüllü icrası barədə Bildirişdən görünür ki, Şəxs 05 sentyabr 2017-ci il tarixli qərarla icraata başladığı Göygöl rayon Məhkəməsi tərəfindən verilmiş 2(066)-1809/2017 saylı, 21 iyul 2017 tarixli icra sənədində göstərilən tələbi dərhal icra etməsi tələb olunmuşdur. İşə əlavə olunmuş 05 noyabr 2020-ci il tarixli tələbin könüllü icrası barədə Bildirişdən görünür ki, Şəxs 05 noyabr 2020-ci il tarixli qərarla icraata başladığı Mingəçevir şəhər Məhkəməsi tərəfindən verilmiş 2(051)-1398/2020 saylı xx.xx.2020-ci il tarixli icra sənədində göstərilən tələbi dərhal icra etməsi tələb olunmuşdur. İşə əlavə olunmuş qəbzdən görünür ki, Şəxs aliment borcundan müvafiq olaraq 500 manat məbləğində ödəniş etmişdir. İşə əlavə olunmuş X2 tərəfindən verilmiş ərizədən görünür ki, borclu Şəxs tərəfindən xx.xx.2022-ci il tarixdə 1500 manat məbləğində aliment ödənişini almışdır. Beləliklə, işdə iştirak edən şəxslərin izahatları, işdə olan sənədlər və digər iş materialları ilə borclu Şəxs icra sənədini qəsdən və qərəzli olaraq icra etməməsi, qəsdən yayınması və xüsusən icra məmurunun qanuni tələbinə qəsdən tabe olmaması müəyyən olunmur. Belə ki, iş materialları və işdə iştirak edən şəxslərin izahatı ilə müəyyən edilir ki, borclu borcunu ödəməkdən qəsdən boyun qaçırmamışdır. Belə ki, borclu işləyə bilməmiş, nəticədə alimenti ödəyə bilməmişdir. Hal-hazırda isə o aliment borcunun yarısından çoxunu ödəmişdir və bu o deməkdir ki, o borcunun icrasından boyun qaçırmır. Tələbkar ilə aralarında olan narazılıq həllini tapmışdır. Ona görə də məhkəmə hesab edir ki, borclu öhdəliyindən qəsdən imtina etməmişdir. Azərbaycan Respublikası İnzibati Xətalar Məcəlləsinin: İnzibati Xətalar Məcəlləsinin 53.1.1-ci maddəsinə əsasən inzibati xəta hadisəsi olmadığından borclu Şəxs barəsində inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 105.2-ci maddəsinə əsasən inzibati xəta haqqında işin icraata xitam verilməsi haqqında qərarın surəi barəsində belə qərar qəbul edilmiş şəxslərə və zərərçəkmiş şəxsə göndərilir. 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir; 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. İnzibati xəta haqqında protokolu, icra məmurunun, barəsində inzibati xəta haqqında iş üzrə icraat aparılan şəxsin və tələbkarın izahatlarını, tələbkarın ərizəsini və qəbzi, eyni zamanda inzibati işin materialında da olan sənədləri nəzərdən keçirib iş üzrə sübutları qiymətləndirərək məhkəmə hesab edir ki, iş üzrə icraat xitam verilməlidir. Bu səbəbdən məhkəmə hesab edir ki, Azərbaycan Respublikası İXM-in 53.1.1-ci maddəsinə əsasən borclu Şəxs barəsində olan inzibati xəta haqqında işə, inzibati xəta hadisəsi olmadığı əsası ilə xitam verilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 48–50, 53, 106, 112, 114, 117 və 128–130–cu maddələrini rəhbər tutaraq məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işin icraatına xitam verilsin. Qərardan, qərarın surəti təqdim edildiyi və ya alındığı gündən 10 (on) gün müddətində Mingəçevir Şəhər Məhkəməsi (Mingəçevir şəh., S.Vurğun 16) vasitəsilə Şəki Apellyasiya Məhkəməsinə (Şəki şəh., Sabit Rəhman 7) şikayət verilə bilər. HAKİM: Elza Cəbrayılzadə