Mingəçevir Şəhər Məhkəməsi Qərar — İş №3(051)-562/2021

Azərbaycan Respublikası adından QƏRAR Mingəçevir şəhəri İş № 3(051)-562/2021 21.06.2021 MİNGƏÇEVİR ŞƏHƏR MƏHKƏMƏSİ Mən, Mingəçevir şəhər məhkəməsinin hakimi Hüseynov Ələkbər Məmmədtağı oğlu, Ağayeva Aynurə Nizami qızının katibliyi və zərər çəkmiş Zərərçəkmiş şəxs iştirakı ilə, xx xxxx 1980-ci ildə Mingəçevir şəhərində doğulmuş, subay, işləməyən, ünvan 1 ünvanında yaşayan Şəxs Azərbaycan Respublikası İXM-nin 157-ci maddəsi ilə olan inzibati xəta haqqında işə açıq məhkəmə iclasında baxaraq müəyyən e t d i m: Şəxs 16.05.2021-ci il tarixdə saat 12 radələrində Mingəçevir şəhər İcra və Probasiya Şöbəsinin qarşısında Zərərçəkmiş şəxs ilə aralarında yaranmış mübahisə zamanı onu əlləri ilə vuraraq döymüşdür. Məhkəmə iclasında Şəxs ona istinad edilən inzibati xətanı törətməkdə özünü təqsirli bilməyərək verdiyi izahatında bu əməli etmədiyini, ona görə də, barəsində olan inzibati iş üzrə icrata xitam verilməsini xahiş etmişdir. Zərərçəkmiş Zərərçəkmiş şəxs məhkəmə iclasında verdiyi izahatında göstərmişdir ki, o Şəxs ilə barışmamışdır. Onun barəsində qanunla nəzərdə tutulmuş qaydada cəza verilməsini xahiş edir. İnzibati xəta haqqında işdə olan sənədlərdən görünür ki, 16.05.2021-ci il tarixdə ünvan 2 ünvanında yaşayan Zərərçəkmiş şəxs ərizə ilə müraciət edərək eyni tarixdə saat 12 radələrində Mingəçevir şəhər İcra və Probasiya Şöbəsinin qarşısında Zərərçəkmiş şəxs ilə aralarında yaranmış mübahisə zamanı onu əlləri ilə vuraraq ona xəsarət yetirməsini bildirərək həmin şəxsin barəsində qanuni tədbir görülməsini xahiş etmişdir. Zərərçəkmiş şəxs üzərində xəsarətlərin olub-olmamasını aydınlaşdırmaq üçün tibbi ekspertiza təyin edilərək rəy alınmışdır. Təhqiqat zamanı müəyyən edilmişdir ki, Zərərçəkmiş şəxs 16.05.2021-ci il tarixdə Şəxs ilə mübahisə etmiş, mübahisə zamanı Zərərçəkmiş şəxs bədənində aşkar olunan xəsarətlər – sağ said nahiyyəsində, sağ dirsək nahiyyəsində sıyrıqlar, sağ bazu və sağ yanaq nahiyyəsində qançırlar, küt əşyanın (alətin) təsirindən əmələ gəlmişdir. Yetirilmə müddətləri qərarda göstərilən 16.05.2021-ci il tarixə uyğundurlar, sağlamlığa zərər vurmadıqları üçün dərəcələri təyin olunmur. Təhqiqatçının 26 may 2021-ci il tarixli qərarı ilə Şəxs barəsində cinayət işinin başlanması rədd edilmişdir. Beləliklə, məhkəmədə inzibati xəta haqqında iş üzrə icraat aparılan şəxsin, zərər çəkmişin izahatları dinlənilib, təqdim olunmuş sənədlər araşdırılıb məcmu halda qiymət verilməklə müəyyən olunmuşdur ki, X1 16.05.2021-ci il tarixdə saat 12 radələrində Mingəçevir şəhər İcra və Probasiya Şöbəsinin qarşısında Zərərçəkmiş şəxs ilə aralarında yaranmış mübahisə zamanı onu əlləri ilə vuraraq döymüşdür. Azərbaycan Respublikası İXM-nin 157-ci maddəsində döymə və ya sair zorakı hərəkətlərlə qəsdən fiziki ağrı yetirmə inzibati xəta kimi nəzərdə tutulmuşdur. Şəxs əməlində Azərbaycan Respublikası İXM-nin 157-ci maddəsində nəzərdə tutulmuş inzibati xətanın tərkibi vardır və ona həmin maddənin sanksiyasında nəzərdə tutulan inzibati tənbeh tətbiq edilməlidir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31-ci maddəsində göstərilmişdir ki, inzibati xətaya görə tənbeh bu Məcəlləyə uyğun olaraq tətbiq edilir. Fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədənin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs məsuliyyətini yüngülləşdirən və ya ağırlaşdıran hal müəyyən edilmədi. Şəxs şəxsiyyətini, törətdiyi inzibati xətanın xarakterini, məsuliyyəti yüngülləşdirən və ağırlaşdıran halları nəzərə alaraq hesab edirəm ki, ona cərimə növündə inzibati tənbehin tətbiq edilməsi tənbehin məqsədlərini təmin edə bilər. Yuxarıda şərh olunanlara əsasən və Azərbaycan Respublikasının İXM-nin 21, 40 , 43, 48-51, 114, 128-130-cu maddələrini rəhbər tutaraq qərara aldım: Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulan inzibati xətanı törətməkdə təqsirli bilinib, 300 (üç yüz) manat miqdarda inzibati cərimə edilsin. Qərarın surəti təqdim edildiyi və ya alındığı vaxtdan 10 (on) gün müddətində Mingəçevir şəhər məhkəməsi vasitəsilə Şəki Apellyasiya Məhkəməsinə şikayət bilər. HAKİM Ələkbər Hüseynov