Mingəçevir Şəhər Məhkəməsi Qərardad — İş №3(051)-59/2023

Azərbaycan Respublikası adından QƏRARDAD Mingəçevir şəhəri İş № 3(051)-59/2023 12.01.2023 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızı Ağakişiyeva Aləmzar Həmid qızının katibliyi ilə, ünvan 1 ünvanda qeydiyyatda olan "xxxx" MMC barəsində Azərbaycan Respublikası İnzibati Xətalar Məcəlləsinin 347-ci maddəsi ilə Mingəçevir şəhəri PŞ DYPB-dən daxil olmuş inzibati xəta haqqında materiala baxaraq M ü ə y y ə n e t d i m: Mingəçevir şəhəri PŞ DYPB tərəfindən tərtib olunmuş xx.xx.2022-ci il tarixli, İXP ******* saylı inzibati xəta haqqında protokoldan görünür ki, "xxxx" MMC-nin (hüquqi şəxsin) mülkiyyətində və yaxud dövlət qurumunun istifadəsində olan “RANGE ROVER VOGUE” avtomaşınını inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqan tərəfindən bu barədə sorğu daxil olduğu vaxtdan 5 gün müddətində verilməməsinə görə barəsində İXM-nin 347-ci maddəsi ilə inzibati protokol tərtib edilərək məhkəməyə göndərilmişdir. Məhkəməyə göndərilmiş materialı nəzərdən keçirib hesab edirəm ki, "xxxx" MMC barəsində tərtib edilmiş inzibati xəta haqqında protokol geri qaytarılmalıdır. Belə ki, Azərbaycan Respublikası İXM-nin 109.1.6-cı maddəsinə əsasən təqdim edilmiş materiallar natamam olduqda inzibati xəta haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərar qəbul edilir. RANGE ROVER VOGUE MİNİK markalı, 45AB001 dövlət qeydiyyat nişanlı nəqliyyat vasitəsinin isə "xxxx" MMC-nin (hüquqi şəxsin) mülkiyyətində və yaxud istifadəsində olmasını təsdiq edən sənəd protokola əlavə edilməmişdir. Göstərilənlərə əsasən və Azərbaycan Respublikasının İXM-nin 109.1.6-cı maddəsini rəhbər tutub Qəraraaldım: Mingəçevir şəhər Polis Şöbəsi tərəfindən "xxxx" MMC barəsində Azərbaycan Respublikası İnzibati Xətalar Məcəlləsinin 347-ci maddəsi ilə tərtib edilmiş inzibati xəta haqqında protokol geri qaytarılsın. Məhkəmənin hakimi: Məhburə Kərimova