Mingəçevir Şəhər Məhkəməsi Qərar — İş №3(051)-680/2025

Azərbaycan Respublikası adından QƏRAR Mingəçevir şəhəri İş № 3(051)-680/2025 30.09.2025 MİNGƏÇEVİR ŞƏHƏR MƏHKƏMƏSİ Mingəçevir Şəhər Məhkəməsinin hakimi Hüseynli Tural Mirbahəddin oğlunun, Ağayeva Aynurə Nizami qızının katibliyi, Mingəçevir Şəhər Polis Şöbəsinin İTB-nin polis sahə rəisi X1, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs iştirakları ilə xx.xx.1988-ci ildə Mingəçevir şəhərində anadan olmuş, Azərbaycan Respublikasının vətəndaşı,subay, Yevlax rayonu,Havarlı Ərazi Dairəsi,Havarlı kəndində yaşayan (FİN xxxxxxx) Azərbaycan Respublikası İXM–nin 510-cu maddəsi ilə barəsində tərtib edilmiş inzibati xəta haqqında protokola inzibati xəta haqqında iş üzrə icraatda açıq məhkəmə icasında baxaraq MÜƏYYƏNETDİ: İşin halları: Şəxs xx.xx.2025-ci il tarixdə saat 07:20 radələrində Mingəçevir şəhərində ictimai ərazidə yaranmış mübahisə zamanı ucadan səs-küy salaraq ünvansız küçə söyüşləri şöymüş, Zərərçəkmiş şəxs təhqir etmişdir. Bu hərəkətləri ilə bağlı Mingəçevir ŞPŞ İTB tərəfindən Şəxs barəsində Azərbaycan Respublikası İXM-in 510-cu maddəsi ilə inzibati xəta haqqında protokol tərtib olunaraq baxılması üçün məhkəməyə göndərilmişdir. Məhkəmə iclasında Mingəçevir ŞPŞ-nin İTB-nin sahə rəisi X2 protokola uyğun izahat verərək onun təmin edilməsini xahiş etmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclası zamanı öz izahatında göstərdi ki, xx.xx.2025-ci il tarixdə Mingəçevir şəhərində ictimai ərazidə yaranmış mübahisə zamanı ucadan səs-küy salaraq ünvansız küçə söyüşləri şöymüş, Zərərçəkmiş şəxs təhqir etmişdir. Bundan sonra polis əməkdaşları onu polis şöbəsinə aparmışlar. Əməlindən peşmandır. Bir daha belə hadisəyə yol verməyəcəyini bildirmişdir. Ona görə də barəsində yüngül cəza verilməsini xahiş edir. Zərərçəkmiş şəxs məhkəmə iclası zamanı verdiyi izahatında bildirdi ki, Şəxs xx.xx.2025-ci il tarixdə Mingəçevir şəhərində, 14 nömrəli tam orta məktəbin qarşısında, ictimai ərazidə aralarında yaranmış mübahisə zamanı ucadan səs-küy salaraq ünvansız küçə söyüşləri şöymüş, onu təhqir etmişdir. Həmin hadisənin səsyazısını məhkəməyə təqdim edir. Pərvizdən şikayətçidir. Onun barəsində tədbir görülməsini xahiş edir. Sübutların tədqiqi: İşdə olan 30 sentyabr 2025-ci il tarixli, MN seriyalı ******* saylı inzibati xəta haqqında protokoldan görünür ki, Şəxs İXM 510-cu maddəsində nəzərdə tutulmuş inzibati xətanı törətmişdir. Məhkəmə iclası zamanı Zərərçəkmiş şəxs mobil telefon vasitəsi ilə təqdim etdiyi səsyazısına baxış keçirilərkən Şəxs Zərərçəkmiş şəxs açıq söyüşlə təhqir etməsi müəyyən olunmuşdur. Həmin səsyazısı CD diskə köçürülərək iş materiallarına əlavə olunmuşdur. Məhkəmənin gəldiyi nəticə: Azərbaycan Respublikası İXM-nin 510-cu maddəsinə əsasən yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər xırda xuliqanlıq hesab olunur və əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Məhkəmə, inzibati xəta haqqında protokola, məhkəmə iclası zamanı təqdim olunmuş səsyazısına, iş materiallarına və barəsində inzibati xəta haqqında iş üzrə icraat aparılan şəxs Şəxs verdiyi izahata qiymət verərək, belə nəticəyə gəlir ki, Şəxs ictimai qaydanı pozmaqla Azərbaycan Respublikası İnzibati Xətalar Məcəlləsinin 510–cu maddəsində nəzərdə tutulmuş inzibati xətanı törətmiş və onun əməlində inzibati xəta tərkibinin bütün əlamətləri mövcuddur. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun olmalıdır. Həmin Məcəllənin 31-ci maddəsinin tələblərinə görə fiziki şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs həmin inzibati xətanı ilk dəfə törətməsi və əməlindən peşman olması onun məsuliyyətini yüngülləşdirən hal kimi qiymətləndirir. Şəxs məsuliyyətini ağırlaşdıran hal müəyyən edilməmişdir. Beləliklə, məhkəmə, inzibati xətanın xarakterini, inzibati xəta törətmiş şəxsin şəxsiyyətini və onun təqsirinin dərəcəsini, məsuliyyəti yüngülləşdirən halları və məsuliyyəti ağırlaşdıran halın olmamasını nəzərə alaraq, hesab edir ki, Şəxs barəsində cərimə növündə inzibati tənbeh tədbirinin tətbiq edilməsini qanuni, əsaslı, ədalətli və inzibati tənbehin məqsədlərinə uyğundur. Göstərilənlərə əsasən və Azərbaycan Respublikası İXM-nin 31.4-1, 40, 43, 48-51, 114, 128-130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinib 100 (yüz) manat məbləğində cərimə edilsin. Qərardan, rəsmi qaydada verildiyi gündən 10 (on) gün müddətinə həmin qərarı qəbul etmiş hakim vasitəsilə və ya birbaşa apelyasiya instansiya məhkəməsinə şikayət və ya protest verilə bilər. Məhkəmənin hakimi Tural Hüseynli