Mingəçevir Şəhər Məhkəməsi Qərar — İş №3(051)-693/2024

Azərbaycan Respublikası adından QƏRAR Mingəçevir şəhəri İş № 3(051)-693/2024 16.10.2024 MİNGƏÇEVİR ŞƏHƏR MƏHKƏMƏSİ Mingəçevir şəhər məhkəməsinin hakimi Cəbrayılzadə Elza Vaqif qızı, Məhkəmə iclas katibi Ağakişiyeva Aləmzar Həmid qızının katibliyi Barəsində inizbati xəta haqqında iş üzrə icraat aparılan şəxs Şəxs, Mingəçevir Şəhər YPX-nin polis baş serjantı X1 iştirakı ilə, xx.xx.1992-ci ildə Ağdam rayonu, Qızıllı kəndində anadan olmuş, Azərbaycan Respublikasının vətəndaşı, evli, orta təhsilli, işləməyən, Ağdam rayonu, Qızıllı kəndində qeydiiyyatda olan, Mingəçevir şəhəri, Sağ sahil qəsəbəsi, ünvan 1 ünvanında yaşayan Şəxs barəsində Azərbaycan Respublikası İXM-nin 511.1.3-cü maddələri ilə Mingəçevir Şəhər Polis Şöbəsindən daxil olmuş inzibati xəta haqqında işə baxaraq, müəyyənetdi: Mingəçevir şəhər Polis şöbəsi tərəfindən tərtib edilmiş İXP ******* saylı xx.xx.2024-cü il tarixli protokoldan görünür ki, Şəxs xx.xx.2024-cü il tarixdə, saat 23:20 radələrində idarə etdiyi “BMW 318” minik markalı **-CN-*** dövlət qeydiyyat nişanlı nəqliyyat vasitəsilə Mingəçevir şəhəri H.Əliyev prospektində Kürün dairəsində surətlə bir neçə dəfə manevr edərək ictimai qaydanı nümayişkəranə şəkildə pozaraq avtomaşının əyləcindən istifadə etməklə davamlı olaraq sağ-sol etməklə avtoxuliqanlıq hərəkətləri edərək ictimai qaydanı kobud surətdə pozmuşdur. Ona görə də barəsində Azərbaycan Respublikası İXM-nin 511.1.3-cü maddəsi ilə protokol tərtib edilərək məhkəməyə verilmişdir. Şəxs məhkəmə iclasında özünü təqsirli bilərək verdiyi izahatında bildirdi ki, “BMW 318” minik markalı **-CN-*** dövlət qeydiyyat nişanlı nəqliyyat vasitəsi ona məxsusdur. xx.xx.2024-cü il tarixdə, saat 23:30-da radələrində idarə etdiyi “BMW 318” minik markalı **-CN-*** dövlət qeydiyyat nişanlı nəqliyyat vasitəsi ilə Mingəçevir şəhəri, H.Əliyev prospektində, Kürün dairsində hərəkətdə olan zaman idarə etməni itirmiş, bir neçə dəfə manevr etmiş və ictimai qaydanı pozaraq avtomaşının əyləcindən istifadə etməklə sağ-sol hərəkətləri etmişdir. Əməlindən peşimandır. Bir daha bu cür hərəkətlərə yol verməyəcəkdir. Mingəçevir Şəhər YPX-nin polis baş serjantı X2 məhkəmə iclasında verdiyi izahatında bildirid ki, Mingəçevir şəhər PŞ-nin PPXB-nin polis baş serjantı vəzifəsində işləyir. xx.xx.2024-cü il tarixdə, saat 23:30-da radələrində “BMW 318” minik markalı **-CN-*** dövlət qeydiyyat nişanlı nəqliyyat vasitəsini idarə edən sürücü Mingəçevir şəhəri, H.Əliyev prospektində, Kürün dairsində avtomobili sürətləndirərək hərəkət trayektoriyasını qəfl dəyişməklə dairədə avtomobili dəfələrlə fırlanmasına, asfalt-beton ortdüyü üzərində şinlərin iz salmasına səbəb olmuşdur. Sürücü yol-hərəkət qaydalarını davamlı olaraq pozmaqla əl əyləncindən istifadə edərək nəqliyyat vasitəsini fırladaraq avtoxuliqanlıq etməklə ictimai qaydanı və əhalinin dincliyini nümayişkarənə şəkildə pozduğunu gördü. Dərhal həmin əraziyə YPX əməkdaşları cağırldı və sürücü ŞPŞ-nə dəvət olundu. Polis şöbəsində məlum oldu ki, həmin şəxs Mingəçevir şəhər sakini Şəxsdur. DWD diskdən görünür ki, “BMW 318” minik markalı **-CN-*** dövlət qeydiyyat nişanlı nəqliyyat vasitəsini idarə edən sürücü Mingəçevir şəhəri, H.Əliyev prospektində, Kürün dairsində avtomobili sürətləndirərək hərəkət trayektoriyasını qəfl dəyişməklə dairədə avtomobili dəfələrlə fırlanmasına, asfalt-beton ortdüyü üzərində şinlərin iz salmasına səbəb olmuşdur. Barəsində inzibati xəta haqqında iş üzrə icraat aparılan şəxsin və şahidin izahatını dinləyib, iş materiallarını nəzərdən keçirib hesab edirəm ki, Şəxs əməlində Azərbaycan Respublikası İXM-nin 511.1.3-cü maddəsində nəzərdə tutulmuş inzibati xətaların tərkibi vardır və həmin maddələri ilə təqsirli bilinib ona inzibati tənbeh tətbiq edilməlidir. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31-ci maddəsinin tələblərinə görə fiziki şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs əməlindən peşiman olması məsuliyyətini yüngülləşdirən haldır. Məsuliyyətini ağırlaşdıran hal müəyyən olunmadı. Şəxs şəxsiyyətini, törətdiyi inzibati xətanın xarakterini, məsuliyyəti yüngülləşdirən halı, məsuliyyəti ağırlaşdıran halın olmamasını nəzərə alaraq hesab edirəm ki, ona nəqliyyat vasitəsini idarə etmək hüququ məhdudlaşdırılmaqla inzibati cərimə növündə inzibati tənbehin tətbiq edilməsi tənbehin məqsədlərini təmin edə bilər. Göstərilənlərə əsasən və Azərbaycan Respublikası İnzibati Xətalar Məcəlləsinin 21, 40, 43, 48-51, 114, 128-130-ci maddələrini rəhbər tutaraq qəraraaldı: Şəxs Azərbaycan Respublikası İXM-nin 511.1.3-cü maddəsində nəzərdə tutulmuş inzibati xətanı törətməkdə təqsirli bilinərək 1 (bir) il müddətinə nəqliyyat vasitəsini idarə etmək hüququ məhdudlaşdırılmaqla 600 (altı yüz) manat məbləğində inzibati cərimə edilsin. Qərarın surəti təqdim edildiyi və ya alındığı vaxtdan 10 (on) gün müddətində Mingəçevir Şəhər Məhkəməsi vasitəsilə və ya birbaşa Şəki Apelyasiya Məhkəməsinə şikayət verilə bilər. Hakim: Elza Cəbrayılzadə