Mingəçevir Şəhər Məhkəməsi Qərardad — İş №3(051)-778/2025

Azərbaycan Respublikası adından QƏRARDAD Mingəçevir şəhəri İş № 3(051)-778/2025 04.11.2025 MİNGƏÇEVİR ŞƏHƏR MƏHKƏMƏSİ Hakim Quliyeva Güləndam Gündüz qızı X3 tərəfindən Baş Dövlət Yol Polisi İdarəsinin tərtib etdiyi xx.xx.2025-ci il tarixli EQ 31696909 nömrəli inzibati tənbeh vermə haqqında qərardan verilmiş şikayətə və ona əlavə edilmiş sənədlərə baxaraq, MÜƏYYƏN ETDİ: X3 şikayət ərizəsi ilə məhkəməyə müraciət edərək Baş Dövlət Yol Polisi İdarəsinin barəsində tərtib etdiyi xx.xx.2025-ci il tarixli EQ 31696909 nömrəli inzibati tənbeh vermə haqqında qərarın ləğv edilməsini xahiş etmişdir. Məhkəmə ərizəni və ona əlavə edilmiş sənədləri nəzərdən keçirib hesab edir ki, şikayət və ona əlavə edilmiş sənədlər geri qaytarılmalıdır. Belə ki, iş materiallarından görünüdüyü kimi xx.xx.2025-ci il tarixli EQ 31696909 nömrəli inzibati tənbeh vermə haqqında qərarda inzibati xəta hadisənin baş verdiyi yer olaraq Bakı-Qazax yolunun 312 km. qeyd edilmişdir. Həmin inzibati tənbeh vermə haqqında qərar X2 barəsində qəbul edilmişdir. Həmçinin qərardan şikayət vermiş şəxs X3 yaşayış yeri üzrə Gəncə şəhəri, Kəpəz rayonu, ünvan 1 ünvanında qeydiyyatdadır. Azərbaycan Respublikası İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcəllənin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. 128.2.3-cü maddəsinin tələblərinə əsasən inzibati xətalar haqqında işlər üzrə qərardan şikayət və ya protest səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə verilir. Həmin Məcəllənin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - inzibati xətanın törədildiyi yer üzrə rayon (şəhər) məhkəməsinə (bu Məcəllənin 129.1.3-1-ci maddəsində nəzərdə tutulmuş hal istisna olmaqla) verilir. 129.1.3-1-ci maddəsinə əsasən bu Məcəllənin 122.1-ci və 127-3.2-ci maddələrində nəzərdə tutulmuş inzibati tənbeh vermə haqqında elektron qərarlardan məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Baş Dövlət Yol Polisi İdarəsinin xx.xx.2025-ci il tarixli EQ 31696909 nömrəli inzibati tənbeh vermə haqqında qərarı X2 barəsində qəbul edilsə də, qərardan şikayət vermiş şəxs X3 olmuşdur. X3 həmçinin yaşayış yeri üzrə Gəncə şəhəri, Kəpəz rayonu, ünvan 1 ünvanında qeydiyyatdadır. Odur ki, X3 tərəfindən verilmiş şikayət və ona əlavə edilmiş sənədlər geri qaytarılmalıdır. Yuxarıda qeyd olunanlara və AR İXM-nin 109-cu maddəsinin tələblərinə əsasən məhkəmə QƏRARA ALDİ: X3 tərəfindən Baş Dövlət Yol Polisi İdarəsinin tərtib etdiyi xx.xx.2025-ci il tarixli EQ 31696909 nömrəli inzibati tənbeh vermə haqqında qərardan verilmiş şikayət və ona əlavə edilmiş sənədlər X1 qaytarılsın. Hakim Güləndam Quliyeva