Mingəçevir Şəhər Məhkəməsi Qərar — İş №3(051)-799/2022

Azərbaycan Respublikası adından QƏRAR Mingəçevir şəhəri İş № 3(051)-799/2022 05.12.2022 MİNGƏÇEVİR ŞƏHƏR MƏHKƏMƏSİ Mingəçevir şəhər Məhkəməsinin hakimi X1, Həsənli Cavid Qurban oğlunun katibliyi, Mİngəçevir Şəhər İcra və Probasiya Şöbəsinin icra məmuru X4, Tələbkar Həşimova (Hüseynova) Günay İlyas qızının etibarnamə üzrə nümayəndəsi və vəkili Vəkil Barəsində inzibati xəta haqqında iş üzrə icraat aparılan şəxs Şəxs və vəkili X5 iştirakı ilə, xx.xx.1980-ci ildə Naxçıvan MR, Babək rayonu, Nəzərabad kəndində anadan olmuş, Azərbaycan Respublikasının vətəndaşı, evli, əvvəllər məhkum olunmuyan, ünvan 1 ünvanında qeydiyyatda olmaqla yaşayan Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Mingəçevir şəhər İcra və Probasiya Şöbəsindən daxil olmuş xx.xx.2022-ci il tarixli inzibati xəta haqqında protokolda göstərilmişdir ki, Suraxanı Rayon Məhkəməsinin xx.xx.2011-ci il tarixli, 2(010)-348/2011 saylı icra sənədi və Binəqədi rayon Məhkəməsinin xx.xx.2021-ci il tarixli, 2(001)-4282/2021 saylı icra sənədi üzrə yaranmış 19300 manat aliment borcu Şəxs tərəfindən ödənilməmişdir. Borclu tələbi könüllü olaraq icra etməmişdir və icra məmurunun qanuni tələblərinə tabe olmamışdır. Borclunun hal-hazırda 19300 (on doqquz min üç yüz) manat aliment borcu vardır. Bununla da o, İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında Mingəçevir şəhər İcra və Probasiya Şöbəsinin icra məmuru X6 tərtib etdiyi inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, “İcra haqqında” Azərbaycan Respublikası Qanununun tələblərinə uyğun olaraq icra sənədi üzrə icraata başlamaq haqqında qərar qəbul edilərək borcluya tələbin icrası üçün bildiriş göndərilmişdir. Bundan sonra, dəfələrlə borclu Şəxs qətnamənin icrası tələb olunmuşdur. Borclu, Şəxs Azərbaycan Respublikası adından qəbul edilmiş və icrası bütün şəxslər üçün məcburi olan məhkəmə qərarının icrasını təmin etməmiş, icra sənədinin icrasında qərəzli olaraq yayınmış, icra məmurunun qanuni tələblərini yerinə yetirməmişdir. Göstərilənlərə əsasən borclu şəxs Hüseynov X7 Xətalar Məcəlləsinin 528.1ci maddəsində nəzərdə tutulan inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, xx.xx.2008-ci il təvəllüdlü X2 yetkinlik yaşına çatana kimi saxlanması üçün hər ay 150 manat sabit pul məbləğində alimentin iddiaçı X3 verilməsi nəzərdə tutulmuşdur. Mən son iki ilədək hər ay vaxtı-vaxtında aliment borcumu ödəmişəm. Son iki ildə isə uşağı məndən gizlətdilər, göstərmədilər. Ona görə məndə acığa düşüb ödəmədim. Buna baxmayaraq atam və əmimoğlu cavabdehin hesabına aliment borcundan 5600 manata yaxın pul vurmuşdur. Həmin qəbzlər məndədir. Ümumi 19300 azn borcdan son iki ildə ödəmədiyim hesablasaq mənim cavabdehə 5400 manat borcum qalmışdır. Barəsində inzibati xəta haqqında iş üzrə icraat aparılan şəxs Şəxs vəkili X9 məhkəmə iclası zamanı borclunun izahatına uyğun izahat verdi və bildirdi ki, borclu borcunu ödəməkdən boyun qaçırmadığı üçün barəsində inzibati xəta haqqında protokola xitam verilməlidir. Tələbkar Həşimova (Hüseynova) Günay İlyas qızının etibarnamə üzrə nümayəndəsi və vəkili Vəkil məhkəmə iclası zamanı izahat verdi və borcun tam ödənilməsini xahiş etdi. Odur ki, izahatında göstərilənləri nəzərə alıb, borclunun inzibati məsuliyyətə cəlb olunmasını xahiş etmişdir. İş materiallarında olan və məhkəmə baxışında tədqiq edilmiş: Suraxanı Rayon Məhkəməsinin xx.xx.2011-ci il tarixli, 2(010)-348/2011 saylı icra vərəqəsindən görünür ki, Şəxs xx.xx.2007-ci il təvəllüdlü Özcan və xx.xx.2008-ci il təvəllüdlü Nabat adlı uşaqların yetkinlik yaşına çatanadək saxlanması üçün xx.xx.2011-ci il tarixdən başlayaraq, cavabdeh Şəxs hər ay hər uşağa 75 manat olmaqla cəmi 150 manat alimentin tutulub X3 verilməsi qərara alınmışdır. Binəqədi Rayon Məhkəməsinin xx.xx.2021-ci il tarixli, 2(001)-4282/2021 saylı icra vərəqəsindən görünür ki, Şəxs xx.xx.2007-cı il təvəllüdlü Özcan və xx.xx.2008-ci il təvəllüdlü Nabat adlı uşaqların yetkinlik yaşına çatanadək saxlanması üçün xx.xx.2011-ci il tarixdən başlayaraq, cavabdeh Şəxs hər ay hər uşağa görə alınan alimentin məbləği artırılaraq 175 manat olmaqla, cəmi 350 manat alimentin tutulub X3 verilməsi qərara alınmışdır. İcraata başlamaq haqqında xx.xx.2019-cı il tarixli qərarın surətindən görünür ki, Suraxanı Rayon Məhkəməsinin xx.xx.2011-ci il tarixli, 2(010)-348/2011 saylı icra vərəqəsinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir. İcraata başlamaq haqqında xx.xx.2022-cı il tarixli qərarın surətindən görünür ki, Binəqədi Rayon Məhkəməsinin xx.xx.2021-ci il tarixli, 2(001)-4282/2021 saylı icra vərəqəsinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir. Mingəçevir şəhər İcra və Probasiya Şöbəsinin icra məmuru X10 tərəfindən tərtib olunmuş xx.xx.2022-ci il tarixli MN seriyalı ******* saylı inzibati xəta haqqında protokoldan görünür ki, Şəxs Suraxanı Rayon Məhkəməsinin xx.xx.2011-ci il tarixli, 2(010)-348/2011 saylı icra sənədi və Binəqədi rayon Məhkəməsinin xx.xx.2021-ci il tarixli, 2(001)- 4282/2021 saylı icra sənədi üzrə yaranmış 19300 manat aliment borcu yaranmışdır. Azərbaycan Respublikası İXM-in 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati xəta kimi müəyyən edilmişdir. Həmin xətaya görə inzibati cərimə və ya inzibati həbs nəzərdə tutulmuşdur. Şəxs həmin inzibati xətanı törətməsi barəsində tərtib olunmuş yuxarıda qeyd edilən inzibati xəta haqqında protokol, icra vərəqəsi, bildiriş, özünün məhkəməyə verdiyi izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın xarakterini, məhkəmə qərarının icra olunmamasındakı müddəti, inzibati xətanın aliment borcunun icrası ilə əlaqədar olduğunu, alimentin ödənilməməsində uşağın mənafelərinin pozulduğunu nəzərə alaraq, həmçinin pul məbləği ilə bağlı icra sənədini icra etməyən şəxsin yenidən cərimələnməsinin lüzumsuz olduğunu nəzərə alaraq, məhkəmə hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd edilənlərə əsasən məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər. Həmçinin məhkəmə inzibati xəta törətmiş şəxsin nəzərinə çatdırır ki, İXM-in 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən onu azad etmir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, 10 (on) gün müddətinə inzibati həbs edilsin. Həbsetmənin əvvəli 05 dekabr 2022-ci il tarixdən saat 15:00-dan hesablansın. Şəxs məhkəmə iclas zalından həbs edilsin. Qərarın icrası Mingəçevir şəhər Polis Şöbəsinə tapşırılsın. Qərarın surəti rəsmi qaydada verildiyi vaxtdan 10 (on) gün müddətində həmin qərarı qəbul etmiş hakim vasitəsilə və ya birbaşa Şəki Apellyasiya Məhkəməsinə apelyasiya şikayəti və ya protesti verilə bilər. Sədrlik edən Elza Cəbrayılzadə