Mingəçevir Şəhər Məhkəməsi Qərar — İş №3(051)-845/2021

Azərbaycan Respublikası adından QƏRAR Mingəçevir şəhəri İş № 3(051)-845/2021 13.10.2021 MİNGƏÇEVİR ŞƏHƏR MƏHKƏMƏSİ Mingəçevir şəhər Məhkəməsinin hakimi Kərimova Məhburə Kərim qızı Ağakişiyeva Aləmzar Həmid qızının katibliyi Mingəçevir şəhər İcra və Probasiya şöbəsinin icra məmuru X1, barəsində inzibati xəta haqqında iş üzrə icraat aparılan Şəxs iştiraki ilə, xx.xx.1977-ci ildə Mingəçevir şəhərində anadan olmuş, subay, orta təhsilli, işləməyən, ünvan 1 ünvanda yaşayan Şəxs barəsində Azərbaycan Respublikası İnzibati Xətalar Məcəlləsinin 529.1-ci maddəsi ilə Mingəçevir şəhər İcra və Probasiya şöbəsindən daxil olmuş inzibati xəta haqqında materiala baxaraq Müəyyən etdim: Şəxs barəsində olan 16.11.2020-ci il tarixli qərara əsasən 200 manat, 14.07.2020-ci il taixli qərara əsasən 200 manat və 10.04.2021-ci il tarixli qərara əsasən 20 manat məbləğdə inzibati cərimə olunması haqqında qərarları qanunla müəyyən olunmuş müddətdə icra etmədiyinə görə Mingəçevir şəhər İcra və Probasiya şöbəsi tərəfindən onun barəsində İXM-nin 529.1-ci maddəsi ilə inzibati xəta haqqında protokol tərtib edilərək baxılması üçün məhkəməyə göndərilmişdir. Şəxs həmin inzibati xətanı törətməkdə təqsirli olması sübuta yetirilir. Belə ki, iş materiallarından görünür ki, Süleymanov X2 şəhər PS-nin ******* saylı 16.11.2020-ci il tarixli qərarına əsasən Azərbaycan Respublikası İXM-nin 211.3-cü maddəsində nəzərdə tutulmuş inzibati xətanı törətməkdə təqsirli bilinərək 200 manat, Sabunçu rayon Pİ-nin TP4299332 №li 10.04.2021-ci il tarixli qərarına əsasən Azərbaycan Respublikası İXM-nin 338.2-ci maddəsi ilə 20 manat və Nizami rayon RPİ-nin ******* №li 14.07.2020-ci il tarixli MN ******* №li qərarına əsasən Azərbaycan Respublikası İXM-nin 211.1-ci maddəsində nəzərdə tutulmuş inzibati xətanı törətməkdə təqsirli bilinərək 200 manat məbləğdə inzibati cərimə edilmişdir. O, qərar qanuni qüvvəyə mindiyi gündən cəriməni 3 ay müddətində qanunla müəyyən edilmiş əsaslar olmadan ödəməmiş və buna görə də barəsində İnzibati Xətalar Məcəlləsinin 529.1-ci maddəsi ilə inzibati xəta haqqında protokol tərtib edilmişdir. Məhkəmə iclasında Şəxs izahatında bildirdi ki, Mingəçevir şəhər PS-nin 16.11.2020-ci il tarixli qərarına əsasən 200 manat, Sabunçu rayon 10.04.2021-ci il tarixli qərarına əsasən 20 manat və Bakı şəhər Nizami rayon RPİ-nin 14.07.2020-ci il tarixli qərarına əsasən 200 manat cərimə olunmuşdur. İşləmədiyinə görə cəriməni qanunla müəyyən olunmuş vaxt ərzində ödəyə bilməmişdir. Əməlindən peşimandır. Mingəçevir şəhər İcra və Probasiya Şöbəsinin icra məmuru X1 məhkəmə iclasında bildirdi ki, Süleymanov X2 şəhər PS-nin ******* saylı 16.11.2020-ci il tarixli qərarına əsasən Azərbaycan Respublikası İXM-nin 211.3-cü maddəsində nəzərdə tutulmuş inzibati xətanı törətməkdə təqsirli bilinərək 200 manat, Sabunçu rayon Pİ-nin TP4299332 №li 10.04.2021-ci il tarixli qərarına əsasən Azərbaycan Respublikası İXM-nin 338.2-ci maddəsi ilə 20 manat və Bakı şəhər Nizami rayonu RPİ-nin ******* №li 14.07.2020-ci il tarixli qərarı ilə Azərbaycan Respublikası İXM-nin 211.1-ci maddəsinə əsasən 200 manat cərimə olunmuşdur. Lakin Şəxs qanunla müəyyən edilmiş müddətdə cəriməni ödəməmişdir. Araşdırma zamanı onun mülkiyyətində hər hansı bir əmlakı da olması müəyyən edilmədi ki, cərimənin ödənilməsi həmin əmlaka yönəldilsin. Şəxs əmək qabiliyyətlidir, lakin işləmir. Barəsində inzibati xəta haqqında iş üzrə icraat aparılan şəxsin izahatını dinləyib, iş materiallarını nəzərdən keçirib hesab edirəm ki, Şəxs əməlində Azərbaycan Respublikası İXM-nin 529.1-ci maddəsində nəzərdə tutulmuş inzibati xətanın tərkibi vardır və həmin maddə ilə təqsirli bilinib ona inzibati tənbeh tətbiq edilməlidir. Azərbaycan Respublikası İXM-nin 12-ci maddəsinə görə, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun olmalıdır. Azərbaycan Respublikasi İnzibati Xətalar Məcəlləsinin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsini qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 31.1-ci maddəsinin tələblərinə görə fiziki şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdiriən və ağırlaşdıran hallar nəzərə alınır. Şəxs məsuliyyətini ağırlaşdıran hal müəyyən edilmədi. Əməlindən peşiman olması məsuliyyəti yüngülləşdirən hadır. Barəsində inzibati xəta haqqında iş üzrə icraat aparılan Şəxs törətdiyi inzibati xətanın xarakterini, məsuliyyəti ağırlaşdıran halın olmamasını nəzərə alaraq hesab edirəm ki, ona ictimai işlər növündə inzibati tənbehin tətbiq edilməsi tənbehin məqsədlərini təmin edə bilər. Şəxs üzərinə ictimai işlərin yerinə yetirildiyi yerlərdə elektron nəzarəti vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulmalıdır. Qərarın icrasına nəzarət Mingəçevir şəhər icra və probasiya şöbəsinə həvalə edilməlidir. Göstərilənlərə əsasən və Azərbaycan Respublikasının İXM-nin 40, 43, 48-51, 114, 128-130-cu-maddələrini rəhbər tutaraq Qərara aldım: Şəxs Azərbaycan Respublikası İnzibati Xətalar Məcəlləsinin 529.1-ci maddəsində nəzərdə tutulan inzibati xətanı törətməkdə təqsirli bilinərək 200 (iki yüz) saat ictimai işlərə cəlb edilsin. Şəxs üzərinə ictimai işlərin yerinə yetirildiyi yerlərdə elektron nəzarəti vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrasına nəzarət Mingəçevir şəhər icra və probasiya şöbəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində Mingəçevir şəhər məhkəməsi vasitəsilə və ya birbaşa Şəki Apelyasiya Məhkəməsinə şikayət verilə bilər. Məhkəmənin hakimi: Məhburə Kərimova