Mingəçevir Şəhər Məhkəməsi Qərar — İş №3(051)-852/2021

Azərbaycan Respublikası adından QƏRAR Mingəçevir şəhəri İş № 3(051)-852/2021 15.10.2021 MİNGƏÇEVİR ŞƏHƏR MƏHKƏMƏSİ Mingəçevir şəhər məhkəməsinin hakimi Kərimova Məhburə Kərim qızı, məhkəmə iclas katibi X3, Mingəçevir şəhər İcra və Probasiya Şöbəsinin icra məmuru X10, barəsində inzibati xəta haqqında iş üzrə icraat aparılan şəxs X7 və zərərçəkmiş şəxs X1 iştirakı ilə, xx.xx.1994-cü ildə Mingəçevir şəhərində anadan olmuş, Azərbaycan Respublikasının vətəndaşı, orta-ixtisas təhsilli, ünvan 1 ünvanda yaşayan X4 barəsində Azərbaycan Respublikası İXM-nin 528.1-ci maddəsi ilə Mingəçevir şəhər İcra və Probasiya şöbəsindən daxil olmuş inzibati xəta haqqında materiala baxaraq müəyyən etdim: Mingəçevir şəhər Məhkəməsinin 2(051)-1354/2020 №li 15.10.2020-ci il tarixli icra sənədini X7 icra etmədiyinə görə barəsində Mingəçevir şəhər icra və probasiya şöbəsi tərəfindən Azərbaycan Respublikasının İXM-nin 528.1-ci maddəsi ilə inzibati xəta haqqında protokol tərtib edilərək baxılması üçün məhkəməyə göndərilmişdir. Barəsində inzibati xəta haqqında iş üzrə icraat aparılan X7 məhkəmə iclasında verdiyi izahatında bildirdi ki, Mingəçevir şəhər Məhkəməsinin 2(051)-1354/2020 №li 15.10.2020-ci il tarixli qətnaməsinə əsasən X1 hər həftənin şənbə günləri, ad günləri və bayram günləri saat 13:00-dan 18:00-dək uşağı 15.08.2018-ci il təvəllüdlü X2 ilə görüş vaxtı müəyyən olunmuşdur. Doğrudur o, 1-2 dəfə tələbkarın icra sənədində göstərilən vaxtlarda uşaqla görüşməsinə şərait yaratmamış, mane olmuşdur. Acaq indi icra sənədini icra etməkdən boyun qaçırmır. Zərərçəkmiş şəxs X5 məhkəmə iclasında verdiyi izahatında bildirdi ki, Mingəçevir şəhər Məhkəməsinin 2(051)-1354/2020 №li 15.10.2020-ci il tarixli qətnaməsinə əsasən onun hər həftənin şənbə günləri, ad günləri və bayram günləri saat 13:00-dan 18:00-dək uşağı 15.08.2018-ci il təvəllüdlü qızı Anaxanım ilə görüş vaxtı müəyyən olunmuşdur. X12 icra sənədini icra etməyə maneə yaradır, onun uşaqla görüşməyinə imkan vermir. İcra sənədinin icra olunmaması bir ata kimi onun hüquqlarını, eləcə də uşağın hüquqlarını pozur. Limon Əzizzadəyə qanun daxilində cəza verilməsini xahiş edir. Mingəçevir şəhər İcra və Probasiya şöbəsinin icra məmuru X10 məhkəmə iclasında bildirdi ki Mingəçevir şəhər Məhkəməsinin 2(051)-1354/2020 №li 15.10.2020-ci il tarixli qətnaməsinə əsasən X1 hər həftənin şənbə günləri, ad günləri və bayram günləri saat 13:00-dan 18:00-dək uşağı 15.08.2018-ci il təvəllüdlü X2 ilə görüş vaxtı müəyyən olunmuşdur. Limon Əzizzadəyə icra sənədinin icra etməməsinin hüquqi nəticələri dəfələrlə izah edilmişdir. X7 icra sənədini icra etməkdən boyun qaçırdığına görə barəsində inzibati xəta haqqında protokol tərtib edilmişdir. Təqdim olunmuş sənədləri araşdırıb, tərəflərin izahatını dinləyib hesab edirəm ki, X4 əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın tərkibi vardır və törətdiyi inzibati xətaya görə ona inzibati tənbeh tətbiq edilməlidir. Azərbaycan Respublikası İXM-nin 12-ci maddəsinə görə, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun olmalıdır. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. X4 məsuliyyətini ağırlaşdıran və yüngülləşdirən hallar müəyyən olunmamışdır. Barəsində inzibati xəta haqqında iş üzrə icraat aparılan X4 şəxsiyyətini, törətdiyi inzibati xətanın xarakterini, məsuliyyəti ağırlaşdıran halların olmadığını nəzərə alaraq hesab edirəm ki, onun barəsində inzibati cərimə tətbiq edilməsi İnzibati Xətalar Məcəlləsinin 21-ci maddəsində göstərilən məqsədlərə nail olunması üçün kifayətdir və inzibati tənbehin məqsədlərini təmin edə bilər. Göstərilənlərə əsasən və Azərbaycan Respublikasının İXM-nin 40, 43, 48-51, 114, 128- 130-ci maddələrini rəhbər tutaraq Qərara aldım: X7 Azərbaycan Respublikasının İXM-nin 528.1-ci maddəsində nəzərdə tutulan inzibati xətanı törətməkdə təqsirli bilinib 500 (beş yüz) manat cərimə edilsin. Qərardan rəsmi qaydada verildiyi gündən 10 (on) gün müddətinə Mingəçevir şəhər məhkəməsi vasitəsi ilə və ya birbaşa Şəki Apelyasiya Məhkəməsinə şikayət verilə bilər. Məhkəmənin hakimi: Məhburə Kərimova