Mingəçevir Şəhər Məhkəməsi Qərar — İş №3(051)-99/2022

Azərbaycan Respublikası adından QƏRAR Mingəçevir şəhəri İş № 3(051)-99/2022 07.02.2022 MİNGƏÇEVİR ŞƏHƏR MƏHKƏMƏSİ Mingəçevir şəhər məhkəməsinin hakimi Hüseynov Ələkbər Məmmədtağı oğlu, Ağayeva Aynurə Nizami qızının katibliyi Mingəçevir şəhər İcra və Probasiya şöbəsinin icra məmuru X1 və tələbkar X2 iştirakı ilə, xx.xx.1984-ci ildə Rusiya Federasiyası Engels şəhərində doğulmuş, Azərbaycan Respublikası vətəndaşı, orta təhsilli, subay, fərdi işlə məşğul olan, Mingəçevir şəhəri M.Ə.Rəsulzadə küçəsi ev 12/101, mənzil 6 ünvanında qeydiyyatda olan və yaşayan Şəxs barəsində Azərbaycan Respublikası İXM-nin 528.1-ci maddəsi ilə Mingəçevir şəhər İcra və Probasiya şöbəsindən daxil olmuş inzibati xəta haqqında işə baxaraq müəyyən e t d i m: Şəxs Gəncə Apelyasiya məhkəməsinin 2(0104)-3291 saylı 30.09.2019-cu il tarixli qətnaməsinə əsasən iki uşağın yetkinlik yaşına çatana kimi saxlanması üçün hər ay hər uşağa 150 manat cəmi 300 manat məbləğində alimentin tutularaq X4 ödənilməsinə dair, Mingəçevir şəhər məhkəməsinin 2(051)-115/2020 saylı, 03.07.2020-cı il tarixli icra vərəqəsinə əsasən cavabdehlər ŞəxsZamin oğlu və X3 qızıl zinət əşyalarının alınaraq X5 verilməsinə dair vərəqələrinin icrası ilə əlaqədar icra məmurunun qanuni tələblərini lazımı qaydada yerinə yetirmədiyi üçün Azərbaycan Respublikası İnzibati Xətalar Məcəlləsinin 528.1-ci maddəsi ilə protokol tərtib edilərək məhkəməyə verilmişdir. Məhkəmə iclasında icra məmuru X1 izahatında göstərmişdir ki, Gəncə Apelyasiya məhkəməsinin 2(0104)-3291 saylı 30.09.2019-cu il tarixli qətnaməsinə əsasən iki uşağın yetkinlik yaşına çatana kimi saxlanması üçün hər ay hər uşağa 150 manat cəmi 300 manat məbləğində alimentin tutularaq X4 ödənilməsinə dair, Mingəçevir şəhər məhkəməsinin 2(051)-115/2020 saylı, 03.07.2020-cı il tarixli icra vərəqəsinə əsasən cavabdehlər Şəxs və X3 qızıl zinət əşyalarının alınaraq X5 verilməsi qət edilmişdir. Lakin Şəxs indiyə kimi qətnaməni lazımi qaydada icra etməmiş və qətnamə icrasız qalmışdır. Hazırda 7350 manat aliment borcu və 5490 manat əmlak tələbinə dair icra edilməmiş borcu qalmışdır. Şəxs icra sənədi ilə müəyyən olunmuş borcu ödəməkdən qərəzli olaraq boyun qaçırır və onun qanuni tələblərini qərəzli olaraq yerinə yetirmir. Məhkəmə iclasında Şəxs verdiyi izahatında göstərmişdir ki, Gəncə Apelyasiya məhkəməsinin 2(0104)-3291 saylı 30.09.2019-cu il tarixli qətnaməsinə əsasən iki uşağın yetkinlik yaşına çatana kimi saxlanması üçün hər ay hər uşağa 150 manat cəmi 300 manat məbləğində alimentin tutularaq X4 ödənilməsinə dair, Mingəçevir şəhər məhkəməsinin 2(051)-115/2020 saylı, 03.07.2020-cı il tarixli icra vərəqəsinə əsasən cavabdehlər Şəxs və X3 qızıl zinət əşyalarının alınaraq X5 verilməsi qət edilmişdir. O, icra sənədləri üzrə borcunu ödəməkdən yayınmır. Lakin maddi imkanı yaxşı olmadığı üçün icra sənədi üzrə yarnmış borcları ödəyə bilməmişdir. Hazırda mülkiyyətində bir avtomobili var. Həmin avtomobilidə onlara təkilf etdi ki, həmin avtomobili onlara verməklə yaranmış aliment borcundan 4000 manat silsinlər. Lakin qarşı tərəf təkliflə razılaşmadı. Başqa yerdən də gəliri yoxdur. Barəsində qanuna müvafiq qərar çıxarılmasını xahiş edir. Məhkəmə iclasında X6 verdiyi izahatında göstərmişdir ki, Gəncə Apelyasiya məhkəməsinin 2(0104)-3291 saylı 30.09.2019-cu il tarixli qətnaməsinə əsasən iki uşağın yetkinlik yaşına çatana kimi saxlanması üçün hər ay hər uşağa 150 manat cəmi 300 manat məbləğində alimentin tutularaq X4 ödənilməsinə dair, Mingəçevir şəhər məhkəməsinin 2(051)-115/2020 saylı, 03.07.2020-cı il tarixli icra vərəqəsinə əsasən cavabdehlər Şəxs və X3 qızıl zinət əşyalarının alınaraq ona verilməsi qət edilmişdir. Qətnamələr qanuni qüvvəsini almış və icraya yönəlmişdir. Hazırda Şəxs yaranmış aliment borcundan 7350 manat, qızıl zinət əşyalarında dair icra sənədi üzrə isə 5490 manat borcu var və borcundan heç bir ödəniş etmir. Şəxs icra sənədi ilə müəyyən olunmuş borcu ödəməkdən qərəzli olaraq boyun qaçırır. Ona görə də Şəxs oğlu barəsində ağır cəzanın verilməsini xahiş edir. Borclu, tələbkar və icra məmurunun izahatlarını dinləyib, təqdim olunmuş sənədləri və icra işi materiallarını araşdırıb məcmu halda qiymət verərək, hesab edirəm ki, Şəxs əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın tərkibi var və törətdiyi inzibati xətaya görə ona inzibati tənbeh tətbiq edilməlidir. Belə ki, Azərbaycan Respublikası Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.2-ci maddəsinə görə məhkəmələrin qanuni qüvvəyə minmiş qərarları bütün şəxslər üçün məcburidir və Azərbaycan Respublikası ərazisində hökmən icra olunmalıdır. “İcra Haqqında” Azərbaycan Respublikası Qanunun 2.1-ci maddəsinə görə Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. Həmin Qanunun 12.1-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. “İcra Haqqında” Azərbaycan Respublikasının Qanunun 3.2-ci maddəsində göstərilmişdir ki, məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikası qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İXM-nin 3-cü maddəsində göstərilmişdir ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun olmalıdır. Həmin Məcəllənin inzibati tənbehin məqsədlərini müəyyən edən 21-ci maddəsində qeyd edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmçinin «Uşaq hüquqları haqqında» Konvensiyanın 3-cü maddəsinə görə sosial təminat məsələləri ilə məşğul olan dövlət idarələri və ya özəl idarələr, habelə məhkəmələr, inzibati orqanlar, yaxud qanunvericilik orqanları tərəfindən həyata keçirilib keçirilməməsindən asılı olmayaraq, uşaqlar barəsində görülən bütün tədbirlərdə uşağın maraqlarının daha yaxşı təmin edilməsinə ilk növbədə diqqət yetirilir. Azərbaycan Respublikası İXM-nin 31-ci maddəsinə əsasən Şəxs törətdiyi inzibati xətanın xarakterini nəzərə alaraq hesab edirəm ki, ona həbs növündə inzibati tənbehin tətbiq edilməsi tənbehin məqsədlərini təmin edə bilər. Belə ki, Şəxs bundan əvvəl də dəfələrlə icra məmurunun onunla bağlı olan icra sənədinin icra edilməmsi ilə bağlı xəbərdarlıq etməsinə baxmayaraq icra sənədini icra etməkdən yayınmışdır. Barəsində olan icra sənədini uzun müddət lazımi qaydada icra edilməmişdir. Şəxs hər iki icra sənədi üzrə borcu olduğu halda ona cərimə növündə olan daha yüngül tənbehin tətbiq edilməsi məqsədə müvafiq deyil və bu səbəbdən də onun barəsində inzibati həbs növündə inzibati tənbehin tətbiq edilməsi tənbehin məqsədlərini təmin edə bilər. Şərh olunanlara əsasən və Azərbaycan Respublikasının İXM-nin 21, 40, 43, 48-51, 114, 128-130-ci maddələrini rəhbər tutaraq qərara aldım: Şəxs Azərbaycan Respublikasının İXM-nin 528.1-ci maddəsində nəzərdə tutulan inzibati xətanı törətməkdə təqsirli bilinərək 08 (səkkiz) gün müddətinə inzibati həbs edilsin. Qərarın icrası Mingəçevir şəhər Polis Şöbəsinə həvalə edilsin. İnzibati həbs müddətinin əvvəli 07 fevral 2022-ci il tarixdən, saat 17:00-dan hesablansın. Qərarın surəti təqdim edildiyi və ya alındığı vaxtdan 10 (on) gün müddətində Mingəçevir şəhər məhkəməsi vasitəsilə Şəki Apellyasiya Məhkəməsinə şikayət verilə bilər. HAKİM: Ələkbər Hüseynov.