Neftçala Rayon Məhkəməsi Qərar — İş №3(053)-158/2025

Azərbaycan Respublikası adından QƏRAR Neftçala rayonu İş № 3(053)-158/2025 18.04.2025 NEFTÇALA RAYON MƏHKƏMƏSİ Mən, Neftçala Rayon Məhkəməsinin hakimi Quliyev Samir İdris oğlu Qəmbərov Əli Qəmbər oğlunun katibliyi ilə xx xxxxxxx 1992-ci ildə Neftçala rayonu, Aşağı Qaramanlı kəndində doğulmuş, Azərbaycan Respublikasının vətəndaşı, orta təhsilli, subay, işləməyən, Neftçala rayonu, Astanlı kəndində qeydiyyatda olan və həmin kənddə yaşayan Şəxs Azərbaycan Respublikası İnzibati Xətalar Məcəlləsinin 342.9-cu maddəsi ilə təqsirləndirilməsinə dair inzibati xəta haqqında materiala baxaraq, MÜƏYYƏN ETDİM: Neftçala Rayon Polis Şöbəsindən daxil olmuş 23 mart 2025-ci il tarixli, İXP seriyalı, ******* nömrəli inzibati xəta haqqında protokoldan və material üzrə toplanmış digər sənədlərdən görünür ki, Şəxs idarə etdiyi **-LS-*** dövlət qeydiyyat nişanlı, “VAZ 21074” minik markalı avtomobilin dövlət qeydiyyat nişanının oxunulmasını məhdudlaşdıraraq Neftçala rayonu, Dördlər kəndi ərazisində idarə etdiyi zaman Neftçala RPŞ DYPB-nin YPX-nin əməkdaşları tərəfindən saxlanılmış və avtomobil duracağa yerləşdirilmişdir. Bununla da Şəxs Azərbaycan Respublikası İXM-nin 342.9-cu maddəsində nəzərdə tutulan inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs işə məhkəmədə baxılması zamanı yuxarıda təsvir olunmuş inzibati xətanı törətməkdə özünü təqsirli bilərək qeyd etmişdir ki, 22 mart 2025-ci il tarixdə, saat 19:15 radələrində mülkiyyətində olan **- LS-*** dövlət qeydiyyat nişanlı, “VAZ 21074” minik markalı avtomobili Neftçala rayonu, Dördlər kəndi ərazisində idarə etdiyi zaman avtomobilin ön tərəfində olan dövlət qeydiyyat nişanını izolent ilə üzərini örtərək oxunulmasını məhdudlaşdırmışdır. Bu zaman Neftçala RPŞ DYPB-nin YPX-nin əməkdaşları tərəfindən saxlanılmış və avtomobil duracağa yerləşdirilmişdir. Avtomobilin texniki baxış müddətinin bitməsi və sığortasının olmaması səbəbindən belə bir addım atmışdır. Avtomobilin dövlət qeydiyyat nişanının oxunulmasını məhdudlaşdırmaq nəticəsində yüksək məbləğdə cərimə olunacağını bilməmişdir. Əməlindən peşmandır. Barəsində inzibati xəta haqqında iş üzrə icraat aparılan şəxsin müvafiq inzibati xətanı törətməsi faktı onun özünün səmimi etirafı ilə yanaşı, iş üzrə toplanmış digər sübutlarla da təsdiq olunur. Beləliklə, barəsində inzibati xəta haqqında iş üzrə icraat aparılan şəxsi dinləyib, iş materiallarını nəzərdən keçirib belə qənaətə gəlirəm ki, Şəxs Azərbaycan Respublikası İXM-nin 342.9-cu maddəsində nəzərdə tutulmuş inzibati xətanı törətməsi faktı tam sübuta yetirilmişdir. Ona görə də Şəxs həmin maddə ilə təqsirli bilinərək məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». Hesab edirəm ki, Şəxs öz əməlini səmimi etiraf etməsi və peşman olması iş üzər məsuliyyəti yüngülləşdirən hallar kimi qiymətləndirilməlidir. İş üzrə məsuliyyəti ağırlaşdıran hal müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 342.9-cu maddəsi ilə təqsirli bilinərək 500 (beş yüz) manat miqdarında cərimə edilsin. Qərarın surəti rəsmi qaydada verildiyi vaxtdan 10 (on) gün müddətində Neftçala Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət və ya protest verilə bilər. Hakim Samir Quliyev