Neftçala Rayon Məhkəməsi Qərar — İş №3(053)-204/2025

Azərbaycan Respublikası adından QƏRAR Neftçala rayonu İş № 3(053)-204/2025 20.05.2025 NEFTÇALA RAYON MƏHKƏMƏSİ Mən – Neftçala Rayon Məhkəməsinin hakimi Quliyev Samir İdris oğlu Qəmbərov Əli Qəmbər oğlunun katibliyi, barəsində inzibati xəta haqqında iş üzrə qərar çıxarılmış şəxs X4, 3 saylı Ekologiya və Təbii Sərvətlər İdarəsinin nümayəndəsi X2 iştirakı ilə 3 saylı Regional Ekologiya və Təbii Sərvətlər İdarəsinin vəzifəli şəxsinin 07 fevral 2025-ci il tarixli MN seriyalı ******* nömrəli inzibati tənbeh vermə haqqında qərarından X8 tərəfindən verilmiş şikayətə baxaraq, M Ü Ə Y Y Ə N E T D İ M: 25 yanvar 2025-ci ildə tərtib edilmiş MN seriyalı ******* nömrəli inzibati xəta haqqında protokola əsasən 3 saylı Regional Ekologiya və Təbii Sərvətlər İdarəsinin vəzifəli şəxsi tərəfindən qəbul edilmiş qərarla X8 Azərbaycan Respublikası İXM-nin 272-1ci maddəsi ilə təqsirli bilinib 2000 manat miqdarında cərimə edilmişdir. X8 həmin qərardan şikayət verib. X8 işin məhkəmə baxışı zamanı şikayətində göstərilənlərə uyğun məzmunlu izahat verərək bildirmişdir ki, tərəfindən ümumiyyətlə heç bir inzibati xəta hadisəsi törədilməmiş və İXM-nin 272-1-ci maddəsinin tələbləri pozulmamışdır. Ov etməsi barədə heç bir sübut olmadan inzibati məsuliyyətə cəlb edilmiş, barəsində əsassız olaraq inzibati xəta haqqında qərar qəbul edilmişdir. Heç bir təqsiri olmadığı halda inzibati məsuliyyətə cəlb edilməsi barədə qərar qanunsuzdur. 07 fevral 2025-ci il tarixli, MN ******* saylı inzibati tənbeh vermə haqqında qərarı 19 aprel 2025-ci ildə rəsmi qaydada almışdır. Ov qaydalarını pozduğuna görə özünü təqsirli bilir. 25 yanvar 2025-ci il tarixdə qoruqdan kənar ərazidə ov silahı ilə 1 ədəd qaban ovlamışdır. Onlar yolu azıb qoruq ərazisinə girmişlər. 3 saylı Ekologiya və Təbii Sərvətlər İdarəsinin əmkdaşları onları qoruq ərazisində saxlayıb sənədləşdirmə işləri aparmışlar. O, heyvanın qoruq ərazisində vurulması ilə razılaşmır. Sənədlərini təqdim edir. Ailə üzvləri 7 nəfərdən ibarətdir. Cərimə məbləği yüksək olduğundan hazırda cəriməni ödəyə bilmir. Odur ki, cərimə çəzasının ov hüququnun məhdudlaşdırılması cəzası ilə əvəz edilməsi və ya cərimənin azaldılmasını xahiş edir. Azərbaycan Respublikası Ekologiya və Təbii Sərvətlər Nazirliyi 3 saylı RETSİ-nin nümayəndəsi X3 işin məhkəmə iclası zamanı 15 yanvar 2025-ci ildə idarəyə daxil olmuş məlumat əsasında Qızılağac qoruğunda əməkdaşlar tərəfindən reyd keçirilərkən 1 ədəd qabanın vurulduğunu aşkar etdiklərini bildirmişdir. Şikayət verən şəxs İXM-nin 272-1-ci maddəsilə təqsirli bilinərək 2000 manat cərimə edilmişdir. O, qabanı qoruq ərazisində vurmuşdur. Odur ki, idarənin nümayəndəsi olaraq şikayətin təmin olunmamasını xahiş edir. İşə əlavə edilmiş 2476 №-li ovçuluq biletinin surətindən görünür ki, X5 xx.xx.2025-ci ildə 2476 qeydiyyat nömrəsi ilə ovçuluq bileti verilmişdir. xx.xx.2025-ci il tarixli, 68 nömrəli arayışdan görünür ki, X1 Rayon İHB-nın Tatarməhlə kənd İƏDÜN-nin Tatarməhlə kəndində qeydiyyatda olmaqla orada yaşayır. Ailəlidir, 2 övladı var, heç bir yerdə işləmir. Ailə aztəminatlı ailədir. İşdə olan Tatarməhlə kənd İƏDÜN tərəfindən verilmiş xasiyyətnamədən görünür ki, X8 7 nəfər ailə üzvündən ibarətdir. Ailə aztəminatlı ailədir. O, İƏDÜN tərəfindən müsbət xarakterizə olunmuşdur. Barəsində inzibati xəta haqqında iş üzrə qərar çıxarılmış şəxsi və nümayəndəni dinləyib iş materiallarını nəzərdən keçirərək belə qənaətə gəlirəm ki, şikayət aşağıdakı səbəblərə görə qismən təmin olunmalıdır. Göstərilənlər məhkəməyə belə qənaətə gəlməyə əsas verir ki, X8 25 yanvar 2025ci ildə inzibati xəta haqqında protokolda təsvir olunmuş inzibati xətanı törətmişdir. Məhkəmə eyni zamanda aşağıdakıları qeyd edir. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». Məhkəmə hesab edir ki, 3 saylı Regional Ekologiya və Təbii Sərvətlər İdarəsinin vəzifəli şəxsi X8 barəsində tənbeh tətbiq edərkən İXM-nin yuxarıda göstərilən tələblərini, həmçinin xətanın xarakterini, barəsində inzibati xəta haqqında iş üzrə qərar çıxarılmış şəxsin şəxsiyyətini, təqsirinin dərəcəsini, maddi vəziyyətinin yaxşı olmadığını, aztəminatlı ailə olduğunu tam nəzərə almamışdır. Məhkəmə hesab edir ki, X5 1000 manat miqdarında cərimə təyin olunmaqla tənbehin qanunla müəyyən edilmiş məqsədinə çatmaq mümkündür. Azərbaycan Respublikası İXM-nin 135.1.5-ci maddəsinə əsasən «tətbiq edilmiş tənbehin bu Məcəllənin 31 – 34-cü maddələrinin tələblərinə uyğun olmaması» inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Həmin Məcəllənin 134.1.2-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən «bu Məcəllənin 135.1.2 – 135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında» qərar qəbul edilir. Yuxarıda göstərilənlərə əsasən və Azərbaycan Respublikası İXM-nin 134, 135 və 137-ci maddələrini rəhbər tutaraq, Q Ə R A R A A L D İ M: 25 yanvar 2025-ci ildə tərtib edilmiş MN seriyalı ******* nömrəli inzibati xəta haqqında protokola əsasən 3 saylı Regional Ekologiya və Təbii Sərvətlər İdarəsinin vəzifəli şəxsi tərəfindən qəbul edilmiş qərar dəyişdirilərək, X5 Azərbaycan Respublikası İXM-nin 272-1-ci maddəsi ilə təyin edilmiş 2000 (iki min) manat miqdarında cərimə növündə tənbeh 1000 (min) manata endirilsin. 25 yanvar 2025-ci ildə tərtib edilmiş MN seriyalı ******* nömrəli inzibati xəta haqqında protokola əsasən 3 saylı Regional Ekologiya və Təbii Sərvətlər İdarəsinin vəzifəli şəxsi tərəfindən qəbul edilmiş qərar qalan hissədə dəyişdirilmədən saxlanılsın. Qərardan onun surəti rəsmi qaydada verildiyi vaxtdan etibarən 10 gün müddətində Neftçala Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti və protesti verilə bilər. Hakim Samir Quliyev