Neftçala Rayon Məhkəməsi Qərar — İş №3(053)-260/2025

Azərbaycan Respublikası adından QƏRAR Neftçala rayonu İş № 3(053)-260/2025 02.06.2025 NEFTÇALA RAYON MƏHKƏMƏSİ Mən – Neftçala Rayon Məhkəməsinin hakimi Qədimov Ceyhun Tofiq oğlu Mazanov Kamran Ramazan oğlunun katibliyi, Neftçala rayon İcra və probasiya şöbəsinin icra məmuru X1 iştirakı ilə 25 avqust 1992-ci ildə Neftçala rayonu, Xəzər kəndində doğulmuş, Azərbaycan Respublikasının vətəndaşı, orta təhsilli, subay, fərdi əməklə məşğul olan, Neftçala rayonu, Xəzər kəndində qeydiyyatda olan və həmin kənddə yaşayan Şəxs Azərbaycan Respublikası İXM-nin 528.1-1-ci maddəsi ilə təqsirləndirilməsinə dair inzibati xəta haqqında işə baxaraq, MÜƏYYƏN ETDİM: Neftçala rayon İcra və probasiya şöbəsinin böyük icra məmuru X1 xx.xx.2025-ci ildə tərtib etdiyi MN seriyalı ******* nömrəli inzibati xəta haqqında protokolun məzmunundan, habelə inzibati xəta haqqında iş üzrə toplanmış digər materiallardan görünür ki, Neftçala Rayon Məhkəməsi tərəfindən xx.xx.2021-ci ildə verilmiş 2(053)-495/2021 nömrəli icra vərəqəsinə əsasən xx.xx.2013-cü il təvəllüdlü X4 və xx.xx.2015-ci il təvəllüdlü X5 yetkinlik yaşlarına çatanadək saxlanması üçün borclu Şəxs hər ay hər bir uşağa görə 100 manat, ümumilikdə 200 manat olmaqla sabit pul məbləğində aliment tutularaq Neftçala Rayon Məhkəməsinin xx.xx.2021-ci il tarixli 2(053)-495/2021 nömrəli qərardadı ilə müvəqqəti tutulmuş alimentin məbləği çıxılaraq tələbkar Zərərçəkmiş şəxs ödənilməlidir. Yuxarıda göstərilən icra sənədi ilə əlaqədar Quliyev X6 Rayon Məhkəməsinin 3(053)-375/2024 nömrəli iş üzrə xx.xx.2024-cü il tarixli qərarına əsasən Azərbaycan Respublikası İXM-nin 528.1-ci maddəsi ilə təqsirli bilinərək barəsində 10 (on) gün müddətinə inzibati həbs tətbiq olunmuş, lakin o, eyni icra sənədi üzrə tələbi yenə də üzrsüz səbəbdən icra məmuru tərəfindən müəyyən olunmuş müddətdə icra etməmiş, icra məmurunun bununla bağlı qanuni tələblərini yerinə yetirməmiş, beləliklə də İXM-nin 528.1-ci maddəsində nəzərdə tutulan xətanı inzibati tənbeh vermə haqqında həmin qərar qanuni qüvvəyə mindiyi gündən bir il ərzində təkrar törətmişdir. İnzibati xəta haqqında protokoldan və icra işindən həmçinin görünür ki, icra sənədi Neftçala rayon İcra və probasiya şöbəsinə daxil olmuş, icraata başlanaraq borcluya müvafiq olaraq qərar və bildiriş təqdim edilmişdir. Borclunun aliment borcu yarandığından onun əmlak vəziyyəti və gəlirinin yoxlanması üçün aidiyyəti orqanlara sorğularla müraciət edilmiş, lakin tələbin yönələ biləcəyi əmlakını və gəlirini müəyyən etmək mümkün olmamışdır. Borcluya dəfələrlə xəbərdarlıq edildiyinə baxmayaraq o, aliment borcunu vaxtlı-vaxtında ödəməmiş, məhkəmə qərarının icrası ilə bağlı icra məmurunun qanuni tələblərini üzrsüz səbəbdən yerinə yetirməmişdir. Quliyev X6 Rayon Məhkəməsinin 3(053)-375/2024 nömrəli iş üzrə xx.xx.2024-cü il tarixli qərarına əsasən Azərbaycan Respublikası İXM-nin 528.1-ci maddəsi ilə təqsirli bilinərək barəsində 10 (on) gün müddətinə inzibati həbs tətbiq olunub. Həmin işə baxıldığı dövrdə barəsində inzibati xəta haqqında iş üzrə icraat aparılan şəxsin aliment borcu 4.000 manat təşkil edirdi. İşin faktik hallarından həmçinin görünür ki, Şəxs yuxarıda göstərilən inzibati tənbehi aldıqdan sonrakı dövrdə icra sənədi üzrə ümumiyyətlə heç bir ödəniş etməyib. Onun bu gün üçün aliment borcu isə 5.400 manat təşkil edir. Neftçala rayon İcra və probasiya şöbəsinin böyük icra məmuru X2 işə məhkəmədə baxılması zamanı inzibati xəta haqqında protokolda göstərilənlərə uyğun məzmunlu izahat vermişdir. Hesab edir ki, barəsində inzibati xəta haqqında iş üzrə icraat aparılan şəxsin əməlində Azərbaycan Respublikası İXM-nin 528.1-1-ci maddəsində nəzərdə tutulan inzibati xətanın tərkibi mövcuddur. Göstərilənlərə əsasən ona qanunla nəzərdə tutulan inzibati tənbeh tətbiq edilməsini məhkəmədən xahiş edir. Barəsində inzibati xəta haqqında iş üzrə icraat aparılan şəxs Şəxs işə məhkəmədə baxılması zamanı hazırda heç bir yerdə işləmədiyinə, atasına və anasına, habelə yeni ailəsinə qulluq etdiyinə görə aliment borcunu ödəyə bilmədiyini bildirmişdir. Göstərilən halların nəzərə alınmasını məhkəmədən xahiş edir. Qeyd olunmalıdır ki, barəsində inzibati xəta haqqında iş üzrə icraat aparılan şəxsin izahatında göstərilənlər, o cümlədən onun atasına və anasına, habelə yeni ailəsinə qulluq etməsi və alimenti ödəməməsinin səbəbinin məhz bununla əlaqəli olması halları iş materialları ilə təsdiq edilmir. Barəsində inzibati xəta haqqında iş üzrə icraat aparılan şəxsi və icra məmurunu dinləyib, inzibati xəta haqqında protokolu, ona əlavə edilmiş sənədləri və icra işini nəzərdən keçirərək belə qənaətə gəlirəm ki, barəsində inzibati xəta haqqında iş üzrə icraat aparılan şəxsin əməlində Azərbaycan Respublikası İXM-nin 528.1-1-ci maddəsində nəzərdə tutulmuş inzibati xətanın tərkibi mövcuddur. Belə ki, o, Azərbaycan Respublikası İXM-nin 528.1-ci maddəsində nəzərdə tutulmuş xətanı törətdiyinə görə inzibati tənbeh aldığına baxmayaraq, inzibati tənbeh vermə haqqında həmin qərar qanuni qüvvəyə mindiyi gündən bir il ərzində eyni inzibati xətanı, eyni icra sənədinə münasibətdə təkrar törətmişdir. Göstərilənlərə əsasən hesab edirəm ki, Şəxs Azərbaycan Respublikası İXM-nin 528.1-1-ci maddəsi ilə təqsirli bilinərək, məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İXM-nin 528.1-1-ci maddəsi ilə təqsirli bilinərək barəsində 25 (iyirmi beş) gün müddətinə inzibati həbs tətbiq olunsun. Həbsdə saxlanılması müddətinin əvvəli 02 iyun 2025-ci il saat 19.00-dan hesablansın. Qərarın surəti rəsmi qaydada verildiyi vaxtdan 10 gün müddətində Neftçala Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət və ya protest verilə bilər. Hakim Ceyhun Qədimov