Neftçala Rayon Məhkəməsi Qərar — İş №3(053)-263/2024

Azərbaycan Respublikası adından QƏRAR Neftçala rayonu İş № 3(053)-263/2024 13.08.2024 NEFTÇALA RAYON MƏHKƏMƏSİ Neftçala Rayon Məhkəməsinin hakimi Quliyev Samir İdris oğlunun sədrliyi, Qəmbərov Əli Qəmbər oğlunun katibliyi, 3 saylı Regional Ekologiya və Təbii Sərvətlər İdarəsinin nümayəndəsi X1 iştirakı ilə, Şəxs Azərbaycan Respublikası İnzibati Xətalar Məcəlləsinin 262.2.3-cü maddəsi ilə təqsirləndirilməsinə dair Azərbaycan Respublikası Ekologiya və Təbii Sərvətlər Nazirliyi 3 saylı Regional Ekologiya və Təbii Sərvətlər İdarəsindən daxil olmuş inzibati xəta haqqında işə açıq məhkəmə iclasında baxaraq, məhkəmə MÜƏYYƏNETDİ: 3 saylı Regional Ekologiya və Təbii Sərvətlər İdarəsinin rəisi Fərid Piriyev Şəxs Azərbaycan Respublikası İXM-nin 262.2.3-cü maddəsi ilə təqsirləndirilməsinə dair inzibati xəta haqqında materialı Neftçala Rayon Məhkəməsinə təqdim etmişdir. 3 saylı Regional Ekologiya və Təbii Sərvətlər İdarəsinin məsləhətçi-müfəttişi Əliheydər Zeynalov tərəfindən Şəxs barəsində 22 iyul 2024-cü il tarixli, MN ******* saylı “inzibati xəta haqqında” protokol tərtib edilmişdir ona görə ki, Şəxs 22 iyul 2024-cü il tarixdə Neftçala rayonu, Aşağı Surra kəndində məişətində formalaşan çirkab sularını kənara (küçəyə) təyinatsız axıtmışdır. İşin məhkəmə baxışının vaxtı və yeri barədə lazımi qaydada xəbərdarlıq göndərilmiş Şəxs məhkəmə iclasına gəlməmiş və gəlməməsinin səbəbləri barədə məlumat verməmişdir. Məhkəmə işə barəsində inzibati xəta haqqında iş üzrə icraat aparılan şəxsin iştirakı olmadan baxılmasını mümkün hesab etmişdir. İşin məhkəmə baxışı zamanı inzibati xəta haqqında protokol tərtib etmiş 3 saylı Regional Ekologiya və Təbii Sərvətlər İdarəsinin məsləhətçi-müfəttişi Əliheydər Zeynalov barəsində inzibati xəta haqqında iş üzrə icraat aparılan şəxsin qonşusu tərəfindən Ekologiya və Təbii Sərvətlər Nazirliyinin “168” qaynar xətt xidmətinə şikayət olunduğunu, şikayət əsasında araşdırma aparıldığını və qeyd edilən əraziyə baxış keçirilərək heyvan tullantılarının küçəyə atılması, sonradan təmizlənməsi, lakin çirkab sularının küçəyə axıdılması halları aşkar edildiyindən şəxs barəsində tərəfindən inzibati xəta haqqında protokol tərtib edildiyini bildirmişdir. Sənədləri nəzərdən keçirib belə qənaətə gəlirəm ki, barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikası İXM-nin 262.2.3-cü maddəsində nəzərdə tutulmuş inzibati xətanın tərkibi mövcuddur. İş materiallarında olan 22 iyul 2024-cü il tarixli aktdan görünür ki, obyektə baxış keçirilmiş və məlum olmuşdur ki, şikayətçi X2 ata yurdundakı qonşuları Şəxs və X4 tərəfindən (Neftçala rayonu, Aşağı Surra kənd sakinləri) küçəyə atılmış peyin tamamilə təmizlənmiş, və onlar tərəfindən çirkab suların kanala axıdılması faktı öz təsdiqini tapmamışdır. Lakin Şəxs tərəfindən məişətində formalaşan şirkab suların küçədə qazmış olduğu 5 metr uzunluğunda 2 metr enində dərəyə axıdılması faktı öz təsdiqini tapmışdır. Akta ərazidən çəkilmiş fotoşəkillər əlavə edilmişdir. Azərbaycan Respublikası Nazirlər Kabinetinin 17 iyul 2014-cü il tarixli, 262 nömrəli qərarı ilə təsdiq edilmiş "Sudan istifadə Qaydaların"ın 8.7-ci maddəsi və "Sudan istifadə Qaydaları"na 4 nömrəli əlavə ilə müəyyən edilmiş "Su təchizatı və kanalizasiya xidmətlərindən qeyri-qanuni istifadənin həcminin müəyyən edilməsinə dair" cədvəldə nəzərdə tutulmuşdur ki, su təchizatı sisteminə qanunsuz (özbaşına) qoşulma halları müəyyən edildikdə və belə qoşulmanın tarixini müəyyən etmək mümkün olmadıqda itirilmiş suyun həcmi 1 (bir) il müddətinədək hesablanır. Ona görə də barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nin 262.2.3-cü maddəsi ilə təqsirli bilinərək məsuliyyətə cəlb olunmalıdır. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikası İnzibati Xətalar Məcəlləsinin 262.2.3-cü maddəsində nəzərdə tutulmuş inzibati xətanı törətməkdə təqsirli bilinərək 100 (yüz) manat miqdarında cərimə edilsin. Qərarın surəti təqdim edildiyi və ya alındığı gündən 10 (on) gün müddətində Neftçala Rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər. Hakim Samir Quliyev