Neftçala Rayon Məhkəməsi Qərar — İş №3(053)-427/2023

Azərbaycan Respublikası adından QƏRAR Neftçala rayonu İş № 3(053)-427/2023 24.10.2023 NEFTÇALA RAYON MƏHKƏMƏSİ Neftçala Rayon Məhkəməsinin hakimi Quliyev Samir İdris oğlunun sədrliyi, Qəmbərov Əli Qəmbər oğlunun katibliyi, Neftçala rayon İcra və probasiya şöbəsinin icra məmuru X1 iştirakları ilə xx xxxx 1991-ci il tarixdə Neftçala şəhərində anadan olmuş, Azərbaycan Respublikasının vətəndaşı, orta təhsilli, subay, fərdi əməklə məşğul olan, ünvan 1 ünvanda yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında işə baxaraq, məhkəmə MÜƏYYƏN ETDİ: Neftçala rayon İcra və probasiya şöbəsinin icra məmuru X1 24 oktyabr 2023-cü il tarixdə tərtib etdiyi MN seriyalı, ******* nömrəli inzibati xəta haqqında protokolun məzmunundan, habelə inzibati xəta haqqında iş üzrə toplanmış digər materiallardan görünür ki, Neftçala Rayon Məhkəməsi tərəfindən 01 iyul 2022-ci il tarixdə verilmiş 01 iyul 2022-ci il tarixli, 2(053)-230/2022 nömrəli icra vərəqəsinə əsasən – 25 iyul 2013-cü il tarixdə anadan olmuş X3 və 09 fevral 2017-ci il tarixdə anadan olmuş X5 yetkinlik yaşına çatana kimi saxlanmalarından ötrü hər ay hər uşağa görə 150 (bir yüz əlli) manat, cəmi 300 (üç yüz) manat sabit pul məbləğində aliment Neftçala Rayon Məhkəməsinin 31 mart 2022-ci il tarixli, 2(053)-230/2022 saylı qərardadı ilə müvəqqəti tutulmuş alimentin məbləğindən çıxılmaqla cavabdeh Şəxs tutularaq, iddiaçı X6 xeyrinə ödənilməsi, alimentin bu qaydada tutulmasının 08 fevral 2022-ci il tarixdən hesablanması, cavabdeh Şəxs 56 (ǝlli altı) manat məbləğində dövlət rüsumunun tutularaq dövlət büdcəsinə ödənilməsi qət edilmiş, eyni zamanda 08 fevral 2022-ci il tarixdən başlayaraq, hər ay hər uşağa 150 manat olmaqla, cəmi 300 manat sabit pul məbləğində müvəqqəti alimentin tutulması barədə məhkəmənin 31 mart 2022-ci il tarixli qərardadı qətnamə çıxarılan gündən 01 iyul 2022-ci il tarixdən qüvvədən düşmüş hesab edilmişdir. İnzibati xəta haqqında protokoldan və icra işindən görünür ki, icra sənədi Neftçala rayon İcra və probasiya şöbəsinə daxil olmuş, icraata başlanaraq borclu Şəxs qərar və bildiriş göndərilmişdir. Borcluya dəfələrlə xəbərdarlıq edildiyinə baxmayaraq o, yaranmış borcundan 24 oktyabr 2023-cü il tarixdə cəmi 1100 manat ödəniş etməklə məhkəmə qərarının icrası ilə bağlı icra məmurunun qanuni tələblərini yerinə yetirməmişdir. Halhazırda icra sənədi üzrə Şəxs 2550 (iki min beş yüz əlli) manat məbləğində aliment borcu vardır. Neftçala rayon İcra və probasiya şöbəsinin icra məmuru X2 işə məhkəmədə baxılması zamanı inzibati xəta haqqında protokolda göstərilənlərə uyğun məzmunlu izahat vermişdir. Hesab edir ki, barəsində inzibati xəta haqqında iş üzrə icraat aparılan şəxsin hərəkətlərində Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın tərkibi mövcuddur. Göstərilənlərə əsasən ona qanunla nəzərdə tutulan inzibati tənbeh tətbiq edilməsini məhkəmədən xahiş edir. Barəsində inzibati xəta haqqında iş üzrə icraat aparılan şəxs Şəxs özünü təqsirli bildiyini, icra sənədi üzrə borcunu hissə-hissə ödədiyini, yaranmış borcun bir müddət işləməməsi səbəbindən maddi imkansızlığı ilə əlaqədar olduğunu qeyd etmişdir. O, bu gün, yəni xx.xx.2023-cü il tarixdə məhkəmə iclasından əvvəl borcundan 1100 manat ödəniş etdiyini bildirərək ödənişi təsdiq edən sənədi məhkəmə iclasında təqdim etmişdir. Yaranmış 2550 manat borcunu bir dəfəyə ödəmək imkanı olmadığını, hazırda Qarabağ İqtisadi Rayonunda tikinti-quruculuq işlərinin aparılmasında yük maşını sürücüsü qismində işə düzəldiyini, aliment borcunu və aylıq alimenti hər ay hissə-hissə ödəyəcəyini bildirmişdir. Barəsində inzibati xəta haqqında iş üzrə icraat aparılan şəxsi və icra məmurunu dinləyib, inzibati xəta haqqında protokolu, ona əlavə edilmiş sənədləri və icra işini nəzərdən keçirərək belə qənaətə gəlirəm ki, barəsində inzibati xəta haqqında iş üzrə icraat aparılan şəxsin əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın tərkibi mövcuddur. Belə ki, o, məhkəmə qərarının icrası ilə əlaqədar icra məmurunun qanuni tələblərini yerinə yetirməmiş, məhkəmə qərarı ilə müəyyən edilmiş məbləği üzrsüz səbəbdən ödəməmişdir. Göstərilənlərə əsasən hesab edirəm ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən “Fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır”. İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114, 115, 117, 128–130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək 500 (beş yüz) manat miqdarında cərimə edilsin. Qərarın surəti rəsmi qaydada verildiyi vaxtdan 10 (on) gün müddətində Neftçala Rayon Məhkəməsi vasitəsilə və ya birbaşa Şirvan Apellyasiya Məhkəməsinə şikayət və ya protest verilə bilər. Hakim Samir Quliyev